केळवेतील रिसॉर्टमध्ये गोळी लागून १७ वर्षीय तरुणी गंभीर जखमी  पालघर : पालघर जिल्ह्यातील केळवे येथील एका खाजगी रिसॉर्टमध्ये फिरायला गेलेल्या १७ वर्षीय तरुणीवर गावठी कट्ट्यातून चुकून गोळी झाडली गेल्याची धक्कादायक घटना शुक्रवारी (३० मे) दुपारी घडली. या गोळीबारात तरुणी गंभीर जखमी झाली असून तिच्यावर सध्या बेटेगाव येथील खासगी रुग्णालयात उपचार सुरू आहेत. जखमी तरुणीचे नाव तेजल भिडे असून ती बोईसरजवळील लोखंडीपाडा येथील रहिवासी आहे. प्राथमिक माहितीनुसार, तेजल भिडे ही तिचा प्रियकर दिनेश धोडी (रा. लोखंडीपाडा) याच्यासोबत केळवे येथील रिसॉर्टमध्ये थांबली होती. रूममध्ये पोहोचल्यानंतर दिनेश वॉशरूममध्ये गेला असताना तेजलने त्याची बॅग तपासली. त्या बॅगेत तिला गावठी कट्टा आढळला. कुतूहलातून तिने कट्टा बाहेर काढून पाहणी करत असताना चुकून ट्रिगर दाबला गेला आणि गोळी झाडली गेली. ही गोळी तिच्या मानेला लागून आतमध्ये अडकली. घटनेनंतर घाबरलेल्या दिनेशने तत्काळ रिसॉर्टमधील कर्मचाऱ्यांना माहिती दिली आणि जखमी तेजलला पालघरमधील माहीम येथील प्राथमिक आरोग्य केंद्रात दाखल करण्यात आले. मात्र परिस्थिती गंभीर असल्यामुळे तिला ...

बोईसरमधील अपूर्ण डिव्हायडरमुळे युवकाचा मृत्यू –  युवकांचा पुढाकार प्रशासनासाठी धडा बोईसर – बोईसरमधील यशवंत सृष्टी परिसरात साईबाबा मंदिरासमोरील मुख्य रस्त्यावरील अपूर्ण डिव्हायडर आणि खड्ड्यांनी पुन्हा एकदा भीषण अपघाताचे कारण ठरवत एक युवकाचा दुर्दैवी मृत्यू झाला. या घटनेने परिसरात शोककळा पसरली असून नागरिकांमध्ये तीव्र संतापाची भावना आहे. या अपघातानंतर काही युवकांनी सामाजिक जबाबदारी स्वीकारत पुढाकार घेतला असून डिव्हायडरजवळ स्वतःहून खांब बसवले आहेत. त्यांनी हे खांब पिवळ्या रंगाने रंगवून रेडियम स्टिकर्स लावले, जेणेकरून वाहनचालकांना ते लांबून  स्पष्ट दिसतील आणि भविष्यातील अपघात टाळता येतील. या कार्यामध्ये  राहुल सिंग, शुभम सिंग, मंगेश नागणे, अमोल गर्जे, राम शुक्ला, आकाश सिंग आणि संभाजी शिरसाट यांचा उल्लेखनीय सहभाग आहे. प्रशासनाने दुर्लक्ष केल्याच्या पार्श्वभूमीवर या युवकांनी समाजासाठी एक प्रेरणादायक उदाहरण घालून दिले आहे. परिसरातील नागरिकांनी प्रशासनाकडे जोरदार मागणी केली आहे की, सदर डिव्हायडरचे काम तातडीने पूर्ण करावे, रस्त्यावरील खड्ड्यांची दुरुस्ती करावी आणि वाहतुकीस सुरक्षि...

विमल व अन्य तंबाखूजन्य पदार्थांची साठवणूक; दोन किराणा दुकानदारांवर गुन्हे दाखल पालघर – पालघर शहरात दोन वेगवेगळ्या ठिकाणी अन्न व औषध प्रशासनाच्या पथकाने छापा टाकून महाराष्ट्र शासनाने प्रतिबंधित केलेले तंबाखूजन्य पदार्थ जप्त केले. याप्रकरणी दोन किराणा दुकानदारांविरुद्ध संबंधित कायद्यांनुसार गुन्हे दाखल करण्यात आले आहेत. पहिली कारवाई  दि. २७ मे रोजी सायंकाळी सुमारे ७.१० वाजता देवीशा रोडवरील 'राजेश जनरल स्टोअर' या दुकानात ही कारवाई करण्यात आली. दुकानाचे मालक पुखराज कारुलाल जैन (वय ७०) यांनी २,१४० रुपये किमतीचे विमल पान मसाला, केसरयुक्त पान मसाला आणि तंबाखू असे विविध प्रकारचे बंदी घालण्यात आलेले अन्नपदार्थ साठवून ठेवले होते. यावरून त्यांच्याविरोधात बीएनएस कलम २२३, २७५ आणि अन्न सुरक्षा मानके कायदा २००६ च्या विविध कलमांखाली गुन्हा दाखल करण्यात आला आहे. दुसरी कारवाई त्याच दिवशी रात्री ८.१५ वाजताच्या सुमारास खानपाडा येथील 'न्यू भैरु भवानी स्टोअर' येथे देखील छापा टाकण्यात आला. येथे प्रेमसिंग देविसिंगजी राठोड (वय २३) याच्या दुकानातून २,९१८ रुपये किमतीचे विविध बंदी असलेले तंब...

बोईसर साईबाबा मंदिराजवळील डिव्हायडरबाबत शिवसेना आक्रमक; PWD ला निवेदन आठ दिवसांत उपाययोजना न झाल्यास आंदोलनाचा इशारा बोईसर - बोईसरमधील यशवंत सृष्टी परिसरातील साईबाबा मंदिरासमोरील मुख्य रस्त्यावर असलेला अपूर्ण व धोकादायक डिव्हायडर आणि मोठ्या खड्ड्यांमुळे अपघातांचे प्रमाण झपाट्याने वाढले आहे. नुकत्याच घडलेल्या अपघातात एका तरुणाचा दुर्दैवी मृत्यू झाल्यानंतर संतप्त नागरिकांच्या भावना लक्षात घेता शिवसेनेने आक्रमक भूमिका घेत सार्वजनिक बांधकाम विभाग (PWD), पालघर यांच्याकडे लेखी निवेदनाद्वारे तातडीच्या उपाययोजनांची मागणी केली आहे. शिवसेनेचे बोईसर शहरप्रमुख अतुल देसाई , विभागप्रमुख अजय दिवे , व पक्षाचे कार्यकर्ते उपस्थित होते. त्यांनी संबंधित अधिकाऱ्यांना निवेदन देत या रस्त्याची दुरवस्था, वाढलेले अपघात, आणि नागरिकांच्या सुरक्षिततेच्या दृष्टीने होणारे परिणाम याकडे लक्ष वेधले. निवेदनातील मुख्य मागण्या ◾धोकादायक डिव्हायडरची रचना योग्य पद्धतीने बदलून तातडीने दुरुस्ती/पुनर्बांधणी करावी. ◾रस्त्यावरील खड्डे तत्काळ बुजवून रस्ता समतल व गुळगुळीत करावा. ◾दिशादर्शक रस्ता चिन्हे, झेब्रा क्रॉसिंग, व रेडियम ...

तारापूर औद्योगिक क्षेत्रात घातक रसायनाची बेकायदेशीर वाहतूक; मुख्य केमिकल माफियांवर गुन्हा दाखल बोईसर – तारापूर औद्योगिक वसाहतीतून घातक रसायनाची संशयास्पद वाहतूक करणारा टँकर पोलिसांनी खैरापाडा तपासणी नाक्यावर ६ मे रोजी ताब्यात घेतला. या प्रकरणाचा तपास पुढे नेल्यावर, रसायनाचा साठा अत्यंत घातक असल्याचे प्रदूषण नियंत्रण मंडळाच्या प्रयोगशाळा अहवालातून स्पष्ट झाले असून, संबंधित टँकर व केमिकल माफियांविरोधात गुन्हा दाखल करण्यात आला आहे. ताब्यात घेण्यात आलेल्या टँकरचा क्रमांक एम.एच.०४ डी.एस.९६२८ असून, तो अष्टविनायक एंटरप्रायझेस या कंपनीचा आहे. टँकर मधील रसायनासंबंधी कोणतीही कागदपत्रे चालकाकडे आढळली नव्हती. यानंतर प्रदूषण नियंत्रण मंडळाच्या अधिकाऱ्यांना यासंदर्भात माहिती देण्यात आली. त्यांनी रसायनाचे नमुने ताब्यात घेऊन ठाणे येथील प्रयोगशाळेत तपासणीसाठी पाठवले. २६ मे रोजी प्राप्त झालेल्या प्रयोगशाळा अहवालानुसार, नमुन्याचा सीओडी (केमिकल ऑक्सिजन डिमांड) १२३२०० मिग्रॅ/लिटर इतका असून, तो अत्यंत घातक स्वरूपाचा आहे. तसेच, अष्टविनायक एंटरप्रायझेसने घातक रसायन वाहतुकीपूर्वी आवश्यक असलेला 'मॅनीफेस्ट (...

चित्रालय येथे ट्रान्सफॉर्मरखाली थाटलेली बाजारपेठ धोकादायक ;महावितरण विभागाचे जाणीवपूर्वक दुर्लक्ष बोईसर - बोईसर शहरातील बोईसर–तारापूर मुख्य रस्त्यावर चित्रालय परिसरात महावितरणच्या उघड्या ट्रान्सफॉर्मरखाली सर्रासपणे बाजारपेठ थाटण्यात आली आहे. प्लास्टिकच्या ताडपत्र्यांनी झाकून या ठिकाणी दुकाने, स्टॉल्स, खेळणी विक्रेते आणि विविध वस्तू विकणारे फेरीवाले व्यापार करत असल्याचे चित्र दिसून येते. परिणामी, या ठिकाणी सार्वजनिक सुरक्षेचा गंभीर प्रश्न निर्माण झाला आहे. या ट्रान्सफॉर्मरच्या अवतीभवती मोठ्या प्रमाणावर वायरिंग असून, त्यामध्ये कोणत्याही क्षणी शॉर्टसर्किट होण्याचा धोका आहे. नागरिक, महिला आणि लहान मुले या मार्गावरून दररोज मोठ्या संख्येने प्रवास करतात. त्यामुळे याठिकाणी अपघात घडल्यास जीवितहानी होण्याची शक्यता नाकारता येत नाही. स्थानिक रहिवाशांच्या मते, गेल्या अनेक वर्षांपासून येथे असेच अतिक्रमण सुरू असून महावितरण विभागाने याकडे डोळेझाक केली आहे. काही वेळा विभागाचे कर्मचारी आले तरी केवळ पाहणी करून निघून जातात, अशी तक्रार नागरिकांनी केली आहे. या प्रकरणातील गोंधळ आणि हलगर्जीपणामुळे नागरिकांमध्...

घरगुती हिंसाचाराचा भीषण शेवट – मुलाने केला पित्याचा खून" पालघर : पालघर जिल्ह्यातील वाडा तालुक्यात एक धक्कादायक व मन हेलावणारी घटना समोर आली आहे. हाडळपाडा, वारनोळ येथे राहणाऱ्या २१ वर्षीय तरुणाने आपल्या वडिलांचा कु-हाडीने खून केल्याची घटना २० मे २०२५ रोजी सायंकाळी सात वाजण्याच्या सुमारास घडली. केवळ खूनच नव्हे, तर त्यानंतर आरोपीने मृतदेहावर अंत्यविधी करून खूनाचे पुरावे नष्ट करण्याचा प्रयत्न केल्याचे प्राथमिक तपासात उघड झाले आहे. काय आहे संपूर्ण प्रकरण?   अक्षय विलास हाडळ (वय २१) हा आपल्या आई-वडिलांसोबत हाडळपाडा, वारनोळ येथे राहत होता. त्याचे वडील, विलास द्वारकानाथ हाडळ (वय ४५) हे पत्नी जयश्री हिला नेहमी शिवीगाळ करत व शारीरिक मारहाण करीत असत. या घरगुती हिंसाचाराला कंटाळलेल्या अक्षयने २० मे रोजी वडील आईवर हल्ला करण्यासाठी कु-हाड घेऊन धावले असताना मध्यस्थी केली. यावेळी त्याने वडिलांच्या हातातील कु-हाड हिसकावून घेतली आणि संतप्त अवस्थेत त्यांच्या मानेवर दोन जोरदार घाव घालून त्यांचा जागीच खून केला. खूनानंतर पुरावे नष्ट करण्याचा प्रयत्न  घटना घडताच आरोपीने गावातील इतर नातेवाईक व गावकऱ्...

सिडको बायपास रस्त्याला ४० लाखांचा निधी मंजूर, अतिक्रमणामुळे काम बंद, लोकांचे लक्ष ग्रामपंचायतीच्या भूमिकेवर बोईसर : बोईसर परिसरातील वाहनांच्या दळणवळणासाठी महत्त्वपूर्ण असलेला सिडको बाह्यवळण रस्त्याचे काम सुरू होण्यापूर्वीच वादाच्या भोवऱ्यात सापडले आहे. पावसाळ्यापूर्वी हे काम पूर्ण करण्याची मागणी नागरिकांकडून होत असताना या विरोधात शिवसेनेचे शहरप्रमुख अतुल देसाई यांनी रास्ता रोको आंदोलनाचा इशारा दिला होता. बोईसरमधील सिडको बाह्यवळण मार्गासाठी सुमारे ४० लाख रुपयांचा निधी सार्वजनिक बांधकाम विभागामार्फत मंजूर करण्यात आला आहे. पावसाळ्याच्या तोंडावर या बाह्यवळण मार्गाचे काँक्रिटीकरणाचे काम कंत्राटदारांकडून सुरू करण्यात आले असून या मार्गातील अतिक्रमणाने मात्र या कामाला ब्रेक लावला आहे. सिडको बाह्यवळण मार्ग हा भविष्यात तारापूर मुख्य रस्त्याला जोडणारा पर्यायी रस्ता असून वाहतुकीसाठी कमी अंतराचा व सोयीचा असल्याने दररोज हजारो वाहने, औद्योगिक परिसरात ये-जा करणारे कामगार व स्थानिक नागरिक या रस्त्याचा प्रामुख्याने वापर करतात. तारापूर मार्गावरून नवापूर रस्ता व बोईसर-चिल्लार मार्गे जाण्यासाठी सिडको बायप...

नवाहाल’ पेपरचे संपादक जगदीश करोतिया यांचे नातू अभिराज चौटाले ठरले आंतरराष्ट्रीय मर्दानी स्पर्धेचे मानकरी! "शौर्य, शिस्त आणि परंपरेचा संगम साधत चार पदकांवर मोहोर" मुंबई : पारंपरिक मर्दानी खेळांच्या आंतरराष्ट्रीय स्तरावरील दक्षिण आशियाई अजिंक्यपद स्पर्धेत मुंबईच्या अभिराज जितेंद्र चौटाले याने भारताचे प्रतिनिधित्व करत उल्लेखनीय कामगिरी केली आहे. वयाच्या अवघ्या १४ व्या वर्षीच त्याने दोन सुवर्ण, एक रौप्य आणि एक कांस्य पदक पटकावून आपल्या शौर्याचे दर्शन घडवले आहे. या यशामुळे महाराष्ट्राची मान अभिमानाने उंचावली असून, अभिराजचे सर्व स्तरातून भरभरून अभिनंदन होत आहे. अभिराज पदुआ हायस्कूल, मानखुर्द (पूर्व), मुंबई येथे इयत्ता ९ वीमध्ये शिकत आहे. त्याचा वारसाही तितकाच प्रेरणादायी आहे – बोईसर येथील लोकप्रिय ‘नवाहाल’ साप्ताहिकाचे संपादक जगदीश प्रसाद करोतिया यांचा तो नातू आहे. ही स्पर्धा १७ ते १९ मे २०२५ दरम्यान छत्रपती शिवाजी महाराजांच्या काळातील मर्दानी परंपरांवर आधारित पद्धतीने पार पडली. यामध्ये भारतासह बांगलादेश, भूतान आणि नेपाळ या दक्षिण आशियाई देशांतील एकूण २५६ स्पर्धकांनी सहभाग घेतला ह...

आईशी झालेल्या भांडणाचा राग मनात ठेऊन ७० वर्षीय वृद्धेचा गळा आवळून खून – २२ वर्षीय तरुण अटकेत बोईसर : पालघर जिल्ह्यातील वावे-डोंगरीपाडा या गावात एका ७० वर्षीय महिलेचा झोपेत असताना गळा आवळून निर्घृण खून केल्याची धक्कादायक घटना घडली असून, अवघ्या काही तासांत पोलिसांनी २२ वर्षीय तरुणाला अटक केली आहे. आरोपीने केवळ आपल्या आईशी झालेल्या भांडणाचा राग मनात ठेवून वृद्धेचा खून केल्याची कबुली दिली आहे. रवु रामचंद्र कामडी (वय ७०) असे खून झालेल्या वृद्ध महिलेचे नाव असून, दि. २० मे रोजी पहाटे सुमारे ६.१५ वाजता गावातील समाज मंदिरात झोपलेल्या असताना, अज्ञात इसमाने त्यांच्या चेहऱ्यावर धारदार शस्त्राने वार केला व नंतर गळा आवळून ठार मारले. या प्रकरणी मयत महिलेचे नातू विपुल दशरथ धोदडे (वय २८) यांनी तारापूर पोलीस ठाण्यात फिर्याद दाखल केली. त्यानुसार भारतीय न्याय संहिता कलम १०३ (१) अंतर्गत गुन्हा नोंदवण्यात आला होता. या घटनेचे गांभीर्य लक्षात घेता पालघर पोलीस अधीक्षक यांच्या मार्गदर्शनाखाली स्थानिक गुन्हे शाखा व तारापूर पोलिसांनी संयुक्त तपासपथक तयार केले.  तपासादरम्यान अंकेश विलास सवरे (वय २२, रा. वाव...

आंबटगोड मैदानातील खून प्रकरणाचा उलगडा; सात जणांना अटक बोईसर :  तारापूर पोलीस ठाण्याच्या हद्दीत मौजे पास्थळ येथील आंबटगोड मैदानावर १५ मेच्या रात्रीपासून १६ मेच्या सकाळीपर्यंतच्या दरम्यान एका तरुणाचा निर्घृण खून करण्यात आला होता. अवघ्या पाच दिवसांत स्थानिक गुन्हे शाखेने सात आरोपींना अटक करून तपासात मोठे यश मिळवले आहे. या आरोपींपैकी एक अल्पवयीन आहे. अभिषेक राम सिंग (वय ३६, रा. पास्थळ, पालघर, मूळगाव कोतवालपूर, जौनपूर, उत्तर प्रदेश) त्यांच्या वडिलांच्या तक्रारीवरून तारापूर पोलीस ठाण्यात गु.र.नं. २६/२०२५ नोंदवण्यात आला होता. या प्रकरणात भारतीय दंड विधानाच्या कलम १०३ (१) अन्वये गुन्हा दाखल करण्यात आला होता. पोलीस अधीक्षक बाळासाहेब पाटील यांच्या मार्गदर्शनाखाली स्थानिक गुन्हे शाखेच्या विविध तपास पथकांनी तत्काळ काम सुरू केले. तपासादरम्यान घटनास्थळी भेट देऊन साक्षीदारांची चौकशी, परिसरातील सीसीटीव्ही फुटेजचे विश्लेषण तसेच तांत्रिक आणि गोपनीय माहितीच्या आधारे वसई-विरार, सुरत (गुजरात) व बिहार राज्यातील विविध ठिकाणी शोधमोहीम राबवण्यात आली. या तपासातून खालील सात जणांना ताब्यात घेण्यात आले: १. भूष...

पालघर जिल्हा मुख्यालयात बॉम्ब ठेवल्याचा निनावी ईमेल; प्रशासन आणि सुरक्षा यंत्रणा सतर्क पालघर : पालघर जिल्हाधिकारी कार्यालय संकुलात बॉम्ब ठेवल्याचा निनावी ईमेल आज सकाळी प्राप्त झाल्यानंतर प्रशासन व सुरक्षायंत्रणांमध्ये खळबळ उडाली. सकाळी सुमारे ११ वाजण्याच्या सुमारास जिल्हाधिकारी कार्यालयात हा ईमेल आला. सुरुवातीला हा इशारा खोटा असण्याची शक्यता वर्तवली जात होती, मात्र तपासणीअंती ईमेल खरा असल्याचे पोलिसांकडून स्पष्ट करण्यात आले. त्यानंतर जिल्हा प्रशासन, आपत्ती व्यवस्थापन, पोलीस आणि सुरक्षा यंत्रणा तातडीने सक्रिय झाल्या. संपूर्ण जिल्हाधिकारी कार्यालय, दोन्ही प्रशासकीय इमारती व जिल्हा परिषद कार्यालय रिकामे करण्यात आले असून, अधिकारी, कर्मचारी तसेच नागरिकांना सुरक्षित अंतरावर हलवण्यात आले आहे. घटनास्थळी पोलीस बंदोबस्त वाढवण्यात आला असून, बॉम्ब शोध पथक, डॉग स्कॉड, रॅपिड अ‍ॅक्शन फोर्स आणि इतर सुरक्षा यंत्रणा कार्यरत आहेत. तसेच, एनडीआरएफचे पथकही घटनास्थळी दाखल झाले आहे. संपूर्ण परिसराची कसून झडती सुरू असून, जिल्ह्यात सतर्कतेचा इशारा देण्यात आला आहे. प्राथमिक तपासात, हा मॉक ड्रिल असल्याची शंका व्य...

बोईसरमध्ये महिलेस मारहाण; दोन भावांविरोधात गुन्हा दाखल बोईसर — बोईसरमधील यादवनगर परिसरात एका महिलेवर झालेल्या कथित हल्ल्याने परिसरात खळबळ उडवली आहे. एका ३० वर्षीय गृहिणीने दोन भावांविरुद्ध शिवीगाळ, विनयभंग व मारहाणीबाबत बोईसर पोलीस ठाण्यात तक्रार दाखल केली आहे. महिलेने दिलेल्या माहितीनुसार, तिच्या ११ वर्षांच्या मुलीला सकाळी ८ ते ८.३० वाजेदरम्यान घराच्या मागील बाजूस असलेल्या कडुलिंबाच्या झाडावरून पाला आणायला सांगितले होते. मुलगी पाला तोडण्यासाठी ड्रिमसिटी बिल्डिंगच्या कंपाऊंडवर चढली असता, तेथे राहणारे शहा आलम चौधरी व त्याचा भाऊ जफर आलम चौधरी यांनी तिला अडवून “हे झाड तुझ्या बापाचं आहे का?” अशा शब्दांत दमदाटी केली. महिलेने हस्तक्षेप करत त्यांना समजवण्याचा प्रयत्न केला असता, दोघांनी तिला शिवीगाळ करत धमकावले. या दरम्यान, जफर आलमने महिलेच्या छातीला हात लावून तिची मॅक्सी पकडून झटापट केली, ज्यामुळे तिचा विनयभंग झाल्याचे तिने तक्रारीत नमूद केले आहे. त्यानंतर दोघांनी मिळून तिच्यावर ठोसे व बुक्क्यांनी हल्ला केला. यानंतर शहा आलमने लाकडी दांडक्याने तिच्या उजव्या खांद्यावर, डाव्या हातावर, मांडीवर व ...

डफोन लॅबोरेटरीजमधील कामगारांचे आरोग्य धोक्यात : अस्वच्छ व धोकादायक ठिकाणी जेवणाची सक्ती बोईसर – तारापूर औद्योगिक वसाहतीतील प्लॉट नंबर E-61/2 येथे स्थित डफोन लॅबोरेटरीज प्रायव्हेट लिमिटेड या कंपनीत काम करणाऱ्या कामगारांच्या सुरक्षिततेचा अत्यंत गंभीर प्रश्न समोर आला आहे. सदर कंपनीत काम करणारे मजूर भट्टीच्या बाजूला व रासायनिक नाल्याजवळ असलेल्या जागेतच बसून जेवण करत असल्याचे धक्कादायक चित्र उघडकीस आले आहे. या ठिकाणी कामगारांना जेवण करताना भट्टीतून उडणाऱ्या कोळशाचे कण व केमिकलयुक्त नाल्यांमधून येणारा दुर्गंधीमय वास यांचा सामना करावा लागत आहे. इतकेच नव्हे, तर या उष्णतेच्या झळा असलेल्या परिसरात उघड्यावर बसून अन्नसेवन करणे ही त्यांच्या आरोग्याला गंभीर धोकादायक बाब आहे. आश्चर्याची गोष्ट म्हणजे, इतकी गंभीर परिस्थिती असूनही कंपनीकडून कोणतीही काळजी घेतली जात नसल्याचे दिसून येते. कामगारांसाठी सुरक्षित व स्वच्छ जेवणाची कोणतीही सोय नसल्यामुळे त्यांना आरोग्याच्या जोखमीकडे दुर्लक्ष करत उदरनिर्वाहासाठी काम करावे लागत आहे. कामगारांच्या हक्कांचे आणि सुरक्षिततेचे गंभीर उल्लंघन करणाऱ्या या प्रकाराची तातडी...

गुंदले गावातील करमतरा कंपनीच्या प्रकल्पाला ग्रामस्थांचा तीव्र विरोधच  प्रेस नोटद्वारे दिशाभूल केल्याचा आरोप बोईसर : गुंदले ग्रामपंचायत हद्दीतील पांजरे पाडा (गुंदले) येथील सर्वे नंबर ६०/१/१ ते ६०/१/७, ६१, ६२ आणि आजूबाजूच्या जमिनींवर करमतरा कंपनीकडून प्रस्तावित औद्योगिक प्रकल्पास ग्रामस्थांचा तीव्र विरोध होत आहे. अलीकडेच कंपनीने प्रसिद्ध केलेल्या प्रेस नोटविरोधात ग्रामस्थांनी निषेध व्यक्त करत ती दिशाभूल करणारी असल्याचा आरोप केला आहे. ग्रामस्थानी आरोप केला आहे की, कंपनीकडून एनओसी मिळवण्यासाठी पोलिसी दबाव, बळजबरी आणि आर्थिक प्रलोभनांचा वापर केला जात आहे. याआधी अशाच प्रकारची घटना तळेखल (मान चुरी पाडा) येथील एनक्राफ्ट कंपनीबाबत घडली होती, असे ग्रामस्थांनी सांगितले. सुरुवातीला ग्रामसभा विरोधात होती, मात्र तिसऱ्या ग्रामसभेत दबाव व पैसे वाटप झाल्याचा आरोप करत ते म्हणाले की, परिणामी आज त्या भागातील पाणी दूषित झाले असून आरोग्य समस्या निर्माण झाल्या आहेत. विराज कंपनीच्या प्रकरणाचा दाखला देताना ग्रामस्थ म्हणाले की, झाडे लावण्याच्या निमित्ताने एनओसी घेतली गेली. परंतु काही दिवसांतच झाडे काढून ति...