पालघरच्या समुद्र किनारी सापडलेल्या ८० लाख रुपयांचा चरस विक्री करणारा ठाणे पोलिसांच्या जाळ्यात पालघर : सातपाटी समुद्रकिनारी सापडलेले अफगाणी चरस विकण्यासाठी पालघरमधील एक व्यक्ती चरस विक्री करण्यासाठी ठाण्यात आल्याची माहिती ठाणे पोलिसांना मिळाली असता, त्याच्यावर पाळत ठेवून त्याच्या ताब्यातील ८० लाख रुपयांचे चरस ठाणे पोलिसांच्या गुन्हे अन्वेषण विभागाने जप्त केले असुन याप्रकरणी अभय परशुराम पागधरे (४३) या आरोपीसह त्याच्या साथीदाराला अटक केली आहे. यात सहभागी असलेल्या अन्य आरोपींचा शोध सुरू आहे.   सातपाटी सागरी पोलीस ठाण्याच्या हद्दीतील सातपाटी गावातील संजय अंभिरे याला समुद्रकिनारी अफगाण प्रोडक्ट असे नाव छापलेले आठ किलो ८२ ग्रॅम वजनाचे चरस हे मादक द्रव्य मिळाले. त्याने ते पोलिसांच्या ताब्यात देण्याऐवजी पैशांच्या मोहापोटी डहाणू तालुक्यातील कासा गावातील नातेवाईक अभय परशुराम पागधरे याच्याकडे दिले. त्याने त्याची विक्री सुरू केली होती. अभय पागधरे हा ठाण्यातील घोडबंदर, माजीवडा नाका येथे चरस विक्री करण्याचा प्रयत्न करत असताना, वरिष्ठ पोलीस निरीक्षक विकास घोडके आणि सहाय्यक पोलीस निरीक्षक पल्लवी ढग...

तारापुर औद्योगिक क्षेत्रातील ग्लेनफिन केमिकल कारखान्यात एका कामगाराचा जळून मृत्यु बोईसर : तारापुर औद्योगिक क्षेत्रातील ग्लेनफिन केमिकल प्रा. लि. भूखंड क्रमांक टी - १२७ या कारखान्यात ट्रे डायर मध्ये आग लागून अनुराग पाल १८ वर्षे व विशाल सरोज २० वर्षे हे दोन्ही कामगार आगीत होरपळून भाजले होते. त्यातील विशाल सरोज या कामगाराचा मृत्यू झाला आहे. तारापूर औद्योगिक क्षेत्रातील कारखान्यात दिवसेंदिवस आगीच्या घटनामध्ये वाढ होत असुन त्यात निष्पाप कामगारांचा बळी जात आहे. परंतु ह्या घटनांकडे संबंधित विभागाचे अधिकारी दुर्लक्ष करीत असल्याने तसेच कारखान्याचे मालक , व्यवस्थापन यांच्या दुर्लक्ष व असुरक्षितेमुळे ह्या घटना घडल्याचे स्थानिक पातळीवर आरोप केले जात आहेत . असाच प्रकार तारापूर औद्योगिक क्षेत्रातील भूखंड क्रमांक टी - १२७ मेसर्स ग्लेनफिन केमिकल प्रा. लि. या कारखान्यात एका कामगाराचा आगीत होरपळून मृत्यू झाला आहे. हि घटना शुक्रवार दि.१९ जानेवारी रोजी रात्री ११ ते ११:३० च्या दरम्यान ट्रे डायर मध्ये आग लागून अनुराग पाल १८ वर्षे व विशाल सरोज २० वर्षे हे दोन्ही कामगार आगीत होरपळून भाजले होते. त्यांना तात्का...

सरकारी जमीनीवर अतिक्रमण ; नवी देलवाडी ग्रामपंचायतीचे थेट सरपंच व सदस्य अपात्र... पालघर : पालघर तालुक्यातील नवी देलवाडी ग्रामपंचायतीचे थेट सरपंच मनिषा अर्जुन गिंभल व सदस्य मंगेश अर्जुन गिंभल यांनी सरकारी जमिनीवर अतिक्रमण केल्याची तक्रार संबंधित कार्यालयाकडे करण्यात आली होती. या प्रकरणी पालघर जिल्हाधिकारी कार्यालयात वेळोवेळी घेतलेल्या सुनावणी अंती दोषी आढळल्यानंतर जिल्हाधिकारी गोविंद बोडके यांनी मनिषा गिंभल यांचा थेट सरपंचपद तर मंगेश गिंभल यांचा सदस्य पद महाराष्ट्र ग्रामपंचायत अधिनियम १९५८ चे कलम १४-ज(३) खाली अनर्ह ठरविण्यात आले आहे . सरकारी भूखंडावर अतिक्रमण असणाऱ्या उमेदवारांना निवडणूक लढविण्यास मज्जाव असताना अतिक्रमणाची माहिती लपवत उमेदवारी अर्ज दाखल करणाऱ्यांना चांगलीच चपराक बसली आहे.  दिनांक २८/०९/२०२२ रोजी ग्रामपंचायत देलवाडी येथील तक्रारदार हेमलता रूपेश मोरे यांनी पुरावे सहित तक्रार दाखल केलेली होती. सदर प्रकरणी मनिषा गिंभल व मंगेश गिंभल यांनी सादर केलेला खुलासा पाहता त्यांची आई ही गावातील निराधार, अशिक्षित विधवा स्त्री म्हणून व भूमिहीन असल्याकारणाने ग्रामपंचायत नवी देलवाडी या...

तहसीलदारांचे आदेश असताना प्रजापती व गुप्ता यांचे बांधकाम निष्कासित करण्यास मंडळ अधिकारी व तलाठ्याची टोलवाटोलवी... बोईसर : मौजे सरावली ग्रामपंचायत हद्दीतील अवधनगर येथिल सरकारी भूखंडावर अतिक्रमणांना वेग आलेला असून त्या भूखंडावरील बांधकामांत अनेक प्रकारचे अवैध धंदे सुरू आहेत. सरावली ग्रामपंचायत हद्दीतील अवधनगर हा विभाग भु माफियाचा केंद्र बनला असुन येथे मोठ्या प्रमाणात सरकारी जागेवर अतिक्रमण होत आहेत परंतु हाकेच्या अंतरावर असलेल्या मंडळ अधिकारी कार्यालय असुनही ठोस कारवाई होत नसल्यामुळे अतिक्रमण करण्याऱ्याचे मनोबल वाढता दिसून येत आहे. यात मौजे सरावली सरकारी सर्वे नंबर - १००/२६ या भूखंडावर रामयज्ञ रामप्याचे प्रजापती व ताराचंद लखपत गुप्ता यांनी इमारतीचे बांधकाम केले आहे . तर या प्रकरणी तहसीलदार रमेश शेंडगे यांनी हे सर्व बांधकामे निष्कासित करण्यासाठी मंडळ अधिकारी बोईसर व तलाठी सजा सरावली यांना माहे सप्टेंबर महिन्यात लेखी आदेश दिलेले असून ग्रामपंचायत निवडणुकीत व्यस्त असल्याचे कारण पुढे करत सदर बांधकामे निष्कासित करण्यासाठी पुरेसा वेळ उपलब्ध नसल्याचे कारण पुढे करत मंडळ अधिकारी मनिष वर्तक व तलाठी...

जनतेचा वाली साप्ताहिक वृत्तपत्राचे संपादक विजय घरत यांची जिल्हा मराठी पत्रकार परिषदेच्या अध्यक्षपदी निवड पालघर : मराठी पत्रकार परिषदेच्या पालघर जिल्हा शाखेच्या अध्यक्ष पदाच्या निवडणुकीत जनतेचा वाली साप्ताहिक वृत्तपत्राचे व  युट्युब चॅनेलचे संपादक विजय घरत यांनी विजय मिळवला यात अध्यक्ष पदासाठी दोन अर्ज दाखल झाल्याने अध्यक्ष पदासाठी मतदान घेण्यात आले. सरचिटणीस आणि खजिनदार पदासाठी प्रत्त्येकी एक अर्ज आल्याने सुमित पाटील यांची सरचिटणीस तर खजिनदार पदी रुपेश मोकाशी यांची बिनविरोध निवड घोषित करण्यात आली. रविवारी पालघरच्या शासकीय विश्रामगृहात निवडणूक पार पडली.दुपारी तीन वाजेपर्यंत उमेदवारी अर्ज स्वीकारण्यात आले,साडे तीन वाजता मतदान पार पडले तर चार वाजता मतमोजणी करण्यात आली. खेळीमेळीच्या वातावरणात पार पडलेल्या निवडणूकीत मराठी पत्रकार परिषदेच्या पालघर जिल्हा शाखेच्या 22 सदस्यांनी मतदानाचा अधिकार बाजवला. निवडणूक निर्णय अधिकारी म्हणून ज्येष्ठ पत्रकार नीरज राऊत यांनी काम पाहिले. यावेळी मावळते अध्यक्ष हर्षद पाटील,सरचिटणीस मंगेश तावडे यांनी नवनिर्वाचित पदाधिकाऱ्यांचे पुष्पगुच्छ देऊन अभिनंदन केले...

तारापुर औद्योगिक क्षेत्रातील पॉइनर बॉल कंपनीत करोडो रुपयांचे भंगार चोरी  भंगार माफिया वकील उर्फ सद्दामच्या अवैध धंद्यात स्थानिकांचा आर्थिक भांडवल ; सद्दामला अटक तर भांडवलदार कधी...? बोईसर : तारापूर औद्योगिक वसाहत परिसरात भंगार माफियांनी उच्छाद मांडला असून औद्योगिक वसाहती मधील बंद कंपन्यांमधील भंगार चोरीच्या घटनांमध्ये वाढ झाली आहे.  कौटुंबिक वादामुळे बंद पडलेल्या आणि कामगारांची देणी थकल्याने मुंबई कंपनी सममापक संस्थेच्या (प्रोव्हीजन लिक्विडेटर) ताब्यात असणाऱ्या कंपनी मधून मशीनरी आणि भंगार चोरीचा प्रकार उघडकीस आला आहे. तारापूर औद्योगिक वसाहती मधील प्लॉट क्रमांक ए-4/5 मधील पॉइनर बॉल / न्यू हॅवन स्टील बॉल कारपोरेशन प्रा. लिमिटेड कंपनीतील मशीनरी आणि भंगार साहित्य चोरण्यात आल्याचा प्रकार शुक्रवारी सायंकाळी उघडकीस आला आहे.  कंपनीत १९८८ पासून ते २०१० पर्यंत उत्पादन प्रक्रिया सुरू होती.कंपनी मालक मिलन केसरीचंद मेहता,सुनिल धिरजलाल मेहता, मितेश धिरजलाल मेहता आणि जेहान मिलन मेहता यांच्यांतील कौटुंबिक वादामुळे उत्पादन बंद पडले होते.  बँक,व्यापारी आणि कामगारांनी थकीत रक्कम मिळण्य...

बोईसर मध्ये भेसळयुक्त मावाची सर्रासपणे वि क्री बोईसर : बोईसर मध्ये आजुबाजूच्या परिसरातील हॉटेल मध्ये भेसळयुक्त मावा विकण्याच काम जोरात सुरु असुन लोकांच्या आरोग्याशी खेळण्याच काम सुरु आहे . बोईसर येथील सिडको वसाहतीमध्ये तीर्थराज मावा दुकानदार तीर्थराज यादव नामक व्यक्ती सुरत व मुंबईहून निकृष्ट दर्जाचा मावा घेऊन तो  मावा फ्रीज व बॉक्समध्ये साठवून तो बोईसर ,महालक्ष्मी ,नागझरी व इतर मिठाईच्या  दुकानांमध्ये विकत असल्याने ही मिठाई खाणाऱ्या ग्राहकांच्या आरोग्यस निश्चितच स्थानिकारक ठरू शकते. मागील काही दिवसांपूर्वी बनावट कंपनीचा मावा घेऊन जाणारा टेम्पो मुंबई महामार्गावर पकडला होता. त्या टेम्पोमध्ये असलेला मावा आणि तीर्थराज मावा दुकानदाराकडे असणारा मावा हा एकच असून हा यादव नामक व्यक्ती गेल्या अनेक वर्षांपासून हा खवा विकून जनतेच्या आरोग्याशी खेळत आहे. हा मावा खाऊन अनेक व्यक्तींच्या आरोग्यास इजा पोचली असेल ह्यात दुमत नाही.       तीर्थराज मावा दुकानदाराने भाडे तत्वावर घेतलेल्या सिडको वसाहतीच्या  खोलीमध्ये दिवस रात्र हा भेसळ युक्त धंदा करीत असून त्या धंद्याकरित...

भारतीय जनता पार्टीच्या पालघर पश्चिम मंडळ उपाध्यक्ष पदी ह र्षल पिंपळे यांची नियुक्ती हर्षल कमळाकर पिंपळे यांची भारतीय जनता पार्टी पालघर पश्चिम मंडळ उपाध्यक्ष पदी नियुक्ती करण्यात आली. आपल्या देशाचे पंतप्रधान नरेंद्र मोदी, महाराष्ट्रातील जनतेचे लाडके कार्यक्षम उपमुख्यमंत्री देवेंद्रजी फडणवीस प्रदेशाध्यक्ष चंद्रशेखर बावनकुळे तसेच पालघर विधानसभा निवडणूक प्रमुख संतोषजी जनाठे ह्यांच्या कार्याला प्रेरित होऊन आज पालघर जिल्ह्याचे सन्माननीय पालकमंत्रीं नामदार रविंद्रजी चव्हाण ह्यांच्या प्रमुख उपस्थितीत हर्षल कमळाकर पिंपळे ह्यांनी भारतीय जनता पार्टी मध्ये प्रवेश करुन त्यांची भाजपा पालघर पश्चिम मंडळ उपाध्यक्ष म्हणुन नियुक्ती करण्यात आली याप्रसंगी जिल्ह्याचे अध्यक्ष सन्माननीय भरतभाई राजपुत, जिल्हा सरचिटणीस अशोकजी वडे, पालघर जिल्हा परिषद उपाध्यक्ष पंकज जी कोरे, पालघर पश्चिम मंडळ अध्यक्ष प्रमोदजी आरेकर,  बोईसर मंडळ अध्यक्ष महेंद्र भोणे उपस्थित होते.  माझ्या संघटन कौशल्याने तालुक्यात भारतीय जनता पार्टीचे संघटन आणखी मजबुत करण्याचे मनोगत प्रसार माध्यमांसमोर हर्षल पिंपळे यांनी व्यक्त केले.

बोईसर मध्ये यूरिया खताच्या बेकायदा साठ्यावर पोलिसांची कारवाई बोईसर : बोईसर चिल्हार मार्गावरील गुंदले येथील वाघोबा खिंडीजवळ आतल्या रस्त्यावर एका गोदामावर छापा टाकून शेतीच्या वापरासाठी असलेल्या युरिया खताचा संशयित साठा बोईसर पोलिसांनी जप्त केला आहे. शेतकऱ्यांसाठी अनुदान किमतीत शासन खत उपलब्ध करून देत असताना माफियांकडून शेतकऱ्यांच्या खतावर डल्ला मारून तो खत साठा औद्योगिक उपयोगासाठी वापरात आणून बक्कळ नफा कमावणाऱ्या माफियावर बोईसर पोलीसांनी कारवाई करीत ७५ गोणी निमकोटेड युरियाचा साठा सोमवारी जप्त केला आहे. बोईसर चिल्हार मार्गावर ३१ डिसेंबरच्या रात्री गस्त सुरु असताना बोईसर पोलिसांना बघून काही तरुण पळून गेले. पोलिसानी यांच संशयावरून गुंदले येथील आडमार्गाने एका गोदामावर छापा टाकला असता त्या ठिकाणी शेतीच्या वापरासाठी असलेल्या ५० किलोच्या ७५ गोण्या (तीन टन ) निमकोटेड युरियाचे बेकायदा साठा साठवणुक केल्याचे सहायक पोलिस निरीक्षक भगवान चौधरी यांना आढळून आले. त्यानंतर बोईसर पोलिसांनी तात्काळ पालघर कृषी विभागाच्या अधिकाऱ्यांना माहिती दिल्यानंतर जिल्हा गुणनियंत्रण निरिक्षक प्रकाश राठोड व लक्ष्मण लामकान...