जनसंवाद अभियान अंर्तगत जिल्हा वाहतुक शाखेमार्फत “रस्ता सुरक्षा जनजागृती मोहीम” कार्यक्रमाचे आयोजन पालघर : बाळासाहेब पाटील, पोलीस अधीक्षक पालघर यांच्या संकल्पनेतुन नव्याने सुरु झालेल्या वाहतुक शाखे मार्फत वाहतुक नियमांचे काटेकोरपणे पालन होण्याकरीता वेगवेगळे उपक्रम राबविण्यात येत आहेत. भारतात रस्ते अपघात ही एक गंभीर समस्या आहे. महाराष्ट्रात देखील ही संख्या सुमारे १४,८०० इतकी आहे. महाराष्ट्रात घडणा-या रस्ते अपघाताचे प्रमाण लक्षात घेता संपुर्ण भारतामध्ये रस्ते अपघातात महाराष्ट्राचा तिसरा क्रमांक लागतो ही बाब गंभीर असुन केंद्रीय रस्ते व परिवहन मंत्रालय यांनी २०२५ पर्यंत रस्ते अपघातामध्ये मृत्युचे प्रमाण ५० टक्के पर्यंत कमी करण्याचे उद्दीष्ट ठेवले आहे. त्याअनुषंगाने दिनांक ३१जुलै रोजी दुपारी १२:३० वाजता सेंट जॉन कॉलेज ऑफ इंजिनिअरिंग अँड मॅनेजमेंट, मनोर रोड पालघर येथील महाविद्यालयातील विद्यार्थ्यांमध्ये वाहतुक नियमांची जनजागृती व्हावी यासाठी बाळासाहेब पाटील, पोलीस अधीक्षक पालघर यांचे संकल्पनेतुन जनसंवाद अभियान अंर्तगत "रस्ता सुरक्षा जनजागृती मोहीम" हा कार्यक्रम आयोजित करुन महाविद्या...

लाडकी बहिण योजनेच्या आधी बहिणींना सुरक्षा द्या बहिणींच्या सुरक्षेसाठी राज्यात तात्काळ ‘लव्ह जिहाद' विरोधी  कायदा करा  - हिंदु राष्ट्र-जागृती आंदोलनात मागणी उरणमधील यशश्री शिंदेची निर्घृण हत्या करणार्‍या ‘लव्ह जिहाद्या’ला भरचौकात फाशी द्या !   मुंबई : महाराष्ट्र सरकारने ‘मुख्यमंत्री लाडकी बहीण योजना’ चालू केली आहे, मात्र सध्या ‘लव्ह जिहाद’च्या धोक्यामुळे हिंदू युवती आणि महिला अजूनही असुरक्षित आहेत आणि त्यांच्या निर्घृण हत्या सुरूच आहेत. *‘लाडकी बहीण’ योजनेच्या आधी ‘बहिणींना सुरक्षा द्या!’ बहिणींच्या सुरक्षेसाठी राज्यात तात्काळ ‘लव्ह जिहाद’ विरोधी कायदा करावा, अशी आग्रही मागणी मुंबईतील दादर पूर्व येथील रेल्वे स्थानकाजवळ ३० जुलै या दिवशी ‘हिंदु राष्ट्र समन्वय समिती’च्या वतीने आयोजित ‘हिंदु-राष्ट्र जागृती आंदोलना’त करण्यात आली. उरण येथील कु. यशश्री शिंदे (वय २२) हिची अत्यंत क्रूरतेने आणि मानवतेला काळीमा फासणारी हत्या करण्यात आली. कु. यशश्रीची हत्या करणार्‍या नराधम आरोपीला तात्काळ भरचौकात फाशी देण्यात यावी, ही मागणीही या वेळी करण्यात आली. ‘हिंदु राष्ट्र समन्वय समिती’च्या पु...

संतांवर जातीयवादी टीका करणार्‍या श्याम मानव यांची जादूटोणा कायद्याच्या समितीतून हकालपट्टी करा - हिंदु जनजागृती समितीची शासनाकडे मागणी मुंबई : तत्कालीन काँग्रेस शासनाने जादूटोणा कायद्याच्या प्रचारासाठी नेमलेल्या शासकीय समितीचे (PIMC) सहअध्यक्ष श्याम मानव हे आजही त्या समितीवर कार्यरत आहेत. खरे तर मानव यांनी खोटे लिखाण केले, म्हणून त्यांना न्यायालयाने शिक्षा आणि आर्थिक दंड ठोठावला होता. तसेच ते सातत्याने वारकरी संप्रदायातील साधूसंतांवर जातीयवादी भाषेत टीका करून धार्मिक भावना दुखावण्याचे काम करत असतात. त्यामुळे या शासकीय समितीतून श्याम मानव यांची हकालपट्टी करावी, अशी मागणी हिंदु जनजागृती समितीने महाराष्ट्र राज्याचे मुख्यमंत्री एकनाथ शिंदे, तसेच उपमुख्यमंत्री तथा गृहमंत्री देवेंद्र फडणवीस यांच्याकडे एका निवेदनाद्वारे केली आहे. पुणे येथील सुप्रसिद्ध डॉ.प.वि. वर्तक यांच्याविषयी खोटे लिखाण प्रसिद्ध केल्याविषयी पुणे येथील प्रथमवर्ग न्यायदंडाधिकारी पाध्ये यांच्या न्यायालयाने प्रा. श्याम मानव यांना एक दिवसाची कैद आणि आर्थिक दंड ठोठावला होता. ‘मुंबई सार्वजनिक विश्वस्त संस्था अधिनियम १९५०’च्या कलम ...

ऑलिंपिक स्पर्धेत मल्लखांब या क्रीडा प्रकारासाठी कु. कोमल भूषण पाटील हिची  निवड पालघर : पॅरिस येथे होणाऱ्या ऑलिंपिक स्पर्धेत मल्लखांब या क्रीडा प्रकारासाठी भारत देशाचे प्रतिनिधित्व करण्यासाठी जाणाऱ्या संघात पालघर जिल्ह्यातील पथराळी गावातील कु. कोमल भूषण पाटील हिची  निवड झाली आहे. खेळांचा महाकुंभ म्हणून ओळखली जाणारी स्पर्धा म्हणजे ऑलिम्पिक. दर चार वर्षांनी होणारी ही स्पर्धा क्रीडा विश्वातील सर्वात मोठी स्पर्धा, त्यामुळे या स्पर्धेत सहभागी होण्याचं स्वप्न प्रत्येत खेळाडू पाहतो. आता पॅरिसमध्ये यंदा ऑलिम्पिक स्पर्धा सुरू झाली आहे. पॅरिस ऑलिम्पिक २०२४ स्पर्धेचा उद्घाटन सोहळा २६ जुलै रोजी पार पडला. पण त्याआधी २४ जुलैपासून आधीच वेगवेगळ्या खेळांच्या प्राथमिक फेऱ्यांना सुरुवात झाली आहे. या स्पर्धेत भारता कडून ७० पुरुष आणि ४७ महिला असे  एकूण ११७ खेळाडू सहभागी होणार आहे. एकूण १८ दिवस चालणाऱ्या या स्पर्धेत भारताचे खेळाडू १६ क्रीडा प्रकारांमध्ये खेळताना दिसणार आहेत.   यात कु. कोमल भूषण पाटील हिने आपल्या अंधत्वावर मात करून पद्मश्री पुरस्कार प्राप्त उदय देशपांडे  यांच्याकड...

वाढवण’ बंदराविरोधात पालघर हुतात्मा चौकात तीन दिवसीय लाक्षणिक उपोषण पालघर : वाढवण बंदर विरोधी संघर्ष समितीने विनाशकारी वाढवण बंदर कायमचे रद्द करण्याच्या मांगणी साठी पालघर हुतात्मा चौकात २४,२५ व २६ जुलै असे तीन दिवस लाक्षणिक उपोषण करण्याचा निर्णय घेतला असुन वाढवण बंदर विरोधी संघर्ष समिती बरोबर वाढवण बंदर विरोधी युवा संघर्ष समिती, नॅशनल फिश वर्कर्स फोरम, ठाणे जिल्हा मध्य. मच्छीमार संघ, ठाणे जिल्हा समाज संघ, महाराष्ट्र मच्छीमार कृती समिती, कष्टकरी संघटना, आदिवासी एकता परिषद, भूमी सेना, अखिल महाराष्ट्र कृती समिती, समुद्र बचाव संघ, सागर कन्या या विविध संघटनानी या आंदोलनात सहभाग घेतला आहे. यावेळी त्यांनी सांगितले की, डहाणू तालुक्यातील वाढवण गावच्या पर्यावर्णीय दृष्ट्या अती संवेदन विभागातील समुद्रात केंद्र सरकार व राज्य सरकार जेएनपीएच्या माध्यमातून महाकाय वाढवण बंदर प्रकल्प उभारु पहात आहे. या बंदर प्रकल्पामुळे पर्यावरणाचा ऱ्हास होणार असून यामुळे शेतकरी, बागायतदार, मच्छीमार, डायमेकर्स पार उध्वस्त होणार आहेत. शिवाय येथील नैसर्गिक जैव विविधता , नैसर्गीक समृद्धी प्रवाह, मत्स्य बीजोत्पादन क्षेत्र, ...

हिंदु जनजागृती समितीच्या वतीने भांडुप आणि वसईसह देशभरात ७१ ठिकाणी गुरुपौर्णिमा महोत्सव भावपूर्ण वातावरणात झाला संपन्न रामराज्यासाठी साधना करण्यासह भ्रष्टाचार, अनैतिकता आणि अराजकता यांच्या विरोधात लढा द्यायला हवा  - बळवंत पाठक मुंबई - व्यक्तीगत जीवनात साधना केल्याने अंतरंगात रामराज्याची स्थापना होईल; परंतु सामाजिक आणि राष्ट्रीय जीवनात रामराज्याची स्थापना होण्यासाठी आपण आपले कर्तव्य प्रामाणिकपणे बजावण्याच्या जोडीला भ्रष्टाचार, अनैतिकता आणि अराजकता यांच्या विरोधात लढा द्यायला हवा. आपले विचार आणि वर्तन हे हिंदु संस्कृतीला पूरक असायला हवे. ‘हॅलो’ नाही, तर नमस्कार किंवा ‘राम-राम’ म्हणणे, ही आपली संस्कृती आहे; ‘टीव्ही’वरच्या मालिका पहाणे नाही, तर ‘कीर्तन-भजन’ पहाणे, ही आपली संस्कृती आहे; कुठला अभिनेता नाही, तर राम-कृष्ण हे आपल्या संस्कृतीने दिलेले आदर्श आहेत. आपल्या वागण्या-बोलण्यातून, आचारातून आपण संस्कृतीची जोपासना करूया. धर्माचे पालन करूया, असे आवाहन हिंदु जनजागृती समितीचे मुंबई आणि पालघर जिल्हा समन्वयक बळवंत पाठक यांनी केले. वसई (प.) येथील विश्वकर्मा सभागृह या ठिकाणी झालेल्या गुरुपौर...

पालकांनी आपल्या पाल्याचा प्रवेश शासनमान्य शाळेत घेण्याचे शिक्षण विभागाचे आव्हान पालघर : पालघर प्राथमिक शिक्षण विभागामार्फत अनधिकृत शाळांवर कारवाई करण्यात आली असून बालकांच्या मोफत व सक्तीच्या शिक्षणाचा हक अधिनियम २००९ मधील कलम १८ (५) व १९ (१) मधील तरतुदीनुसार व्यवस्थापनाला रक्कम एक लाख दंड व नोटीसच्या दिनांकापासून शाळा बंद न केल्याने पुढील प्रत्येक दिवशी रक्कम दहा हजाराप्रमाणे दंडाची कारवाई करण्याची तरतूद आहे. शासकीय कारवाई करताना अनधिकृत शाळांना सुरुवातीला नोटिस बजावण्यात आली होती, त्यानंतर काही शाळा बंद करण्यात आल्या तर काही शाळांनी पुनःश्च शाळा सुरू न करण्याचे हमीपत्र सादर केले. अनधिकृत शाळांवर प्रशासनामार्फत एफआयआर दाखल करण्यात आले आहे. अशा प्रकारच्या अनधिकृत शाळेत प्रवेश घेऊ नये. काही शाळा बंद करण्यात आल्या हे खरे असले तरी सदर शाळा संस्थेमार्फत पुन्हा सुरू करण्याच्या शक्यता आहे त्यामुळे पालकांनी या सन २०२४-२५ या शैक्षणिक वर्षात आपल्या पाल्याचा प्रवेश घेवू नये. तरी पालकांनी आपल्या पाल्यांचा प्रवेश घेताना या अनधिकृत शाळांना बळी न पडता शासनमान्य शाळेतच प्रवेश घ्यावा, असे  असे आवाह...

डॉक्टरांची अपॉइमेंट तत्काळ लावण्यासाठी रुग्णान कडून ऑनलाइन पेमेंट मांगुन फसवणूक करणारी टोळी बोईसर शहरात सक्रिय  बोईसर :- लोकांची ऑनलाईन फसवणूक करुन पैसे कमवणाऱ्या विविध टोळ्या भारतभर सक्रिय आहेत, त्यांच्यामार्फत देशभरातील लोकांना बनावट कॉल करुन, मेसेज करुन त्यांची फसवणूक केली जाते. ऑनलाईन फसवणुकीचे नवनवीन प्रकार या टोळ्या आत्मसात करत असतात आणि अगदी सहजपणे लोकांना या टोळ्या त्यांच्या विळख्यात अडकवतात. ओटीपीची मागणी करुन, बँक डिटेल्स मागून खात्यातले सर्व पैसे गायब करण्याचं काम या लुटारु टोळ्या करत असतात. मिळालेल्या माहितीनुसार बो ईसर शहरात खासगी रुग्णालयात डॉक्टरांची तत्काळ अपॉइमेंट कॉल द्वारे लावायचे असल्यास ऑनलाईन पेमेंट मांगवून रुग्णाची फसवणूक करणारी टोळी सक्रिय झाली आहे .अनेकांना कॉल करत फसवेगिरी सुरू असल्याचे  निदर्शनास येत आहे. शहरातील बहुतांश खासगी रुग्णालयात रग्ण हे घरूनच  मोबाईल वरून कॉल करुत अपॉइमेंट घेत असतात. त्या  खासगी रुग्णालयाचा नंबर हॅक करत कॉल केलेल्या रुग्णांना  कॉल केला जातो आणि खासगी रुग्णालयात डॉक्टरांची ओपीडी साठी अपॉइमेंट घेणार असतील त...

शासनाने जाहीर केलेल्या सात महत्वाकांक्षी योजनांच्या अमंलबजावणीत गैरप्रकार खपवून घेणार नाही - मुख्यमंत्री एकनाथ शिंदे मुंबई  दि. १८ : शासन गोरगरीब, सर्वसामान्यांना लाभ मिळावा यासाठी योजना राबवत असते. अशा घटकांकडून पैसे काढणे हे योग्य नाही, त्यामुळे योजनांच्या अमंलबजावणीत गैरप्रकार झाल्यास तो खपवून घेतला जाणार नाही, असे कठोर इशारा मुख्यमंत्री एकनाथ शिंदे यांनी दिला.  शासनाने जाहीर केलेल्या सात महत्वाकांक्षी योजनांचा मुख्यमंत्री एकनाथ शिंदे यांच्या अध्यक्षतेखालील बैठकीत आढावा घेण्यात आला. या बैठकीस जिल्हास्तरीय विविध यंत्रणांचे अधिकाऱ्यांसह, संबंधित जिल्हाधिकारी, जिल्हा परिषदांचे मुख्यकार्यकारी अधिकारी, विभागीय आयुक्त आदी उपस्थित होते. तसेच वर्षा शासकीय निवासस्थानी मुख्य सचिवांसह विविध विभांगांचे सचिवस्तरीय अधिकारी उपस्थित होते.  मुख्यमंत्री एकनाथ शिंदे म्हणाले की योजनांच्या अमंलबजावणीत गैरप्रकार होऊ नये याची दक्षता घ्या. जिल्हाधिकारी, विभागीय आयुक्तांनी यासाठी दक्ष राहीले पाहिजे. योजनांच्या अंमलबजावणीचे उद्दीष्ट साध्य करताना लाभार्थ्यांची नोंदणी करताना काही घटक गैरप्रकार कर...

पाच वर्गांसाठी एकच शिक्षक ; पालघर जिल्हा परिषद शाळेतील २६०० शिक्षकांची पद रिक्त पालघर : पालघर जिल्ह्यात जिल्हा परिषद शाळांमध्ये शिक्षण घेणाऱ्या विद्यार्थ्यांचे भवितव्य राम भरोसे असल्याचे उघड झाले आहे. एकट्या पालघर जिल्ह्यात जिल्हा परिषदेच्या प्राथमिक शाळांमध्ये शिकवणाऱ्या शिक्षकांची तब्बल २६०० पेक्षाही अधिक पद रिक्त असल्याचे धक्कादायक वास्तव समोर आले आहे. यामुळे जिल्हा परिषद शाळांमध्ये शिक्षण घेणाऱ्या विद्यार्थ्यांना शिक्षणाचे धडे गिरवून घेण्यासाठी गुरूच नाही.  शिक्षण क्षेत्रात वाढत असलेल्या स्पर्धेत जिल्हा परिषद शाळांना आपले अस्तित्व टिकवण्यासाठी मोठी कसरत करावी लागत आहे. एकीकडे खाजगी इंग्लिश मिडीयम शाळांमध्ये मिळत असलेल्या सुविधा व शिक्षणामुळे ग्रामीण भागातील विद्यार्थी देखील या शाळांमध्ये जात आहे. अशा परिस्थितीत जिल्हा परिषद शाळांमध्ये असलेली मुलांची पटसंख्या घटत असल्याचे पाहण्यास मिळत आहे. असे असताना देखील या शाळांमध्ये शिक्षक नसल्याचे चित्र पालघर जिल्ह्यात पाहण्यास मिळत आहे.  एका शिक्षकावर पाच वर्गांचा ताण   पालघर जिल्ह्यातील पहिली ते पाचवी आणि पहिली ते आठवीपर्...

मयंक रमाकांत शिंदे ची विजयवाडा येथे होणाऱ्या नॅशनल तिरंदाजी स्पर्धेसाठी निवड  पालघर: नॅशनल ट्रायल रँकिंग साठी अमरावती येथे पार पडलेल्या राज्यस्तरीय आर्चरी स्पर्धेत मयंक रमाकांत शिंदे यांनी दहा वर्ष खालील गटात राज्यात तिसरी रँक मिळवून ब्राँझ पद मिळवले. महाराष्ट्र आर्चरी असोसिएशन मार्फत अमरावती येथे घेण्यात आलेल्या नॅशनल ट्रायल रँकिंग मध्ये मयंक रमाकांत शिंदे याने दहा वर्ष खालील गटात राज्यात तिसरी रँक मिळवून ब्राँझ पद मिळवले आहे. यासाठी त्याला वसई येथील अंतरराष्ट्रीय कोच गौरव पाटील आणि आर्चरी असोसिएशनचे सचिव सावे ह्यांचे मार्गदर्शन लाभले आहे आता त्याची विजयवाडा येथे होणाऱ्या नॅशनल आर्चरी स्पर्धेसाठी निवड झाली असून या स्पर्धेत गोल्ड मेडल मिळवून पालघर चे नाव देशात करण्याचा मनोदय मयंक शिंदे ने व्यक्त केला आहे. त्यामुळे मयंक रमाकांत शिंदे याने केलेल्या उत्तम कामगिरी बाबत सर्व स्तरावरून त्याचे कौतुक होत आहे.

न्यू बृजवासी दुकानातील खाद्य पदार्थ ठरू शकतात आरोग्यासाठी हानिकारक  बोईसर |  बोईसर ग्रामपंचायत हद्दीतील नवापुर नाका येथील मुख्य रस्त्यालगत असलेले नामांकित न्यू बृजवासी ह्या  दुकानामध्ये तयार केलेल्या खाद्य पदार्थात मेलेली माशी आढळून आली आहे. न्यू बृजवासी हे एक बोईसर मधील नामांकित दुकान मानले जात आहे. परंतु आरोग्याच्या बाबतीत ह्या दुकानांमध्ये कोणत्याही प्रकारची उपायोजना असल्याचे दिसून येत नाही. हे दुकान म्हणजे नाव मोठे आणि लक्षण खोटे असे म्हणणे वावगं ठरणार नाही. मागील काही दिवसापूर्वी जनता स्वीट अँड ड्रायफूट या दुकानात झुरळ तसेच माशा ताव मारताना दिसत होत्या, तसेच सरावली ग्रामपंचायत हद्दीतील अवधनगर येथिल अलसिफा गल्लीत न्यू गौसिया बेकरीत तसेच इतर बेकऱ्या मध्ये ही खाद्य पदार्थ तयार करताना अन्नसुरक्षा व औषध सुरक्षा विभागाची व बेकरी  संबंधित असणाऱ्या  कुठल्याही विभागाची परवानगी घेतलेली नसून, निकृष्ट दर्जाचे खाद्य पदार्थ तयार केले जात आहेत. तसेच सिडको येथे राहत्या घरामध्ये तीर्थराज यादव ह्याने निकृष्ट दर्जाचा मावा बनवून लोकांच्या आरोग्याशी खेळत असल्याच्या अनेक बातम्या...

नवरा फिरायला घेऊन जात नाही याचा राग मनात धरुन साडेचार महिन्यांच्या मुलीची हत्या करुन आईची आत्महत्या  पालघर : कासा पोलीस ठाणे हद्दीत साडेचार महिन्याच्या मुलीची हत्या करुन आईने आत्महत्या केल्याची धक्कादायक घटना घडली आहे. मनीषा जयेश राजड अस आईचे नाव असुन मुलीचे नाव अनुश्री आहे. मिळालेल्या माहितीनुसार डहाणु तालुक्यातील शिसणे शिपाई पाडा येथे दि.7 रोजी एका महिलेने आईच्या नावाला काळीमा फासणारी घटना  परिसरात घडली आहे. जयेश राजड हा शिसने येथील रहिवाशी असून जयेश फिरायला जात असताना आपल्याला नेत नाही याचा राग मनात धरून पत्नी मनीषा राजड (वय 23) हिने आपल्या पोटच्या साडेचार महिन्यांची चिमुकली अनुश्रीची गळा आवळून हत्या केली. त्यानंतर मनीषा हिने स्वतः राहत्या घरात नायलॉन दोरीच्या साहाय्याने गळफास घेऊन आत्महत्या केली या संपूर्ण घटनेमुळे परिसरात खळबळ माजली असून चिमुकलीची हत्या करुन आईने स्वत:ला संपवल्याने सर्वत्र हळहळ व्यक्त होत आहे. याप्रकरणी कासा पोलिसांत गुन्हा दाखल करण्यात आला असून पोलीस अधिक तपास करीत आहेत.

वरळी हिट अँड रन अपघातात महिलेचा मृत्यू ; शिंदे गटाचा उपनेता पोलिसांच्या ताब्यात  मुंबई : मुंबईच्या वरळी भागात झालेल्या हिट अँड रन अपघातात महिलेचा मृत्यू झाला. या घटनेनंतर शिवसेना शिंदे गटाचे पालघरमधील उपनेते राजेश शहा यांना पोलिसांनी ताब्यात घेतलं आहे.  मुंबईतील वरळी येथे आज, रविवारी सकाळी 5.30 दरम्यान एक मोठा अपघात झाला. या अपघातात एका कारने दुचाकीस्वाराला फरफटत नेलं. या अपघातात कावेरी प्रदीप नाखवा (वय ४५ वर्षे)  महिलेचा मृत्यू झाला तर पती थोडक्यात बचावले. परंतु, अपघातानंतर या कारमधील लोकांनी पळ काढला होता. या प्रकरणात आता मोठी अपडेट समोर आली आहे. ज्या कारने अपघात झाला ती कार शिंदे गटाचे पालघरमधील उपनेते राजेश शहा यांचा मुलगा मिहीर शहा चालवत होता. त्यांचा ड्रायव्हरही यावेळी कारमध्ये उपस्थित होता. आता याप्रकरणाचा पुढील तपास पोलिसांकडून सुरू आहे. सविस्तर माहिती अशी की, मुंबईतील वरळीत असलेल्या प्रसिद्ध अॅट्रिया मॉलजवळ हिट अँड रनची घटना घडली आहे. अॅट्रिया मॉलजवळच असणाऱ्या वरळी कोळीवाडा परिसरात राहणारं नाखवा हे कोळी दाम्पत्य सकाळी माशांच्या लिलावासाठी ससून डॉकला जाण्यासाठी घ...

बोईसरमध्ये वाहतूक कोंडी टाळण्यासाठी बेशिस्त वाहनचालकांवर होणार कारवाई बोईसर : वाहन पार्किंग ची शिस्त नसल्याने बिनधास्तपणे नागरिक कुठेही अस्ताव्यस्त पार्किंग करत असल्यामुळे सर्वांना त्याची डोकेदुखी ठरली आहे. त्यामुळेच आता रस्त्यात बेशिस्तपणे उभी केलेली वाहने उचलण्याचा इशारा वाहतूक पोलिसांनी दिला आहे. बोईसर शहरासह सरावली, खैरा पाडा, बोईसर रेल्वे स्थानक बोईसर - चिल्हार रोड आदी विविध ठिकाणी वाट्टेल तशी बेशिस्तपणे वाहने उभी करण्याचे प्रमाण वाढू लागले आहे. त्यामुळे वाहतुकीस अडथळा निर्माण होऊन वाहतूक कोंडी होते.  शहरात दिवसेंदिवस वाहनांची संख्या वाढत असून वाहनधारक रस्त्यावर कुठेही वाहन लावून वाहतूकीस अडथळा निर्माण करतात. अशा बेशिस्त पार्कींगमुळे अनेक वेळेस वाहतूक कोंडी होवून नागरिकांना नाहक त्रास सहन करावा लागतो. सोबतच अपघाती घटनांमध्ये देखील वाढ होत आहे. त्यामुळे अशा वाहनधारकांना शिस्त लागावी. तसेच वाहतूक व्यवस्था सुरळीत व्हावी, यासाठी वाहतूक शाखेकडून बोईसर पोलीस ठाणे येथे बैठकीचे आयोजन करण्यात आले होते. पालघर चे पोलीस अधीक्षक बाळासाहेब पाटील आणि जिल्हाधिकारी डॉ. गोविंद बोडके यांनी याची ...

मुंबई अहमदाबाद राष्ट्रीय महामार्गावरील रस्त्याच्या कडेला ट्रक ड्रायवर ने फेकली केमिकल युक्त पावडर  पालघर: मुंबई अहमदाबाद राष्ट्रीय महामार्गावर तलासरी तालुक्यातील धानिवरी येथे ट्रक ड्रायवर ने केमिकल युक्त पावडर रस्त्याच्या कडेला फेकल्याचे प्रकार वारंवार घडत असतात. मिळालेल्या माहितीनुसार मुंबई अहमदाबाद राष्ट्रीय महामार्गावर तलासरी तालुक्यातील धानिवरी मानपाडा येथे रस्त्या लगत RJ 19 / GJ. 5959  या ट्रक ड्रायव्हर ने गाडीतुन केमिकल युक्त पावडर रस्त्याच्या कडेला फेकली होती हा सगळा प्रकार ग्रामस्थांच्या लक्षात येताच ग्रामंस्थानी लगेच जागेवर जाऊन टाकलेली केमिकल युक्त पावडर परत भरायला भाग पाडले. तसेच असे प्रकार खुप वेळा गावात घडलेले असल्यामुळे केमिकल मुळे नदीतील पाणी दूषीत होऊन नदीतील मासे मरतात तसेच नदीत रोज आंघोळ करण्यासाठी शाळकरी मुले, गावातील ग्रामस्थ जातात तर त्यांना अंगाला खाज येते आणि असे प्रकार याच्या अगोदर ही घडले असल्याचे ग्रामस्थांनी सांगितले आहे.

बोईसर शहरात जगन्नाथ रथयात्रेचा सोहळा जल्लोषात होणार साजरा  भाविकांनी मोठ्या संख्येने सहभागी होण्याचे आव्हान ; नीलम संखे , ग्रामपंचायत बोईसर उपसरपंच  बोईसर : बोईसर येथे जगन्नाथ रथयात्रा मोठया उत्साहात साजरी होते यावर्षी ही जगन्नाथ मंदिर मंगलमूर्ती नगर बोईसर येथून रविवार दिनांक-७ जुलै रोजी संध्याकाळी ४:०० सुमारास जगन्नाथाची भव्य रथयात्रा निघणार आहे. ह्या रथयात्रेमध्ये तमाम भाविकांनी मोठ्या संख्येने सहभागी  व्हावे. असे शिवसेना उपजिल्हाप्रमुख व बोईसर चे उपसरपंच निलम संखे यांनी आव्हान केले आहे. रथयात्रेचे विशेष महत्त्व.... स्कंद पुराणानुसार जो माणूस रथयात्रेत श्री जगन्नाथजींचे नामस्मरण करत गुंडीचा नगरी पोहोचतो तो पुनर्जन्माच्या बंधनातून मुक्त होतो. जी व्यक्ती भगवंताच्या नामस्मरणात रथयात्रेत सहभागी होतो, त्याच्या सर्व मनोकामना पूर्ण होतात. फक्त रथयात्रेत सहभागी झाल्याने मुलांशी संबंधित सर्व समस्या दूर होतात.    अक्षय्य तृतीयेच्या दिवशीच पुरीच्या जगन्नाथ मंदिरात रथयात्रेची तयारी सुरू झाली आहे. रथयात्रेच्या दिवशी दुर्गापूजेचे आवाहन सुरू होते. कारण रथोत्सवाच्या दिवश...

पालघरमध्ये बालविवाहाचे प्रमाण जास्त ; दोन हजार गर्भवती माता १९ वर्षाखालील   पालघर : पालघर जिल्ह्यात ३६,१६८ गर्भवती माता असून यामध्ये तब्बल २४६२ गर्भवती माता या १९ वर्षाखालील असल्याची धक्कादायक माहिती समोर आली आहे .  मोखाडा तालुक्यात एका अल्पवयीन गर्भवती मातेचा मृत्यू झाल्यानंतर ही धक्कादायक आकडेवारी समोर आली आहे. यामध्ये डहाणू तालुक्यात तब्बल ७४३ गर्भवती माता १९ वर्षा खालील असून त्या खालोखाल जव्हार तलासरी आणि विक्रमगड तालुक्यात अल्पवयीन मातांचा आकडा अधिक आहे . पालघर जिल्ह्यात बालविवाहाचे प्रमाण अधिक असल्याचं यावरून स्पष्ट होत असून या बालविवाहांमुळेच बालमृत्यू, माता मृत्यू, कुपोषण यांची आकडेवारी देखील मोठी आहे. या आकडेवारीमुळे पालघर जिल्ह्यात होणाऱ्या बालविवाहांना रोखण्यात जिल्हा प्रशासन अपयशी ठरत असल्याचं पुन्हा एकदा उघड झालं. याबाबत जिल्हाधिकारी आणि पोलीस अधीक्षक यांनी कठोर पावलं उचलावी अशी मागणी जिल्हा परिषदेचे अध्यक्ष प्रकाश निकम यांनी केली आहे.

गौसिया बेकरी मधील पदार्थ खाणे ठरु शकते आरोग्यासाठी हानिकारक बोईसर : बोईसर शहराची व्याप्ती दिवसेंदिवस वाढत असून, प्रमुख वर्दळीच्या ठिकाणांसह थेट गल्लीबोळातही बेकरी उत्पादन घेणाऱ्या व्यावसायिकांनी दुकाने थाटली आहेत. अनेक व्यावसायिक, दुकानदारांकडून उत्पन्नाच्या हव्यासापाेटी नियमांना मात्र तिलांजली दिली जात असल्याचे दिसून येत आहे. सरावली ग्रामपंचायत हद्दीतील अवधनगर येथिल अलसिफा गल्लीत न्यू गौसिया बेकरीत खाद्य पदार्थ तयार करताना  अन्नसुरक्षा व औषध सुरक्षा विभागाची व बेकरी संबधित असणाऱ्या  कुठल्याही विभागाची परवानगी घेतलेली नसून, निकृष्ट दर्जाचे खाद्य पदार्थ तयार केले जात आहेत. त्या मध्ये टोस, बटर, खारी, पाव असे अनेक बेकरी खाद्य पदार्थ तयार केले जाते हे पदार्थ लहानांपासून मोठ्यांपर्यंत लोक आवडीने खात असून या बेकरीत व बाहेर परिसरात घाणीचे साम्राज्य पसरले असताना भविष्यात अनेक आरोग्याच्या समस्या उद्भवू शकतात. त्यामुळे अन्न सुरक्षा अधिकारी नेमके करतात तरी काय ? असा प्रश्न सामान्य ग्राहकाकडून उपस्थित केला जात आहे. दरम्यान शासकीय भूखंडावर बेकायदेशीर बांधकाम करून न्यू गौसिया बेकरीत खाद्य प...

तीन नव्या फौजदारी कायद्याच्या अंमलबजावणी बाबत तारापूर पोलीस ठाण्या तर्फे जनजागृती   तारापूर : न्याय संहिता , भारतीय नागरिक सुरक्षा संहिता भारतीय साक्ष संहिता या तिन्ही कायद्याची अंमलबजावणी १ जुलै २०२४ पासून सुरू करण्यात आली आहे. या कायद्याची जनजागृती व्हावी याकरिता तारापूर पोलीस स्टेशनचे सहाय्यक पोलीस निरीक्षक सागर कावळे यांनी तारापूर येथील मोहम्मदी उर्दू स्कूल सभागृहात २ जुलै रोजी संध्याकाळी पाच वाजता जनजागृती कार्यक्रमाचे आयोजन करण्यात आले होते.या कार्यक्रमात लोकांमध्ये जागृती निर्माण व्हावी याकरिता वरील नवीन तिन्ही कायद्याबाबत देऊन नव्या कायद्यातील तरतुदी आणि त्यानुसार शिक्षा काय असेल याचीही माहिती देण्यात आली . सदर जनजागृती कार्यक्रमात शांतता मोहल्ला कमिटी सदस्य, मुस्लिम सुन्नत जमात तारापूर अध्यक्ष-सदस्य,महिला दक्षता कमिटी सदस्य, हिंदू- मुस्लिम प्रतिष्ठित नागरिक, सागर रक्षक दल ,पत्रकार, सरपंच , महात्मा गांधी तंटामुक्त गाव समिती तारापूर अध्यक्ष - सदस्य व पोलीस ठाणे नेमणुकीतील पोलीस अधिकारी व अमलदार उपस्थित होते.

डोंगरपाडा येथील धांगडा कुटुंबीयांवर संकट : पंचनामा करुन नुकसान भरपाई देण्याची मांगणी....   डहाणु : डहाणु परिसरात गेल्या आठवडा भर पावसाने जोरदार हजेरी लावली असुन नव नविन घटना समोर येत आहेत. अश्यातच डहाणु तालुक्यातील ग्रामपंचायत धानिवरी मधील डोगंरपाडा येथील एक घर पावसामुळे पूर्णपणे कोसळून जमीनदोस्त झाल्यामुळे सदर कुटुंबीयांवर उघड्यावर राहण्याची पाळी आली आहे.  प्राप्त माहितीनुसार डहाणु तालुक्यातील धानिवरी ग्रामपंचायत मधील डोंगरपाडा येथील एक विधवा महिला लाडकी गणपत धांगडा (६५) ह्याचे राहते घर जोरदार पावसामुळे जमीनदोस्त झाल्यामुळे सदर कुटुंबीयांवर संकट कोसळले आहे.लाडकी धांगडा, तिचा मुलगा व त्याचे संपूर्ण कुटूब शेतीच्या कामासाठी घरा बाहेर गेले असता दि.२ जुलै मंगळवारी सकाळी ८ वाजता दरम्यान त्यांचे घर पूर्णपणे कोसळले. सुदैवाने यात कुठलीही जीवीत हानी झाली नाही. मात्र घरातील संपूर्ण साहित्याचे नुकसान झाले आहे त्यामुळे धांगडा कुटुंबीयांवर मोठे संकट कोसळले असून उघड्यावर राहण्याची पाळी आली आहे. दरम्यान शासनाने लवकरात लवकर पंचनामे करुन आम्हाला नुकसान भरपाई द्वावी असे धांगडा कुटुंबियांची...

बोईसर रेल्वे फाटकावर नशेत धुंद रुस्तम सिंग व अशोक सिंग यांनी बस चालक व वाहकास बेदम मारहाण मारहाणी मुळे सेंट फ्रांसिस शाळेतल्या मुलांनमध्ये व आजूबाजूच्या लोकांनमध्ये भीतिचे वातावरण  बोईसर | बोईसर रेल्वे फाटक क्रमांक ५२ वंजारवाडा येथील फाटकात सेंट फ्रान्सिस शाळेतील विध्यार्थ्यांना घेऊन जाणाऱ्या बसला अडवून चालकाला जोरदार मारहाण केल्याची घटना घडलेली आहे. आज दिनांक १ जुलै रोजी सायंकाळी ६ वाजेच्या दरम्यान फाटक क्रमांक ५२ वंजार वाडा येथून सेंट फ्रान्सिस शाळेतील विध्यार्थ्यांना घेऊन जाणारी बस अडवून दारूच्या नशेत टूण असलेल्या दोन इसमाने चालकाला बेदम मारहाण केली आहे. रेल्वे फाटकात वाहतूक कोंडी झालेली असताना बसचा धक्का लागल्याने संतप्त झालेल्या दुचाकी स्वार रूस्तम संतोष सिंह व अशोक जगदीश सिंह यांनी बस चालक विवेक अरविंद धोडी व वाहक अविनाश नारायण करबट या दोघांना बेदम मारहाण केलेली आहे. दरम्यान सेंट फ्रान्सिस शाळेतील विध्यार्थ्यांना घेऊन जाणारे बस चालक व वाहक दारूच्या नशेत टूण असल्याचे दिसून आले तर अर्धा तासांपेक्षा जास्त वेळ रेल्वे फाटक रोखून धरण्यासाठी भाग पाडणाऱ्या रूस्तम सिंह व अशोक सिंह यां...

पालघरमध्ये रिक्षा आणि दुचाकीचा भीषण अपघात ; एका शाळकरी विद्यार्थिनीचा मृत्यू तर ६ जण गंभीर जखमी  पालघर : पालघरमध्ये भीषण अपघाताची घटना समोर आली आहे. दुचाकी आणि रिक्षाची समोरासमोर धडक होऊन भीषण अपघात झाला. या अपघातामध्ये एका शाळकरी विद्यार्थिनीचा मृत्यू झाला तर ६ जण गंभीर जखमी झाले आहेत. जखमींवर रुग्णालयात उपचार सुरू आहेत. हा अपघात इतका भीषण होता की यामध्ये रिक्षाचा चक्काचूर झाला आहे. मिळालेल्या माहितीनुसार, डहाणू-जव्हार मार्गावर अपघाताची ही घटना घडली. वरोतीजवळ बाईक आणि रिक्षाची समोरासमोर जोरदार धडक झाली. या अपघातात आठवीत शिकणाऱ्या विद्यार्थिनीचा जागीच मृत्यू झाला. संगीता सुभाष डोकफोडे (१४ वर्षे) असं या अपघातामध्ये मृत्यू झालेल्या विद्यार्थिनीचे नाव आहे. या अपघातामध्ये ६ जण गंभीर जखमी झाले आहेत. अपघाताची माहिती मिळताच पालघर पोलिसांनी घटनास्थळी धाव घेतली. जखमी झालेल्या सर्वांना तात्काळ कासा उपजिल्हा रुग्णालयात उपचारासाठी दाखल करण्यात आले. जखमींमधील अनेकांची प्रकृती गंभीर आहे. अपघातात मृत्यू झालेली संगीता वांगर्जे येथून सूर्यानगरला शाळेत जात असताना घडला अपघात झाला. प्रवासी उतरत असल्या...