पालघर जिल्ह्यात अतिवृष्टीचा इशारा; नागरिकांना सतर्क राहण्याचे आवाहन पालघर – हवामान खात्याने पालघर जिल्ह्यासाठी अतिवृष्टीचा इशारा दिला आहे. या पार्श्वभूमीवर जिल्ह्यातील आपत्ती व्यवस्थापन यंत्रणा सतर्क ठेवण्यात आली असून प्रशासनाने नागरिकांना काळजी घेण्याचे आवाहन केले आहे. खाडी, नदी व नाल्यालगत राहणाऱ्या नागरिकांनी सतर्क राहावे, तसेच अत्यावश्यक कामाशिवाय घराबाहेर पडू नये, असे प्रशासनाने स्पष्ट केले आहे. कोणत्याही प्रकारच्या मदतीसाठी जिल्हा आपत्ती व्यवस्थापन नियंत्रण कक्षाशी 02525-297474, +918237978873 किंवा टोल फ्री क्रमांक 1077 वर संपर्क साधण्याचे आवाहन जिल्हाधिकारी डॉ. इंदु राणी जाखड यांनी केले आहे. अतिवृष्टीच्या पार्श्वभूमीवर आज (दि. 19 ऑगस्ट) जिल्ह्यातील सर्व शाळा व महाविद्यालयांना सुट्टी जाहीर करण्यात आली आहे. शासकीय व निमशासकीय कार्यालयातील अत्यावश्यक कर्मचाऱ्यांव्यतिरिक्त इतर कर्मचाऱ्यांना सुट्टीबाबत निर्णय घेण्याचे निर्देश कार्यालयप्रमुखांना देण्यात आले आहेत. दरम्यान, उद्या (दि. 20 ऑगस्ट) शाळा व महाविद्यालयांना सुट्टी जाहीर करायची की नाही याबाबतचा निर्णय पावसाच्या स्थितीनुसार आ...

के.जी.एन. फार्मास्युटिकल कारखान्यात कामगाराचा करंट लागून मृत्यू बोईसर : बोईसर दांडीपाडा येथील रहिवासी व रेल्वे स्थानक परिसरात नाका कामगार म्हणून काम करणारा ३० वर्षीय राज पंडित याचा के.जी.एन. फार्मास्युटिकल कारखान्यात करंट लागून मृत्यू झाल्याची घटना (१५ ऑगस्ट) घडली. मिळालेल्या माहितीनुसार, ठेकेदार रूपेश महाले यांच्या सांगण्यावरून पंडित यांनी कारखान्यातील प्रवेशद्वार ब्रेकरच्या सहाय्याने तोडून मोठे करण्याचे काम सुरू केले होते. काम झाल्यावर राज पंडित याने ब्रेकरला जोडलेली विद्युत पुरवठा करणारी वायर आवरण्यास सुरुवात केली असता अचानक त्यांना तीव्र विद्युत धक्का बसला. कारखाना बंद असल्याने घटनास्थळी कोणी नसल्यामुळे पंडित काही वेळ तडफडत राहिले आणि जागीच मृत्यू झाला. सकाळी सुमारे ११.३० वाजता त्यांना वरद मल्टीस्पेशालिटी रुग्णालयात नेण्यात आले. मात्र डॉक्टरांनी त्यांना मृत घोषित केले. मृतदेह शवविच्छेदनासाठी पाठविण्यात आला असून, पुढील तपास बोईसर पोलिसांकडून सुरू आहे. दरम्यान, औद्योगिक क्षेत्रात याच महिन्यात अशा प्रकारची ही चौथी घटना घडली असून औद्योगिक सुरक्षा संचलन विभागाचे अधिकारी नेमके काय काम कर...

सायबर फसवणुकीतील २१.३० लाख रुपये बोईसर पोलिसांनी वाचवले बोईसर – हायहोल्ट इलेक्ट्रिकल्स प्रायव्हेट लिमिटेड, एमआयडीसी बोईसर या कंपनीच्या बँक खात्यातून सायबर फसवणुकीत तब्बल २१ लाख ३० हजार ५०० रुपये काढण्यात आले होते. मात्र, बोईसर पोलीस ठाणे आणि सायबर पोलीस ठाणे, पालघर यांच्या संयुक्त व तत्पर कारवाईमुळे ही संपूर्ण रक्कम गोठवून कंपनीच्या खात्यात परत मिळवण्यात यश आले. ३१ जुलै २०२५ रोजी दुपारी ३.५६ वाजता कंपनीचे प्रतिनिधी प्रमोद ठक्या घरत यांना आरोपी राहुल सिंग या इसमाचा मोबाईलवरून NOTICE OF DISCONNECTION या शीर्षकाखाली वॉट्सअॅप संदेश आला. “आज रात्री ९.३० वाजता कंपनीचे वॉटर कनेक्शन डिसकनेक्ट केले जाईल” असा मजकूर देत तो MIDC कार्यालयातून बोलत असल्याचा भास आरोपीने निर्माण केला. नवीन ग्राहक क्रमांक अपडेट करण्याच्या बहाण्याने Water Bill Update-1.apk ही फाईल पाठवून ती डाउनलोड करण्यास सांगितले. त्या फाईलमध्ये बँक खात्याची माहिती भरताच कंपनीच्या खात्यातून २१.३० लाख रुपये ट्रान्सफर करण्यात आले. घटनेची माहिती मिळताच पोलीस अधीक्षक यतिश देशमुख यांच्या मार्गदर्शनाखाली बोईसर पोलीस निरीक्षक शिरीष पवार ...

दीपक प्लास्टो कंपनीत सुरक्षा रक्षकाचा मृत्यू बोईसर – तारापूर एमआयडीसी परिसरातील दीपक प्लास्टो (प्लॉट नंबर जे १) कंपनीत सुरक्षा रक्षक म्हणून कार्यरत असलेल्या विमल दुबे (वय ५६) यांचा काल (११ ऑगस्ट २०२५) दुर्दैवी मृत्यू झाला. दुबे हे सिंग सेक्युरिटी सर्विसमार्फत कंपनीत कार्यरत होते. सकाळी साडेअकराच्या सुमारास ते बाथरूमला गेले, मात्र बराच वेळानंतरही बाहेर न आल्याने कामगारांना संशय आला. त्यांनी मोबाईल फोनवर संपर्क साधण्याचा प्रयत्न केला, परंतु प्रतिसाद मिळाला नाही. शोध घेतल्यावर फोनचा आवाज बाथरूममधून येत असल्याचे लक्षात आले. दरवाजा तोडून पाहिले असता दुबे हे बेशुद्ध अवस्थेत आढळून आले. त्यांना तातडीने टीमा हॉस्पिटलमध्ये दाखल करण्यात आले,  मात्र दुपारी २.२० वाजता डॉक्टरांनी त्यांना मृत घोषित केले. “मृतदेह पोस्टमार्टमसाठी पाठवला असून, रिपोर्ट मिळेपर्यंत मृत्यूचे कारण सांगता येणार नाही,” असे टीमा हॉस्पिटलचे डॉक्टर शिंदे यांनी सांगितले.

संजय पाटील यांच्या प्रयत्नातून संजीवनी तरे यांना १३ लाखांची नुकसानभरपाई अपघातात पती गमावलेल्या संजीवनी तरे यांना न्याय; शिवशक्ती सामाजिक संघटनेच्या प्रयत्नांना यश बोईसर – मुरबे येथील संजीवनी संजय तरे यांचे पती कामावर असताना झालेल्या अपघातात मृत्युमुखी पडल्याने कुटुंब आर्थिक संकटात सापडले. कंपनीने नुकसानभरपाई देण्यास नकार दिल्याने संजीवनी तरे यांना न्याय मिळत नव्हता. मात्र, शिवशक्ती सामाजिक संघटनेचे अध्यक्ष संजय पाटील यांनी केलेल्या ठाम पाठपुराव्यामुळे अखेर १३ लाख रुपयांची नुकसानभरपाई मिळाली. कै. संजय नथुराम तरे (वय ४९) हे एम/एस रेस्पॉन्सिव्ह इंडस्ट्रीज लिमिटेड, बोईसर येथे कार्यरत होते. ११ नोव्हेंबर २०२४ रोजी रात्री ऑन ड्युटी काम करत असताना त्यांच्या अंगावर ४०० ते ५०० किलो वजनाची क्रेन पडली. गंभीर जखमी अवस्थेत त्यांना प्रथम आनंद हॉस्पिटल, बोईसर येथे आणि नंतर ऑर्बिट हॉस्पिटल, मीरा रोड येथे दाखल करण्यात आले. शस्त्रक्रियेदरम्यान पोटातील आतडी फाटल्याचे निदान झाले होते. उपचार सुरू असूनही तब्येत सतत बिघडत गेली आणि २५ मार्च २०२५ रोजी त्यांचे निधन झाले. उपचारांवर कंपनीने २० ते २२ लाख रुपये खर्...

तारापूर औद्योगिक क्षेत्रात एका आठवड्यात दोन महिला कामगारांवर दुर्दैवी घटना बोईसर – तारापूर एमआयडीसी औद्योगिक क्षेत्रातील कारखान्यांमध्ये महिला कामगारांच्या सुरक्षेची स्थिती किती धोकादायक आहे, याचे जिवंत उदाहरण एका आठवड्यात घडलेल्या दोन दुर्दैवी घटनांतून दिसून आले आहे. यात एक महिला गंभीर जखमी झाली तर दुसरीचा मृत्यू झाला असून, औद्योगिक सुरक्षेवर गंभीर प्रश्नचिन्ह निर्माण झाले आहे. रविवारी, ३ ऑगस्ट रोजी, ऋषिकेश सिल्क मिल (प्लॉट क्र. एल-७५) या कारखान्यात सफाई कामगार मंजू यादव (वय ४१) काम करत असताना त्यांची साडी मशीनमध्ये अडकली. यात त्या मशीनमध्ये ओढल्या गेल्याने त्यांच्या डाव्या मांडीला गंभीर मार बसून आठ टाके पडले. सध्या त्यांच्यावर उपचार सुरू आहेत. शुक्रवार, ८ ऑगस्ट रोजी, शेत्रुंजय डाईंग अँड विविंग मिल्स लिमिटेड (प्लॉट क्र. D-1) या कारखान्यात काम करणाऱ्या अभिलाषा दीपक आचार्य (वय २८) यांना घोणस प्रजातीच्या सापाच्या पिल्लाने चावा घेतला. प्रकृती खालावल्याने रुग्णालयात नेण्यापूर्वीच त्यांचा मृत्यू झाला. या घटनांनंतर महिला कामगारांमध्ये भीतीचे व असंतोषाचे वातावरण पसरले आहे. सुरक्षाविषयक साधनां...

शेत्रुंजय डाईंग अँड विविंग मिल्समध्ये सर्पदंशाने महिला कामगाराचा मृत्यू बोईसर – तारापूर औद्योगिक वसाहतीतील शेत्रुंजय डाईंग अँड विविंग मिल्स लिमिटेड (प्लॉट क्र. D-1) येथे काम करत असताना अभिलाषा दीपक आचार्य (वय 28, रा. साईलोक नगर, गणेश नगर, बोईसर) या महिला कामगाराचा सर्पदंशाने मृत्यू झाल्याची घटना शुक्रवारी घडली. गेल्या दहा महिन्यांपासून पॅकिंग विभागात कार्यरत असलेल्या अभिलाषा या काम करत असताना घोणस (रसेल वायपर) या विषारी सापाच्या पिल्लाने डाव्या पायाला दंश केला. प्रकृती बिघडल्याने त्यांना प्रथम टिमा हॉस्पिटल व नंतर वरद हॉस्पिटल येथे हलविण्यात आले, मात्र उपचार सुरू होण्यापूर्वीच त्यांचा मृत्यू झाला. घटनेनंतर सर्पमित्र राजू निकम (पास्थळ) यांनी साप जिवंत पकडला. तपासात तो घोणस प्रजातीचा अत्यंत विषारी साप असल्याचे स्पष्ट झाले. घटनेची माहिती मिळताच शिवसेना उपजिल्हाप्रमुख नीलम संखे यांनी कंपनीच्या निष्काळजीपणावर टीका करत पीडित कुटुंबाला आर्थिक मदत, मुलांचे मोफत शिक्षण व इतर सुविधा देण्याची मागणी केली होती. अखेरीस चर्चेनंतर कंपनीने १२ लाख रुपयांचा मोबदला देण्यास लेखी मान्यता दिली असून, सोमवारी...

तारापूर प्रदूषणावर मनसे आक्रमक ; टिमा आणि टीईपीएस बरखास्तीची मागणी बोईसर : तारापूर औद्योगिक क्षेत्रातील प्रदूषणावर उपाययोजना ठरवण्यासाठी आयोजित केलेल्या बैठकीत महाराष्ट्र नवनिर्माण सेनेच्या (मनसे) कार्यकर्त्यांनी जोरदार घोषणाबाजी करत बैठक उधळण्याचा प्रयत्न केल्याने चांगलाच तणाव निर्माण झाला. टीईपीएस व टिमा यांच्यावर थेट जबाबदारी निश्चित करत "टीईपीएस बरखास्त करा" अशी ठाम मागणी मनसेने केली आहे. बुधवारी टिमा सभागृहात महाराष्ट्र प्रदूषण नियंत्रण मंडळ (एमपीसीबी) व टिमा संघटनेच्या पदाधिकाऱ्यांसमवेत आयोजित बैठकीत मनसे जिल्हाध्यक्ष समीर मोरे यांच्या नेतृत्वाखालील कार्यकर्ते अचानक सभागृहात घुसले. प्रदूषणग्रस्त गावांतील सरपंच व नागरिकांना न बोलावल्याचा मुद्दा उपस्थित करत त्यांनी कागदपत्रे फेकून निषेध केला. मनसेचे भावेश चूरी, धीरज गावड, सिद्धेश महाले यांच्यासह कार्यकर्त्यांनी जोरदार घोषणाबाजी करत बैठकीत गोंधळ घातला. औद्योगिक क्षेत्रातील वाढत्या प्रदूषणामुळे परिसरातील नागरिकांचे आरोग्य धोक्यात आले असून, टिमा व टीईपीएस या संस्थांनी प्रदूषण रोखण्यास पूर्ण अपयश आल्याचा आरोप मनसेने यावेळी क...

ऋषिकेश सिल्क मिल कंपनीतील मशीनमध्ये साडी अडकल्याने महिला कामगार जखमी बोईसर : तारापूर एमआयडीसी औद्योगिक क्षेत्रातील ऋषिकेश सिल्क मिल (प्लॉट नंबर एल-७५) या कपडे बनवणाऱ्या कंपनीत सफाई काम करणाऱ्या मंजू यादव (वय ४१) या महिला कामगाराचा दुर्दैवी अपघात होऊन त्या गंभीर जखमी झाल्याची घटना ३ ऑगस्ट २०२५ रोजी दुपारी घडली आहे. मंजू यादव या सदर कंपनीत साफसफाईचे काम करतात. दुपारी कामाच्या वेळी त्या झाडू मारत असताना त्यांच्या साडीचा पदर जवळच असलेल्या कपड्यांच्या मशीनमध्ये अडकला. त्यामुळे त्या अनियंत्रितपणे मशीनमध्ये अडकून गोल फिरल्या मात्र यात त्यांच्या डाव्या मांडीवर जोरदार मार बसला व त्या अपघातात त्यांच्या मांडीला जखम झाली असून त्यांना आठ टाके पडले आहेत. अपघातानंतर कंपनीतील इतर कामगारांनी धाव घेत त्यांना मशीनमधून बाहेर काढले व तातडीने बोईसर येथील संजीवनी हॉस्पिटलमध्ये दाखल केले. सध्या त्यांच्यावर हॉस्पिटलमध्ये उपचार सुरू असून, अजूनही त्यांच्या प्रकृतीत सुधारणा होत आहे. कंपनीत सुरक्षेच्या दृष्टीने उपाययोजना न केल्याचा आरोप केला जात आहे. "साफसफाई करत असताना मशीन सुरू का होते? महिला कामगारांना य...

घरफोडी प्रकरणात आरोपीस अटक; ३.२९ लाखांचा मुद्देमाल हस्तगत बोईसर – तारापूर पोलीस ठाणे हद्दीतील कुरगाव, गोकुळनगर येथे बंद घराचे कुलूप तोडून चोरी केलेल्या दागिन्यांचा छडा लावत स्थानिक गुन्हे शाखा, पालघर यांच्या पथकाने एका आरोपीस अटक केली असून त्याच्याकडून ३,२९,०५३ रुपयांचा मुद्देमाल हस्तगत करण्यात आला आहे. दिनांक ३ जून २०२५ रोजी रात्री ते ४ जून रोजी सायंकाळी राधा बिल्डिंग, गोकुळनगर येथील एका घराचे कुलूप तोडून अज्ञात चोरट्याने घरफोडी करत सोन्या-चांदीचे दागिने चोरले होते. याप्रकरणी तारापूर पोलीस ठाण्यात गुन्हा दाखल करण्यात आला होता. या प्रकरणाचा तपास स्थानिक गुन्हे शाखा, पालघर यांच्या पथकाने तांत्रिक विश्लेषण व गुप्त माहितीच्या आधारे केला असता आरोपी साजीद अकबर शेख (वय ३४, रा. नालासोपारा पूर्व) यास अटक करण्यात आली. त्याच्याकडून चोरीस गेलेला सर्व मुद्देमाल हस्तगत करण्यात आला आहे. या गुन्ह्यातील दुसरा आरोपी शावेज अनवर खान (रा. नालासोपारा पश्चिम) याचा शोध सुरू आहे. ही कारवाई  पालघर पोलीस अधीक्षक यतिश देशमुख, अपर पोलीस अधीक्षक विनायक नरळे, उपविभागीय पोलीस अधिकारी (बोईसर विभाग) विकास नाईक यां...

पालघरमध्ये आंदोलक कामगारांच्या अंगावर गाडी चढवण्याचा प्रयत्न पालघर – वेवूर येथील मस्तान टॅंक इंटरप्राईजेस कंपनीसमोर आंदोलन करणाऱ्या महिला कामगारांवर कंपनीच्या वयोवृद्ध मालकीणीने थेट गाडी घालण्याचा प्रयत्न केल्याची धक्कादायक घटना घडली आहे. मालकीणीनं चालकाला कारमधून उतरवून स्वतः गाडी चालवत आंदोलकांच्या अंगावर गाडी नेली. या घटनेत तीन ते चार महिला कामगार जखमी झाल्या असून त्यांच्यावर रुग्णालयात उपचार सुरू आहेत. कंपनीतील किमान वेतन न मिळणे, अतिरिक्त कामाचे तास, तसेच असुरक्षित कामाच्या अटी याविरोधात महिला कामगारांनी शांततेत आंदोलन सुरू केले होते. मात्र, कंपनीच्या मालकीणीने माजुर्डेपणा दाखवत थेट आंदोलकांच्या दिशेने गाडी चालवत त्यांना चिरडण्याचा प्रयत्न केला. अचानक गाडी अंगावर आल्यामुळे अनेक महिला खाली पडल्या व जखमी झाल्या. घटनेनंतर परिसरात मोठा गोंधळ उडाला असून कामगार संघटनांनी व स्थानिक नागरिकांनी या प्रकाराचा तीव्र निषेध केला आहे. संबंधित मालकीणीवर तात्काळ कठोर कारवाई करण्याची मागणी जोर धरू लागली आहे. सदर घटनेचा व्हिडिओ सध्या सोशल मीडियावर मोठ्या प्रमाणावर व्हायरल होत असून, कामगारांच्या सुरक...

नालासोपाऱ्यात बनावट मार्कशीट रॅकेट उघड; 65 हजारांत पदवी देणाऱ्या टोळीचा पर्दाफाश नालासोपारा – नालासोपारा येथील एका सामाजिक कार्यकर्त्याच्या सतर्कतेमुळे अवघ्या 65 हजार रुपयांत डिग्री मिळवून देणाऱ्या बनावट मार्कशीट रॅकेटचा पर्दाफाश झाला आहे. या प्रकारामुळे संपूर्ण शिक्षण क्षेत्रात खळबळ उडाली असून, या प्रकरणी वसईच्या वालीव पोलीस ठाण्यात गुन्हा दाखल करण्यात आला आहे. कारवाईस तब्बल नऊ महिने लागल्यानंतरही रॅकेटचा मुख्य सूत्रधार मोकाट असल्याचा आरोप करण्यात येत आहे. सामाजिक कार्यकर्ते सन्नी रावल यांच्या पाठपुराव्यामुळे उघडकीस आलेल्या या प्रकरणात आतापर्यंत सहा जणांना अटक झाली आहे. 18 जुलै रोजी आरोपी एजंट अनुपमा नयन मंडल, संगीता सुनील जैन आणि कर्मचारी श्रद्धा आरेकर यांना अटक करण्यात आली आहे. मात्र, या रॅकेटचे मुख्य आरोपी दीप भल्ला आणि रवी भल्ला यांना कारवाईदरम्यान उपस्थित असूनही अटक न झाल्याचा गंभीर आरोप रावल यांनी केला आहे. या रॅकेटमध्ये फक्त 65,000 रुपयांमध्ये मागील तारखेचे (बॅकडेटेड) B.Com, LLB, BA, BBA शाखांचे निकाल, मार्कशीट उपलब्ध करून दिल्या जात असल्याची माहिती पुढे आली आहे. पोलिसांनी या क...

चिंचणी एम.के. कॉलेजमध्ये टिळक पुण्यतिथी व अण्णा भाऊ साठे जयंती साजरी बोईसर – एम.के. ज्युनियर कॉलेज, चिंचणी येथे राष्ट्रीय सेवा योजना विभागाच्या वतीने लोकमान्य टिळक पुण्यतिथी व अण्णा भाऊ साठे जयंती उत्साहात साजरी करण्यात आली. कार्यक्रमाच्या अध्यक्षस्थानी कला विभागप्रमुख प्रा. हरीश वळवी होते. अध्यक्षीय भाषणात प्रा. वळवी यांनी तरुणांनी टिळकांसारखा आचार, विचार आणि शरीराने सक्षम असा आदर्श घ्यावा, असे सांगितले. त्यांनी टिळकांच्या खंबीर नेतृत्वाचे महत्त्व सांगत अण्णा भाऊ साठे यांच्या साहित्यिक योगदानातून कामगार व शोषितांचे दुःख समजून घ्यावे, असे मार्गदर्शन केले. प्रमुख वक्त्या प्रा. प्रीती राऊत यांनी विद्यार्थ्यांनी टिळकांचे राजकीय कार्य आणि विचारांची व्याप्ती समजून घेतली पाहिजे, असे सांगितले. त्यांनी टिळकांनी सुरू केलेले उत्सव समाजभान वाढवणारे असल्याचे सांगत, समाजमाध्यमांच्या गर्दीत हे मूल्य जपण्याची गरज असल्याचे मत मांडले. प्रा. मेघा पाटील यांनी “लोकमान्य” व “लोकशाहीर” या शब्दांतून टिळक व अण्णा भाऊ यांचे कार्य प्रभावीपणे उलगडले. कार्यक्रम अधिकारी प्रा. एकनाथ पाटील यांनी “स्वराज्य हा माझा ...