टेंभी गावात उपसभापती मिलिंद वडे यांच्या हस्ते विकासकामाचे उद्घाटन बोईसर : टेंभी गावात प्रेम नगर रस्त्याचे भूमिपूजन व पाणी शुद्धीकरण यंत्र बसवण्याचे 28 फेब्रुवारी बुधवार रोजी पंचायत समिति पालघर उपसभापती मिलिंद वडे यांच्या हस्ते नारळ फोडून विकासकामाचे उद्घाटन करण्यात आले. पालघर तालुक्यातील टेंभी गावात १५ वित्त आयोग फंडातुन पंचायत समिती पालघर चे उपसभापती मिलिंद वडे यांच्या विशेष प्रयत्नातून टेंभी गावातील प्रेम नगर या रस्त्याचे भूमिपूजन व ग्रामपंचायत कार्यालयाकडे पाणी शुद्धीकरण यंत्र बसवण्यात आले आहे. सदर कार्यक्रमात टेंभी गावचे सरपंच सरोज वडे , उपसरपंच  रूपाली संखे , सदस्य रोहित वडे, संजय वडे, निकिता वडे, जागृती पाटील तसेच मोठ्या प्रमाणात  ग्रामस्थ उपस्थित  होते.

ओसीनिक लॅबोरेटरीज कारखान्याचा रसायनयुक्त घनकचरा दहिसर गावात बोईसर : तारापुर औद्योगिक क्षेत्रातील रासायनिक कारखान्याचा रसायनयुक्त घनकचरा दहिसर गावातील शेतात आढळून आल्याने खळबळ माजली आहे. औद्योगिक क्षेत्रातील रासायनिक कारखान्याचा रसायनयुक्त घनकचरा  निर्जन स्थळी बेकायदेशीर विल्हेवाट लावण्याच काम हे भरपूर वर्षापासून सुरु असुन केमिकल माफिया व कारखान्यावर ठोस कारवाई होत नसल्यामुळे असे प्रकार वारंवार होताना दिसून येत आहेत. तारापुर औद्योगिक क्षेत्रातील रासायनिक कारखान्याचा रसायनयुक्त घनकचरा विल्हेवाट लावणारी गावगुंड टोळकी दिवसगणीक अधिकच सक्रिय होत चाललेली असून कोलवडे, कुंभवली, पाम, टेंभी, नवापूर, पास्थळ, सालवड, सरावली खैरापाडा या भागात बोंबाबोंब झाल्यामुळे आता या माफियांनी थेट हरित पट्टा रसायनयुक्त पट्टा करण्यासाठी कंबर कसली आहे. शासन प्रशासनाचा या माफियांवर वचक नसल्यामुळे आणि कमी अवधीत झटपट श्रीमंत होण्याच्या नादात हे माफिया आपल्याच आईच्या भूगर्भात रसायनयुक्त घनकचरा टाकण्याचा देशद्रोही कृत्य करत आहेत. पालघर तालुक्यातील तारापूर पोलीस ठाणे अंतर्गत दहिसर तर्फे तारापूर या गावात दिनांक २० फेब्...

वाढवण बंदर विरोधात चाराेटीत रास्ता राेकाे आंदोलन पालघर : पालघर जिल्ह्यातील हाेऊ घातलेल्या वाढवण बंदर विरोधात आज (गुरुवार) वाढवण बंदर संघर्ष समितीने डहाणूतील चारोटी येथे वाढवण बंदर संघर्ष समितीच्या नेतृत्वाखाली मुंबई अहमदाबाद राष्ट्रीय महामार्गावर रास्ता राेकाे केला आहे. यामुळे या महामार्गावरील वाहतूक ठप्प  झाली आहे.  केंद्र सरकारच्या महत्त्वाकांशी वाढवण बंदराच्या सर्व मान्यता प्राप्त झाल्या असून याच महिन्यात प्रधानमंत्री नरेंद्र मोदी यांच्या हस्ते वाढवण बंदराचे भूमिपूजन होणार असल्याचे उपमुख्यमंत्री देवेंद्र फडणवीस यांनी जाहीर केले. त्यानंतर वाढवण बंदर विरोधी संघर्ष समिती, वाढवण बंदर विरोधी युवा संघर्ष समिती , महाराष्ट्र मच्छिमार कृती समिती, नॅशनल फिश वर्क फोरम, ठाणे जिल्हा मध्यवर्ती समाज संघ, ठाणे जिल्हा मच्छीमार समाज संघ, अखिल महाराष्ट्र मच्छिमार कृती समिती, समुद्र बचाव मंच, समुद्रकन्या मंच सातपाटी, कष्टकरी संघटना, भूमी सेना व आदिवासी एकता परिषद व इतर समस्त बंदर विरोधी संघटना यांनी या बंदराला तीव्र विरोध दर्शवला आहे. चारोटी येथे आंदाेलकांनी रास्ता राेकाे केला. या आंदाेलनाच्या...

वार्षिक स्नेहसंमेलन व पारितोषिक वितरण समारंभ संपन्न... बोईसर | पाम गावात दिनांक १६ फेब्रुवारी रोजी पाम कुंभवली विभाग हायस्कुल, पाम -टेभी या विद्यालयाचा वार्षिक स्नेहसंमेलन शाळेच्या मैदानावर पार पडला. आपल्या आकर्षक प्रस्तुति करणासाठी प्रसिद्ध असलेल्या या संमेलनाने रसिकांचे मन जिंकून घेतले विद्यार्थ्यांनी विविध कार्यक्रम सादर करून आपले कलागुण व कौशल्य सर्वासमोर सादर केले. या कार्यक्रमाला राष्ट्रपती पुरस्कार प्राप्त  बोईसर पोलीस ठाण्याचे प्रभारी पोलीस निरीक्षक शिरीष पवार यांच्या अध्यक्षतेखाली श्रमप्रतिष्ठान संस्था संचलित पाम कुंभवली विभाग हायस्कूल, पाम-टेंभी येथे लेझीम, बँड व शिस्तबद्ध संचलनाच्या तालात अगदी दिमाखदार व मंत्रमुग्ध करणारा सोहळा संपन्न करण्यात आला. यावेळी सदर कार्यक्रमात सुमिटुमो कंपनीचे मिलिंद पाटील (एच.आर मॅनेजर) व राजेंद्र घरत( मेंटेनन्स मॅनेजर), जिंदाल स्टील वर्क्स कंपनीचे अमोल सूर्यवंशी (CSR हेड) व राहुल पांडे (welfare Officer) तसेच  विशेष अतिथी म्हणून सामाजिक कार्यकर्ता व वसई जनता सहकारी बँकेचे उपाध्यक्ष विनोद पिंपळे, संस्था अध्यक्ष प्रदीप पिंपळे यांचे सुपुत्र ...

कंत्राटी कामगारांच्या पगाराला ठेकेदारच लावताहेत चुना... बोईसर : तारापुर औद्योगिक क्षेत्रामधील कारखानदार व ठेकेदार यांच्या संगनमताने गेली अनेक वर्षे कामगारांची आर्थिक पिळवणूक सुरू आहे.किमान वेतन कायदा तर सोडाच परंतु कामगारने केलेल्या कष्टाच्या पैशांवर ठेकेदार गबर होताना दिसून येत आहेत. अश्याच बोईसर शहरालगतच असलेल्या तारापूर औद्योगिक क्षेत्रातील प्लॉट क्रमांक डि -०६ निर्वाण सिल्क मिल्स प्रा लि या कारखान्यात ठेका पद्धतीवर काम करणाऱ्या शिवेश ठाकूर याचा वेतन ठेकेदार संजय सिंह यांनी थकवल्यामुळे कामगार शिवेश सिंह निराश झाला आहे.औद्योगिक क्षेत्रात कामगारांचे वेतन थकवण्याचे प्रकार सुरू असून एखाद्या कामगारांने तकादा लावला तरच त्याला वेतन मिळते नाहीतर गोरगरीब अशिक्षित कामगारांची चांगलीच आर्थिक पिळवणूक या मुजोर ठेकेदारांकडून केली जाते आणि या आर्थिक पिळवणूकीत कंपनी प्रशासन देखील सहभागी असतात . त्यापैकी एक कामगार यांनी कंपनी प्रशासन व ठेकेदाराच्या धमकीला न घाबरता कामगार उपायुक्त पालघर येथे लेखी तक्रार दाखल केलेली असून कामगार उपायुक्त दहिफळकर लवकरच त्याबाबत न्याय निवाडा करतील असे आश्वसित असलेला कामग...

मोफत आरोग्य तपासणी शिबीराचे उपसभापती मिलिंद वडे यांनी केले आयोजन बोईसर : मोफत आरोग्य तपासणी शिबीराचे आयोजन पालघर पंचायत समिती आणि लूपिन ह्युमन वेल्फेअर अँन्ड रिसर्च फाऊंडेशन यांच्या संयुक्तमाने उपसभापती मिलिंद वडे, पंचायत समिती पालघर यांनी ग्रामपंचायत कार्यालय हॉल, नवापुर येथे आयोजन केले होते. पालघर जिल्ह्यातील नवापुर गावात दिनांक 16 फेब्रुवारी 2024 रोजी सकाळी 9 ते 1 वाजे पर्यत ग्रामपंचायत कार्यालय हॉल, नवापुर येथे आरोग्य शिबिराचे आयोजन करण्यात आले होते. सदर मोफत आरोग्य शिबिर तपासणीला नवापुर ग्रामस्थानी अतिशय उत्कृष्ट प्रतिसाद मिळाला असुन बऱ्याच लोकांनी याचा लाभ घेतला सदर शिबिरात तज्ञ डॉक्टरान द्वारे मधुमेह, दमा, फुफ्फुसाचे आजार, उच्च रक्तदाब, हदयरोग सबंधी तपासण्या केल्या. त्याच सोबत रुग्णांनी X-Ray, ECG   टेस्ट करून शिबिराचा लाभ घेतला. शिबिरात रुग्णांच्या आरोग्याची तपासणी करण्यासोबतच त्यांना आजारावर मोफत औषधेही देण्यात आली. या मोफत आरोग्य तपासणी शिबीरात नवापूर गावाच्या सरपंच अंजली बारी, उपसरपंच खगेश पागधरे, सदस्य आशिष पागधरे, विजय पागधरे, राकेश पागधरे सोबत मोठ्या प्रमाणात ग्रामस्थ...

भरदिवसा घरफोडी करण्याऱ्या टोळीला स्थानिक गुन्हे शाखेने घेतले ताब्यात बोईसर : दिनांक ७ फेब्रुवारी रोजी बोईसर शहरातील सरावली येथील शादावल इंप्रेशन येथे सेफ्टी दरवाजाचे लॅचलॉक तोडून त्याआतील लाकड़ी दरवाजाची कड़ी कापून बेडरुममध्ये ठेवलेल्या लाकडी कपाटातील दागीने व रोख रक्कम असा एकूण २,१२,०००/- रू. किमतीचा माल घरफोडी करुन चोरी केल्या प्रकरणी बोईसर पोलीस ठाणे भा.दं.वि. सं. कलम ४५४, ३८० प्रमाणे गुन्हा दाखल करण्यात आला होता. सदर गुन्हयाचे गांभीर्य लक्षात घेऊन बाळासाहेब पाटील, पोलीस अधीक्षक पालघर, अनिल विभूते, पोलीस निरीक्षक, स्थानिक गुन्हे शाखा पालघर यांना तपास पथक तयार करून योग्य त्या सूचना देऊन मार्गदर्शन केले. त्याप्रमाणे अनिल विभूते, पोलीस निरीक्षक, स्थानिक गुन्हे शाखा पालघर यांनी  पोउपनि गणपत सुळे व त्यांच्या टीम ने पथक तयार करुन तांत्रीक व गुप्त बातमीदाराच्या सहाय्याने आरोपीना बोईसर येथुन ताब्यात घेतले १) मोहमद शकीब मोहमद अंसारी (23 वर्ष ) २) मोहमद उमर महेफूज अहमद (20 वर्ष ) ३) फर्मान अहमद मुज्जमील अहमद (४१ वर्षे ) ४) मोहमद दानिश मोहमद वरीश मलीक (२४ वर्ष) हे सर्व आरोपी उत्तर प्रदेश र...

प्रशासनाची नियमावली धुडकावून अधिकारी देतोय कारखान्यांना टॅंकरने पाणी जय बजाज पेपर (अपोलो ) कारखान्याला प्रशासनाचा नाही धाक बोईसर : तारापूर औद्योगिक क्षेत्रातील कारखान्याना टॅंकरने पाणी पुरवठा करणे कायद्याने बंधनकारक असून कारखाना सुरू करताना अगदी बांधकाम पासून ते उत्पादन घेईपर्यंत प्रदूषण नियंत्रण मंडळाकडून ठरवून दिलेप्रमाणे औद्योगिक विकास महामंडळाकडून पाणी घेऊनच कारखाना सुरू करावयाचे असून काही मुजोर कारखानदार अधिकाऱ्याला हाताशी धरून टॅंकरने पाणी पुरवठा करून घेत आहेत. औद्योगिक क्षेत्रातील प्लॉट क्रमांक डि -०३ मे. जय बजाज पेपर एन्ड बोर्ड मील्स (अपोलो ) कारखान्यात इमारतीचे बांधकाम सुरू असून अधिकारी प्रोजेक्ट कंपनीकडून सदर बांधकामासाठी मोटार टॅंकर क्रमांक एम एच ०४ सी यू १८४४ या वाहनातून अतिरिक्त बेकायदेशीर पाणी पुरवठा केला जात असल्याचे दिनांक २९ जानेवारी २०२४ रोजी दुपारी दोन ते सव्वा दोन वाजेच्या सुमारास निदर्शनास आले आहे. सदर कारखानदारांनी महाराष्ट्र प्रदुषण नियंत्रण मंडळाकडून तशी कुठलीच परवानगी ( कसेंट ) घेतलेली दिसून येत नसून सन २०१६ साली घेतलेली कसेंटची मदत सन २०२१ रोजी संपुष्टात आलेली...

बोईसर मधील ओस्तवाल संकुलातील सत्यम इमारतीचे रंगकाम करताना विजेच्या धक्क्याने एकाचा मृत्यू तर एक गंभीर जखमी... बोईसर | पालघर तालुक्यातील बोईसर येथील सुप्रसिध्द असलेल्या ओस्तवाल संकुलातील सत्यम इमारतीचे बांधकामावर रंगकाम  करताना अचानक मोठ्या विद्युत लाईनचा शिडीत वीज प्रवाह उतरल्याने दोघांना शॉक लागून एकाचा मृत्यू तर दूसरा गंभीर जख्मी झाला आहे दिनांक १० फेब्रुवारी रोजी सकाळी १० वाजून ३० मिनिटाच्या दरम्यान ही घटना घडली असुन या घटनेमुळे संपूर्ण परिसरात शोककळा पसरली आहे.  बोईसर  परिसरातील ओस्तवाल संकुलातील सत्यम अपार्टमेंट सोसायटीकडून रंगकाम करण्यासाठी  ठेकेदार नितेश तांडेल नामक व्यक्तींला ठेका देण्यात आले होते. त्या ठिकाणी रंगकाम करणारे कामगार संदेश मऱ्या गोवारी व उत्तम सातवी या दोघांना शिडी सरकवताना तोल जाऊन विद्युत प्रवाहाच्या संपर्कात येऊन जोरदार करंट लागल्याने दोघेही जमिनीवर कोसळले. जबर बसलेल्या करंटमुळे संदेश गोवरी याचा तुंगा इस्पितळात दाखल करण्यापूर्वीच प्राणज्योत मावळली असून उत्तम सातवीची प्रकृती स्थिर असल्याचे साईलिला इस्पितळाचे डॉक्टर जितेंद्र पाटील यांनी सांगित...

बोईसर पोलिसांची उत्तम कामगिरी : मोबाईल चोरांना केले गजाआड बोईसर :- बोईसर शहरातील एकाच्या हातातुन रस्त्यावरुन जात असताना जबरदस्तीने हिसका मारून मोबाईल चोरणाऱ्या दोघांना बोईसर पोलिसांनी अटक केली आहे. गोविंद चौहाण वय वर्ष २०  हा तरुण  दिनांक ९ जानेवारी रोजी सायंकाळी सात साडे सात वाजे च्या सुमारास खैरा फाटक पुलाजवळून जात असताना मागून मोटार सायकल वरून दोन इसमांनी येत गोविंद चौहाण यांच्या हातातील वन प्लस कंपनीचा मोबाईल जबरदस्ती ने हातातून खेचत पसार झाले होते. घटनेची गंभीर दखल घेत बोईसर पोलिसांनी तपासाची सूत्रे फिरवत आरोपी दिनेश कुमार चौहाण, आणि सोनू चौधरी यांच्या मुसक्या आवळल्या आहेत.  सदर ची कारवाई बोईसर पोलीस ठाण्याचे पोलिस निरीक्षक शिरीष पवार यांच्या मार्गर्शनाखाली सहाय्यक  पोलिस निरीक्षक भगवान चौधरी आणि त्यांच्या सहकाऱ्यांनी पार पाडली असून पुढील तपास सहाय्यक पोलिस निरीक्षक भगवान चौधरी करीत आहेत.

पालघरमध्ये महानाट्य आणि महासंस्कृती महोत्सवाचे आयोजन पालघर : छत्रपती शिवाजी महाराज यांच्या ३५० व्या राज्यभिषेक वर्षानिमित्त तसेच त्यांच्या जीवनावर आधारीत त्यांचे विचार महानाट्याद्वारे जिल्ह्यातील जनतेपर्यंत पोहचविण्यासाठी महानाट्याचे आयोजन तसेच राज्यातील विविध प्रांतातील संस्कृतीचे अदान प्रदान, स्थानिक कलाकारांसाठी हक्काचे व्यासपीठ, कला व संस्कृतीचे जतन संवर्धन आणि स्वातंत्र्य लढ्यातील ज्ञात , अज्ञात क्रांतीवीरांच्या शौर्यगाथा जिल्ह्यातील नागरीकापर्यंत पोहचविण्यासाठी महासंस्कृती महोत्सव व महानाट्याचे आयोजन ७ फेब्रुवारी ते ११ फेब्रुवारी या कालावधीत करण्यात येणार असल्याचे जिल्हाधिकारी गोविंद बोडके यांनी सांगितले. जिल्हाधिकारी कार्यालयामध्ये पत्रकार परिषदेचे आयोजन करण्यात आले होते. त्यावेळी जिल्हाधिकारी बोडके बोलत होते यावेळी निवासी उपजिल्हाधिकारी सुभाष भागडे, अप्पर पोलीस अधीक्षक पंकज शिरसाट, जिल्हा परिषदेचे अतिरिक्त मुख्य कार्यकारी अधिकारी रवींद्र शिंदे उपस्थित होते  सदर कार्यक्रमाचे आयोजन सुयोग्य व नियोजनबद्ध पद्धतीने होण्यासाठी तसेच समन्वय व सनियंत्रणासाठी जिल्हाधिकारी यांच्या अध्य...

पालघर जिल्ह्यात सुरू असलेल्या मुंबई- वडोदरा राष्ट्रीय महामार्ग तसेच इतर प्रकल्पांसाठी बेकायदेशीर गौण खनिज उत्‍ख न न .. बोईसर : पालघर जिल्ह्यात सुरू असलेल्या मुंबई-वडोदरा राष्ट्रीय महामार्ग तसेच इतर प्रकल्पांसाठी जिल्ह्यातील विविध ठिकाणी मोठ्या प्रमाणावर गौण खनिज उत्खनन सुरू आहे. परवानगीपेक्षा जास्त गौण खनिज उत्खनन यंत्रणा लावून काढले जात असल्याचे निदर्शनास आले आहे. यामुळे पर्यावरणाची मोठी हानी होत आहे. यामुळे परिसरातील गावांतील ग्रामस्थही भयभीत झाले आहेत. एखाद्याा प्रकल्पातील बांधकामासाठी मुरुम,खडक, माती, वाळू आदी गौण खनिजांचा वापर होतो. केंद्र शासनाच्या महत्वकांक्षी प्रकल्प असलेल्या  मुंबई-वडोदरा या राष्ट्रीय महामार्गासह अनेक प्रकल्प सुरू आहेत. त्यासाठी मोठ्या प्रमाणावर गौण खनिज उत्खनन सुरू असून परवानगी आवश्यक असते. परंतु काही ठिकाणी ही परवानगी न घेता खनिजासाठी उत्खनन सुरू आहे. परवानगी जरी असली तरी मर्यादपेक्षा जास्तीच्या प्रमाणात खनिजे काढली जात आहेत. तर काही ठिकाणे बदलून जुन्या परवानगीवर उत्खनन सुरू आहे. पेसा कायद्याअंतर्गत येणाऱ्या महागाव ग्रामपंचायत हद्दीतील मेहता यांच्या जमिन...

सगिता कारखान्याचा रासायनिक द्रव्य वाहतूक करणारा मोटार टॅंकर बोईसर पोलिसांच्या ताब्यात ! बोईसर : दिनांक २८ जानेवारी रोजी सकाळी ६ वाजेच्या सुमारास  सगिता प्रा. लि प्लॉट न. एन 4 या कारखान्याचा एम एच ४३ वाय १८०८ या क्रमांकाचा मोटार टॅंकर बोईसर पोलिसांनी ताब्यात घेतलेला असून मोटार टॅंकरमधे रासायनिक द्रव्य भरलेला आहे. औद्योगिक क्षेत्रात सायंकाळी सहा ते सकाळी सहा या काळात कुठलाही मोटार ट्रक किंवा मोटार टॅंकरला फिरण्यास बंदी असताना देखील रात्रीचा अंधाराचा फायदा घेत घातक रासायनिक द्रव्याची विल्हेवाट निर्जनस्थळी कशी लावता येईल या संधीचा फायदा केमिकल माफिया घेत असून जिल्हाधिकाऱ्यांनी दिलेल्या आदेशाला केराची टोपली कारखानदार दाखवत आहे. तारापूर औद्योगिक क्षेत्रातील प्लॉट क्रमांक एन ०४ मेसर्स सगिता प्रा लि या कारखान्याचा रासायनिक द्रव्य भरण्यासाठी पहाटे तीन वाजता मोटार टॅंकर कारखान्याचा आत घेतलेला असून जिल्हाधिकाऱ्यांनी वारंवार आदेश देऊन देखील मुजोर कारखानदार या आदेशाला केराची टोपली दाखवत आहेत. रात्री उशिरापर्यंत घातक रासायनिक द्रव्य भरून निर्जनस्थळी मोटार टॅंकर उभा करून घातक रासायनिक द्रव्याची व...