घरफोडी-चोरीच्या गुन्ह्यातील अट्टल चोरट्याना पकडण्यात बोईसर पोलिसांना यश... बोईसर : बोईसर पोलीस ठाण्यातील भा.दं. वि.सं कलम ४५४,४५७,३८० प्रमाणे गुन्हयातील चोरीचा मुद्देमाल हस्तगत करून आरोपीना पकडण्यात गुन्हे प्रकटीकरण शाखेच्या पोलिसांना यश आले आहे शादावल इम्प्रेशनमध्ये सरावली (बोईसर ) राहणाऱ्या निखिल कनाजिया यांच्या घरातून चोरट्याने २,९७,५००/- रुपयांचे दागिने लंपास केले होते. या प्रकरणी कलम ४५४,४५७,३८० प्रमाणे गुन्हा फिर्याद दाखल झाल्यानंतर सीसीटिवी फुटेजच्या माध्यमातून बोईसर पोलिस ठाण्याच्या गुन्हे प्रकटीकरण शाखेच्या कर्मचाऱ्यांनी मानखुर्द (मुंबई ) येथील सराईत गुन्हेगार अब्दुल जमीर पठाण (वय ४३) याला गुन्ह्याचा तांत्रिक दृष्टया तपास करुन आरोपीस सापळा रचून ताब्यात घेतले. त्याच्याकडे चौकशी केली असता दिवा, शिळफाटा येथील संजय रत्नेश कांबळे ऊर्फ सलीम कुबड्या आणि रॉनी जोसेफ फर्नाडिस यांच्या मदतीने चोरी केल्याचे कबूल केले.अब्दुल आणि संजय यांना अटक करण्यात आली असून रॉनी फरार आहे. या आरोपींनी अश्याच प्रकारचे घर फोडीचे गुन्हे मुंबई, नवी मुंबई आणि रायगड परिसरातही चोरी केल्याची कबुली दिली आहे. प्रस्...

पालघर जिल्ह्यात ३० मे ते १ जून पर्यंत उष्ण व दमट वातावरण राहण्याचा इशारा पालघर : भारतीय हवामान विभागाने २७ मे रोजी प्रसारित केलेल्या मॉन्सूनचा दीर्घकालीन हवामान अंदाजानुसार जून ते सप्टेंबर महिन्यात महाराष्ट्रासह पालघर जिल्ह्यातही सरासरी पेक्षा जास्त पावसाचा अंदाज वर्तविला आहे. त्यासोबत जूनमध्ये पालघर जिल्ह्यात सरासरी एवढेच किंवा सरासरी पेक्षा कमी पावसाची शक्यता आहे. पश्चिम बंगालच्या उपसगरातील रेमल चक्रीवादळाचा प्रभाव ओसरल्यानंतर २८ मे पासून अरबी समुद्रात मॉन्सूनसाठी पोषक वातावरण निर्माण झाले असून मॉन्सूनने अरबी समुद्राचा काही भाग व्यापत पुढे वाटचाल केली आहे. २९ मे रोजी प्रादेशिक हवामान विभाग मुंबई द्वारे प्रसारित केलेल्या हवामान अंदाजानुसार मुंबई, ठाणे आणि पालघर जिल्ह्यात पुढील चार दिवस किमान व कमाल तापमान वाढुन उष्ण व दमट वातावरण राहण्याचा इशारा देण्यात आला आहे. पालघर जिल्ह्यातील सरासरी कमाल तापमान ३४ ते ३५ अंश सेल्सिअस, आणि किमान तापमान २८ ते २९ अंश सेल्सिअस राहण्याचा अंदाज आहे, तसेच वाऱ्याची गती सरासरी १९ ते २० किमी प्रति तास राहण्याची शक्यता आहे. त्यामुळे नागरिकांनी हवामान अंदाजान...

पालघर येथे रेल्वे ट्रॅकवरुन मालगाडीचे डब्बे घसरले पालघर : पालघर येथे गुजरात कडून मुंबईला येणारी मालगाडीचे डबे पालघर रेल्वे स्थानका जवळ घसरले. मालगाडीचे 8 डब्बे  रुळावरून घसरून अपघात झाला आहे, या अपघातात कुठली जीवित हानी झाली नसून मात्र डहाणू ते मुंबई च्या दिशेने रेल सेवा पूर्णपणे विस्कळीत झाली आहे. मंगळवारी संध्याकाळी 5 वाजताच्या सुमारास पालघर रेल्वेस्थानका वरून गुजरातहुन मुंबई दिशेने लोखंडी कॉईल घेऊन जात असताना मालगाडीचे 7 डब्बे रुळावरून घसरले,  यावेळी सुदैवाने कुठलीही जीवित हानी झाली नाही. गुजरातच्या दिशेने जाणारी रेल वाहतूक उशिराने सुरू असून मुंबईच्या दिशेने जाणाऱ्या रेल सेवा विस्कळीत झाली आहे. या अपघातामुळे पालघर रेल्वे स्थानकाजवळील 2 नंबर व 3 नंबर रेल्वे ट्रेक ला जबर नुकसान झाले आहे. पालघर पोलीस प्रशासन व रेल्वे विभागाचे तांत्रिक प्रशासन घटनास्थळी दाखल झाले आहेत, यावेळी पालघरचे पोलीस अधीक्षक बाळासाहेब पाटील यांनीही घटनास्थळी उपस्थिती दर्शविली. रुळावरून घसरलेल्या मालगाडीचे डब्बे पाहण्यासाठी रेल्वे प्रवासी वर्गासह शहरातील नागरिकांची मोठी गर्दी जमली होती, ज्याला नियंत्रणात आ...

विक्रमगड येथे भरधाव ट्रक ची सहा वाहनांना जोरदार धडक : दोघांचा जागीच मृत्यू  पालघर : विक्रमगड तालुक्यातील पाली- वाडा मार्गावर भीषण अपघात झाला आहे. भरधाव ट्रक ने सहा वाहनांना जोरदार धडक दिली असून या अपघातात दोघांचा जागीच मृत्यू झाला. विक्रमगड येथील पाली- वाडा मार्गावरील आलोंडे नाका येथे भीषण अपघात झाला आहे. या अपघातात भरधाव ट्रक ने दोन बाईक, बस आणि कार अश्या सहा वाहनांना जोरात धडक दिली. यात एक पुरूष व एक महिला अशा दोघांचा जागीच मृत्यू झाला. या अपघाताची माहिती मिळताच स्थानिक पोलिसांनी घटनास्थळी धाव घेतली. ट्रक चालकाचा ताबा सुटल्याने हा अपघात झाल्याची माहिती प्रत्यक्षदर्शींनी दिली आहे. या अपघातामध्ये सहाही वाहनांचे मोठे नुकसान झाले.  अ पघाता नंतर भरधाव ट्रक रस्त्यावर पलटी झाल्यामुळे या मार्गावर वाहतूक कोंडी झाली.

डोंबिवली एमआयडीसी स्फोटात कंपनी मालकावर अटकेची कारवाई.. कंपनीचे संचालक, व्यवस्थापक, देखरेख अधिकाऱ्यांसह इतर बेजबाबदार व्यक्तींच्या विरोधात सदोष मनुष्यवधाचा गुन्हा दाखल डोंबिवली :  डोंबिवली एमआयडीसीच्या फेज दोनमधील मे. अमुदान केमीकल्स कंपनीमध्ये गुरूवारी झालेल्या रिअक्टरच्या स्फोटात ८ जणांचा बळी गेला आहे. जीवित व वित्तहानीच्या या दुर्घटनेला कारणीभूत ठरलेल्या कंपनीच्या बेजबाबदार मालकावर ९ ठाण्याच्या क्राईम ब्रँचसह स्पेशल टास्क फोर्सने मलया प्रदीप मेहता (वय ३८) कंपनी मालकावर  अटकेची कारवाई केली. तर त्याची आईलाही नाशिकमधून ताब्यात घेतले आहे. मलया प्रदीप मेहता  घाटकोपर येथील आर मॉलजवळ असलेल्या कल्पतरू आवरा सोसायटीत राहणारा आहे. मानपाडा पोलिस ठाण्याच्या गुन्हे प्रकटीकरण शाखेचे पोलिस निरीक्षक रामचंद्र चोपडे यांनी सरकारतर्फे दिलेल्या फिर्यादीवरून कंपनीच्या मालकीण मालती प्रदिप मेहता, मुलगा मलय मेहता यांच्यासह कंपनीचे संचालक, व्यवस्थापक, देखरेख अधिकाऱ्यांसह इतर बेजबाबदार व्यक्तींच्या विरोधात सदोष मनुष्यवधाचा गुन्हा दाखल करण्यात आला. स्थानिक पोलिसांसह २ ठाण्याच्या क्राईम ब्रँचच...

तात्कालीन तहसीलदार सुनील शिंदे यांच्या नोटिसी नंतर ही अभय जाधव यांच्या डांबर प्लांटवर कारवाई का नाही..... मनोर :  पालघर तालुक्यातील वाडा-खडकोना येथील निसर्गरम्य स्थळावरील शेतशिवारात खाजगी डांबराचा प्लांट उभारण्यात आलेला आहे. हा प्लांट आदिवासी खातेदार अंजू चिंबाटे यांना कसून खाण्यासाठी  म.ज.म अधिनियम १९६६ कलम ३६/३६ ला अधिनराहून (१) अशा एक एकर भूखंड वाटप केलेला असून या भूखंडावर अभय जाधव यांनी आपला डांबर प्लांट थाटल्याचे उघडकीस आले आहे.  सदर हॉट मिक्स डांबर प्लांट शेतीच्या परिसरात असल्याने या प्लांटमधून बाहेर पडणाऱ्या प्रदूषित धुरामुळे परिसरातील शंभर ते दीडशे एकरातील भात शेती यासह पिकांचे प्रचंड नुकसान होत आहे त्यामुळे शेती पुरक क्षेत्राचे राखरांगोळी होत आहे. डांबर प्लांटमधून बाहेर पडणाऱ्या प्रदूषित धुरामुळे पिकांची वाढ खुंटली असून, पिके करपून जात आहेत. तसेच शेतामध्ये काम करणाऱ्या शेतकऱ्यांनादेखील विविध त्वचारोग उद्भवू शकते. अत्यंत दूषित व दुर्गंधित वासामुळे शेतामध्ये काम करणे त्रासदायक झाले आहे. शेतकऱ्यांना शेतीशिवाय दुसरा कुठलाच पर्याय नसल्याने शेतकरी जीव मुठीत धरून काम कर...

मतदारांना पैसे देऊन कमळाला मतं देण्यास सांगत असताना व्हिडिओ कॅमेरात कैद पालघर । पालघरमध्ये लोकसभा निवडणुकीपूर्वी पैसे वाटतानाचा व्हिडीओ व्हायरल झाला आहे. पैसे देऊन कमळासमोरचे बटण दाबा असे आव्हान केले जात होते. नुकताच झालेल्या पालघर लोकसभा मतदार संघात भाजप, शिवसेना ठाकरे गट आणि बहुजन विकास आघाडीत तिरंगी लढत झाली. या निवडणुकीत विक्रमगड तालुक्यातील बालापूर गावातील एका घरात दोन इसम भाजपसाठी मतदान करा, असे सांगत प्रत्येक मतदाराला पाचशे रुपयांची नोट देत असल्याचा व्हिडीओ गुरुवारी वायरल झाल्याने खळबळ उडाली आहे. दोन इसम मतदारयादी तपासून त्यात नाव असलेल्या प्रत्येक मतदाराला प्रत्येकी पाचशे रुपयांची नोट देत असल्याचे व्हिडीओत दिसत आहे. इतकेच नाही तर पैसे देणारा इसम कमळ चिन्ह तिसऱ्या क्रमांकावर असून त्यालाच मतदान करा, इलेक्शन द्यायला याल तेव्हा पैसे घेऊन जा.. असे सांगत असल्याचे दिसत आहे. त्यामुळे विक्रमगडमध्ये मोठ्या प्रमाणावर भाजपकडून पैसे वाटप करण्यात आल्याचा आरोप आता करण्यात येतोय. दरम्यान, या व्हिडीओ प्रकरणात भाजपकडून अद्याप कोणतीही प्रतिक्रीया आलेली नाही.

बोईसर मध्ये आचारसंहितेत आनंदी नगर येथे जोरदार दारू व मटन पार्टी बोईसर | महाराष्ट्रसह पालघर जिल्ह्यात लोकसभा निवडणुकीचा अंतिम टप्पा सुरू असताना काही राजकीय पक्षाच्या लोकांनी आचारसंहितेचा तीन तेरा वाजवून ठेवलेला आहे. प्रशासनानी कडेकोट बंदोबस्त ठेवून सुध्दा मतदारांना प्रलोभने दाखवण्याचे काम विविध पक्षाकडून सुरू असून अत्यंत प्रतिष्ठेचा मतदार संघ असलेला पालघर लोकसभा मतदार संघात दारू मटन पार्टी जोरात सुरू आहे. निवडणूकीचा पार्श्वभूमी पाहता शनिवार दिनांक १८ मे रोजी सायंकाळी ६ वाजेपासून ते २० मे रोजी सायंकाळी ६ वाजेपर्यंत मद्य विक्रीसाठी बंदी तसेच जमावबंदी कायदा लागू असताना बोईसर येथील सरावली ग्रामपंचायत हद्दीतील आनंदी नगर येथे जोरदार दारू व मटन पार्टी सुरू असल्याचे निदर्शनास आले आहे. सदर पार्टी महायुतीच्या उमेदवारांकडून देण्यात आल्याचे बोललं जात असून शेखडो मतदार या ठिकाणी पार्टीचा आस्वाद घेताना दिसून आले तर तळीरामानी थेट उभ्या असलेल्या इको चार चाकी गाडीत धमाल पार्टीची मज्जा घेतली. दरम्यान या पार्टीत महायुतीच्या कार्यकर्ता सोबत बहुजन विकास आघाडीचे काही कार्यकर्ते देखील या पार्टीचा आस्वाद घेता अ...

पालघर मतदार संघात उद्या मतदान! दिग्गजांची प्रतिष्ठा पणाला.... पालघर : लोकसभा निवडणूकीच्या अंतिम टप्प्यातील मतदान उद्या पार पडणार असून अनेक दिग्गज नेत्यांची प्रतिष्ठा पणाला लागली आहे. दरम्यान, मतदान केंद्रांमध्ये आजपासूनच निवडणूकीची तयारी सुरु झाली आहे. सर्व मतदान केंद्रांवर ईव्हीएम मशीन पाठवण्यात आल्या आहेत.   देशातील पाचव्या आणि महाराष्ट्रातील शेवटच्या टप्प्यातील लोकसभेसाठीच मतदान उद्या पार पडणार असून यात पालघर मतदार संघाचाही समावेश आहे त्यासाठी पालघर जिल्हा प्रशासन सज्ज झाला आहे  दरम्यान, या पार्श्वभूमीवर पालघर मतदारसंघांमध्ये जय्यत तयारी सुरु आहे. पालघर मतदारसंघांमध्ये महायूती, महाविकास आघाडी व बहुजन विकास आघाडी अशी तिरंगी लढत होणार आहे. शनिवारी सायंकाळी अंतिम टप्प्यातील प्रचाराच्या तोफा थंडावल्या आणि आजपासून निवडणूकीची तयारी सुरु झाली आहे. दरम्यान, सोमवारी या सर्व मतदारसंघातील मतदारांचं भवितव्य मतपेटीत बंद होणार आहे. जिल्हाधिकाऱ्यांकडून नागरिकांना मतदानाचा हक्क बजावण्याचे आवाहन पाचव्या टप्प्यात पालघर मध्ये देखील मतदान होणार असून पालघर 22 या अनुसूचित जमाती मतदारसंघात 21 लाख...

कलश बार अन्ड रेस्टॉरंटच्या बेकायदेशीर चिमणीने उडविली नागरिकांची झोप ... बोईसर : सरावली ग्रामपंचायत हद्दीतील ओस्तवाल एम्पायर येथिल शिवम अपार्टमेंट मध्ये असलेल्या कलश बार अन्ड रेस्टॉरंटच्या चिमणीमुळे जेष्ठ नागरिक त्रस्त झाले आहेत. रात्री उशिरापर्यंत सुरू असलेल्या कलश बार अन्ड रेस्टॉरंट कडून बसविलेल्या चिमणीच्या कर्कश आवाजाने जेष्ठ नागरिकांचे जगण कठीण झाले असून आरोग्यास परिणाम होऊ लागला आहे. कलश बार अन्ड रेस्टॉरंटच्या दर्शनीय भागात दोन गाळे व मागिल बाजूस लागूनच असलेला रहिवास सदनिकाची तोडफोड करून किचन तयार करून बेकायदेशीर चिमणी लावली आहे त्याच बरोबर त्या चिमणी मधून ऑईल निघत असुन येणाऱ्या जाणाऱ्या नागरिकांना नाहक त्रास सहन करावे लागते याबाबत बार मालकाला वारंवार तोंडी तक्रार करून देखील दखल घेत नाही तसेच बार मालकासोबत सोसायटी पदाधिकारी सामील असल्यामुळे सोसायटीच्या रहिवाशांना वाली कुणी आहे का असा सवाल उपस्थित केला जात आहे. रात्री उशिरापर्यंत सुरू असलेल्या कलश बार अन्ड रेस्टॉरंट कडून बसविलेल्या चिमणीच्या आवाजाने जेष्ठ नागरिकांची झोप उडालेली असताना प्रदूषण नियंत्रण मंडळाला वारंवार सांगून ही खुर्...

भीमनगर येथे भूमिहीन लोकांना सरकारकडून वाटप केलेल्या जागेवर परप्रांतीयांचे बेकायदेशीर बांधकाम  बोईसर :  बोईसर ग्रामपंचायत हद्दीतील भीमनगर या ठिकाणी काही भूमीहीन लोकांना सरकारकडून जमीनी वाटप करण्यात आलेल्या असून रोड लगत असलेल्या या जमीनी परप्रांतीय लोकांनी घशात घातलेल्या आहेत त्या ठिकाणी फर्निचर विक्री, घरगुती साहित्यांची विक्री अशा प्रकारे वाणिज्य वापर करणारे गाळे तयार करत ३६-३६ ला वाटप केलेल्या जमिनी बळकावण्याचा प्रयत्न सुरू आहे.  सर्वत्र लोकसभा निवडणुकीचा बिगुल वाजलेला असताना महत्वाची जबाबदारी पार पाडणारे महसूल अधिकारी या निवडणुकीच्या कामात व्यस्त असताना भू माफिया बांधकाम करण्यात मस्त झाले आहेत. सरकारी जमीन असो किंवा भूमीहीन लोकांना वाटप केलेली जमीन या जमिनीवर मोठ्या प्रमाणावर बांधकाम सुरू असून सरकारी कामात नेहमीच व्यस्त असणारे तलाठी या बेकायदेशीर कृत्यांना पाठबळ देत आहेत का ? तलाठी निवडणुकीत व्यस्त असल्यामुळे कार्यालयात उपलब्ध नसून दुरध्वनी केल्यानंतर देखील बोलण्याकरता वेळ नाही तर तलाठी मॅडम यांचा कोतवाल बांधकाम ठिकाणी जाऊन कुठला निरोप तलाठी पर्यंत पोहचवत आहे हा एक संशो...

चिंचणी ग्रामपंचायती कडून घर दुरूस्ती नाहरकत दाखला घेत केले नविन इमारतीचे बांधकाम.... बेकायदेशीर बांधकाम सुरू असताना चिंचणी ग्रामविकास अधिकाऱ्याची बघ्याची भूमिका डहाणू : डहाणू तालुक्यातील नेहमीच वादग्रस्त ठरलेली चिंचणी ग्रामपंचायत हद्दीतील मार्केट परिसरात उदय धिरजलाल पारेख यांनी घर क्रमांक २८५, ३०४, ३०५  मोडकळीस आले असल्याचे बहाना करत घर दुरूस्ती कामी नाहरकत दाखला घेत चक्क चार मजली इमारतीचे बांधकाम केले आहे. उदय धिरजलाल पारेख यांनी घर मोडकळीस आले असल्याचे बहाना करत दिनांक १० एप्रिल २०२३ रोजी घर दुरूस्ती कामी नाहरकत दाखला घेण्यासाठी अर्ज दाखल केल्यानंतर त्याच दिवशी दुपारी ३ वाजता नियोजित मासिक सभेत ठराव क्रमांक २२५/६ नुसार घर दुरूस्ती कामी नाहरकत दाखला देण्यात आलेला आहे. दिनांक १५ मे २००६ रोजी उदय धिरजलाल पारेख यांचा मृत्यू झाल्यानंतर वारस पत्नी लिना उदय पारेख मुलगा निकेत उदय पारेख व इतर यांच्या नावाने झाल्यानंतर गावठण जमीन विकण्यासाठी घर दुरूस्तीचा बनाव करत मयत उदय धिरजलाल पारेख यांच्या नावाने अर्ज तयार करून घर दुरूस्ती कामी नाहरकत दाखला घेण्यात आला. सदर ठिकाणी मोडकळीस आलेल्या घराची...

घरफोडी, चोरी करणाऱ्या सराईत आरोपीला अटक, विरारच्या गुन्हे प्रकटीकरण शाखेच्या पोलिसांना यश विरार : विरारच्या राम मंदीर लेन, वर्तक वार्ड, डोंगरपाडा येथील निलप्रकाश बंगल्यात राहणारे सौरभ चौधरी (३५) यांच्या घरी २४ एप्रिलच्या रात्री लाखोंची चोरी झाल्याची घटना घडली होती. चोरट्यांनी त्यांच्या घराच्या दुसऱ्या मजल्यावरील गॅलरीच्या दरवाजाचे लॉक तोडून घरात प्रवेश करून बेडरूममध्ये असलेल्या कपाटातील ४७० ग्रॅम सोन्याचे दागिने चोरून नेल्याबाबत विरार पोलिसांनी २५ एप्रिलला तक्रारीवरुन विरार पो. ठाणे, गु.रजि.नं. १ ३२२/२०२४, भा.दं.वि.सं. कलम-३८०, ४५४, ४५७ प्रमाणे चोरीचा गुन्हा दाखल केला होता. या गुन्ह्याचे अनुषंगाने गुन्हे शाखेच्या पथकाने घटनास्थळी भेट दिली. वरिष्ठांच्या मार्गदर्शनाखाली चार पथके तयार करून घटनास्थळावरील सीसीटीव्ही फुटेजचे बारकाईने निरीक्षण करून त्याआधारे संशयित आरोपी निष्पन्न झाला. आरोपीचा शोध घेण्यासाठी अंदाजे १०० सीसीटीव्ही कॅमेरे तपासून आरोपीचा पाठलाग केला. आरोपीने विरार ते बोरिवली लोकल ट्रेनने, बोरिवली येथून मानपाडा पर्यंत बसने व तेथून पुढे रिक्षाने प्रवास केल्याचे दिसून आले. आरोपी शे...

बोईसर | सरावली ग्रामपंचायत हद्दीतील अवधनगर येथिल सरकारी भूखंडावर अतिक्रमण करून इमारतीचे बांधकामाला उत आलेले असून मनोज पटेल नामक व्यक्तींकडून दुमजली इमारतीचे बांधकाम सुरू केलेले आहे. स्थानिक तलाठी व मंडळ अधिकारी या भूमाफियांकडे दुर्लक्ष करत असून मनोज पटेल हा भूमाफिया सरकारी भूखंडावर बांधकाम करत असताना तहसीलदार रमेश शेंडगे या भूमाफियावर कारवाई करणार का ? असा सवाल उपस्थित केला जात आहे. [ लोकसभा निवडणुका पार पडल्या नंतर कारवाई करण्यात येईल]

कारखानदार लाखोंचा खर्च टाळण्यासाठी राखीव भुखंडावर जाळतात रासायनिक घनकचरा..... बोईसर : तारापूर औद्योगिक क्षेत्रातील रासायनिक घनकचरा बेकायदेशीर विल्हेवाट लावण्यासाठी दिवसेनदिवस कारखानदार अनोखी शक्कल लढवत असून शास्त्रोक्त पद्धतीने विल्हेवाट लावण्यासाठी येणारा लाखोंचा खर्च टाळण्यासाठी औद्योगिक क्षेत्रातील राखीव भूखंडावर हे कारखानदार आपला रासायनिक घनकचरा खुलेआम जाळत असल्याचा प्रकार आज उघडकीस आला आहे. औद्योगिक क्षेत्रातील प्लॉट क्रमांक एस -१० समोरील वनीकरणासाठी राखीव असलेल्या ओ एस -६४ या भूखंडावर रासायनिक घनकचरा जाळत असल्याचा प्रकार उघडकीस आला आहे. औद्योगिक क्षेत्रातील रासायनिक कारखान्यात उत्पादन प्रक्रिया दरम्यान तयार होणारा रासायनिक घनकचरा बेकायदेशीर विल्हेवाट लावणारी गावगुंड टोळकी सक्रिय झालेली असून या टोळीच्या साह्याने कारखानदार आपला रासायनिक घनकचरा खुलेआम जाळण्याचा प्रयत्न करत आहे. दरम्यान कोलवडे ग्रामपंचायत हद्दीतील कचरा भूमी लगतच हा सर्व प्रकार सुरू असून पर्यावरणावर प्रेमाचा खोटा आव आणणाऱ्या कोलवडे ग्रामपंचायतीचे पदाधिकारी व पर्यावरण प्रेमी या वारंवार सुरू असलेल्या प्रकाराकडे दुर्लक्...