दाखल घरफोडी गुन्हयाची उकल करण्यात बोईसर पोलीसांना यश : 14 लाखाचा मुद्देमाल जप्त बोईसर : इंस्टाकार्ट सर्विसेस प्रा. लि. शाखा बोईसर येथे नोकरी करण्याऱ्या अमोल मच्छींद्र थोरात वय 31 वर्ष  रा. रु. नं 105, बी विंग रिद्धि सिद्धि अपार्टमेंट, खैरेपाटक, बोईसर पूर्व याने 24 जुलै 2023 रोजी पोलीसांना फिर्यादी दिली की 23 जुलै 2023 रोजी 23.45 वा ते 24 जुलै 2023 रोजी सकाळी 05.12 वाजेच्या दरम्यान अंगात रेनकोट व डोक्यात हेल्मेट घातलेल्या दोन अनोळखी इसमांनी फिर्यादी हे कार्यरत असलेल्या इंस्टाकार्ट सर्विसेस प्रा. लि. शाखा बोईसर च्या गाळा नं. 11 चे शटरचे लॉक तोडून व शटर उचकटून त्यावाटे आतमध्ये प्रवेश करून आतमधील कपाटाचे लॉक तोडून कपाटातील लॉकरमध्ये असलेली रोख रक्कम 10,51,000/- रूपये व 3,77,185/-रूपये किंमतीचे वेगवेगळ्या कंपनीचे मोबाईल फोन, इलेक्ट्रीक वस्तु व सौदर्यप्रसाधने असा एकूण 14,23,185/- रूपये किंमतीचा मुद्देमाल घरफोडी चोरी करून नेलेबाबत बोईसर पोलीस ठाणे येथे कलम 457, 380, 427, 34 प्रमाणे गुन्हा दाखल करण्यात आला होता. सदर गुन्हयाचे गांभीर्य लक्षात घेऊन बाळासाहेब पाटील, पोलीस अधीक्षक, पालघर व पंक...

पतीने पोटात चाकुने वार करुन पत्नीची केली हत्या  पालघर : जिल्ह्यातील बोईसर येथील बेटेगाव परिसरातील लोखंडी पाडा परिसरात पतीने पत्नीचा खून केल्याची घटना घडली आहे. संशयित आरोपी हा गुजरातला पळून जाण्याच्या तयारीत असताना त्याला पोलिसांनी बोईसर रेल्वे स्टेशन परिसरात अटक केली पाेलिसांकडून मिळालेल्या माहितीनूसार मिलन दीपक पवार (वय 32) आणि त्याची पत्नी मोहिनी (वय 30) या दाेघांत सातत्याने वाद हाेत असत. त्यातून भांडण हाेत असे. मिलन हा पत्नीला बेदम मारहाण करायचा. 23 जुलैला घरगुती कारणावरून या दोघांमध्ये माेठा वाद झाला. मिलन पवार याने माेहिनीला वायरने आणि लाकडी दांडक्याने मारहाण केली. त्यानंतर तिच्या पोटात चाकूने वार करून तिची हत्या करुन तेथून ताे फरार झाला. याप्रकरणी मृत महिलेची सावत्र बहिण चंदा वाघरी यांनी बोईसर पोलीस ठाण्यात मिलन याच्याविराेधात तक्रार दिली. बोईसर एमआयडीसी पोलीस ठाण्यात या प्रकरणी मिलन पवार याच्यावर पाेलिसांनी (कलम 302 अन्वये) खूनाचा गुन्हा दाखल केला. दरम्यान मिलन पवार हा गुजरात येथे पळून जाण्याच्या तयारीत असताना त्याला सापळा रचून बोईसर रेल्वे स्टेशन परिसरात पोलिसांनी अटक केली...

डहाणूच्या समुद्रात बोट बुडाली; एकाला वाचवण्यात यश तर दूसरा बेपत्ता   पालघर : पालघर जिल्ह्यातून एक भयानक घटना समोर आली आहे. समुद्रात मासेमारीसाठी गेलेल्या बोटीला दुर्घटना होऊन बोट बुडाल्याची घटना डहाणूच्या समुद्रात घडली. या बोटीतील दोन तरुणांपैकी एकाला वाचवण्यात यश आलं आहे. तर एक तरुण अद्यापही बेपत्ता असल्याची माहिती मिळाली आहे भूपेंद्र अंभिरे असं बेपत्ता तरुणाचं नाव असून त्याच्यासोबत असलेला संजय पाटील हा तरुण समुद्रकिनाऱ्यावर पोहचला आहे सध्या त्या  तरुणाचा कोस्टगार्डकडून या शोध घेतला जात आहे. मिळालेल्या माहितीनुसार, 1 जून ते 31 जुलै हा 61 दिवसांचा कालावधी मासेमारीसाठी बंदी असताना देखील डहाणूतील दोन तरुण छोटी बोट घेऊन समुद्रात मासेमारीसाठी गेले होते. समुद्रात अचानक काही अंतरावर गेल्यावर ही बोट दुर्घटनाग्रस्त झाली. या बोटीवर असलेल्या दोन तरुणांपैकी संजय पाटील हा तरुण समुद्रकिनाऱ्यावर पोहत समुद्रकिनाऱ्यावर पोहचला. तर भूपेंद्र अंभिरे हा तरुण अद्यापही बेपत्ता आहे. सध्या कोस्ट गार्डच्या हेलिकॉप्टरमार्फत त्याचा शोध घेतला जात आहे.

पालघर पोलीसांनी दरोड्याच्या तयारीत असलेल्या बारा आरोपींच्या टोळीवर केली कारवाई पालघर : दिनांक १८ जुलै २०२३ रोजी पहाटे तीन वाजून पंधरा वाजताच्या सुमारास पालघर पूर्व येथील नवली फाटका जवळील एसबीआय बँकेच्या एटीएम च्या बाजूला दरोड्याच्या तयारीत असलेल्या एकूण बारा आरोपींच्या टोळीवर पालघर पोलीस ठाणे यांच्याकडून कारवाई करण्यात आली. पोलीस अधीक्षक बाळासाहेब पाटील यांनी पालघर जिल्ह्यातील कायदा व सुव्यवस्था अबाधित राखण्यासाठी तसेच गुन्हेगारीचे प्रमाण कमी करण्याकरिता जिल्ह्यामध्ये सर्व पोलीस ठाणे हद्दीत प्रभावीपणे गस्त घालण्याबाबत सूचना दिलेल्या आहेत. त्या अनुषंगाने पालघर पोलीस ठाण्याचे प्रभारी पोलीस निरीक्षक दत्तात्रय किंद्रे यांनी रात्रौगस्तीकरीता  पोलीस अधिकारी व अंमलदार यांना नेमले होते. दिनांक १७ जुलै २०२३ रोजी रात्री नऊ वाजता ते दिनांक १८  जुलै २०२३ रोजी सायंकाळी पाच वाजेपर्यंत पोलीस उपनिरीक्षक संकेत पगडे यांना रात्रौगस्त अधिकारी म्हणून नेमले होते. तसेच पो. हवालदार रवींद्र गोरे, आर एम पवार, पो. नाईक लहांगे यांना पालघर शहर पेट्रोलिंग व गुड मॉर्निंग स्कॉड कर्तव्याकरीता नेमण्यात आले हो...

बोईसर शहरातील ठाकुर गैलेक्सी येथील सोनसाखळी चोरी करणाऱ्या सराईत आरोपीला अटक, १३ गुन्हयांची उकल पालघर : सफाळा पोलीस ठाणे हद्दीतुन वाहन चोरी करुन बोईसर येथील यशवंत सृष्टी मधील ठाकुर गैलेक्सी येथे सोन्याची चैन जबरीने चोरी करणाऱ्या सराईत आरोपीला सफाळे पोलीसांन कडून अटक करण्यात आली असुन आरोपीकडून १३ गुन्ह्यांची उकल करून मुद्देमाल हस्तगत करण्यात आला आहे.   दिनांक १५ जुलै २०२३ रोजी  मौजे पारगाव गावदेवी मंदिराचे समोर असलेले ओम साई ऑटो सर्व्हिस सेंटर समोरून स्कूटी क्रमांक एम.एच. ४८ सीजी ९३८७ एक अज्ञात इसम चोरी करून पळून गेल्या बाबत सफाळा पोलीस ठाणे येथे गुन्हा र. नं. ६५/२०२३ भा.द.वि.सं कलम ३७९ अन्वये गुन्हा दाखल करण्यात आला होता . चोरी केलेल्या स्कूटर वर त्याच दिवशी रात्री  ८ वाजून २० मिनिटाला बोईसर शहरातील यशवंत सृष्टी मधील एका पादचारी महिलेच्या गळ्यातील सोन्याची साखळी आरोपीने जबरीने खेचत पळ काढला. ही सर्व घटना सीसीटीव्हीत कैद झाली. सदर घटनेचे गांभीर्य लक्षात घेऊन बाळासाहेब पाटील, पोलीस अधिक्षक पालघर यांचे आदेशान्वये श्रीमती निता पाडवी, उप विभागीय पोलीस अधिकारी पालघर विभाग यां...

परदेशी नागरीकांची अनधिकृत कॉल सेंटर द्वारे फसवणुक करणारी टोळी पालघर पोलीसांनी केली जेलबंद पालघर : दिनांक 13/07/2023 रोजी वाडा पोलीस ठाणे हद्दीतील मेगाविला या रहिवाशी प्रकल्पातील एका इमारतीमध्ये अनधिकृत बोगस कॉल सेंटर चालवीले जात असलेबाबत बाळासाहेब पाटील, पोलीस अधीक्षक, पालघर यांना गोपनीय माहिती प्राप्त झाली. सदर माहितीच्या आधारे शैलेश काळे, उपविभागीय पोलीस अधिकारी, जव्हार विभाग व सुरेश कदम, पोलीस निरीक्षक, वाडा पोलीस ठाणे यांना पोलीस पथक तयार करुन नमूद ठिकाणी छापा टाकून कारवाई करण्याबाबत योग्य त्या सूचना दिल्या. माहितीच्या आधारे शैलेश काळे, उपविभागीय पोलीस अधिकारी, जव्हार विभाग यांच्या मार्गदर्शनाखाली  सुरेश कदम, पोलीस निरीक्षक, वाडा पोलीस ठाणे यांनी पोलीस पथक तयार करुन  दिनांक 14/07/2023 रोजी रात्री 12.00 वा सदर इमारतीमध्ये छापा टाकला असता एकूण 6 फ्लैटमध्ये एकूण 23 आरोपी त्यांचे इतर साथीदार हे अनधिकृत कॉल सेंटर चालवीत असताना आढळून आले. याबाबत चौकशी केली असता सदर आरोपी हे आपसात संगणमत करुन लैपटॉप व मोबाईलद्वारे इंटरनेटचा वापर करुन X-lite, eyebeam, x-ten या एप्सचा वापर करुन क...

राज्य उत्पादन शुल्क विभागाची मोठी कारवाई : बनावट दारूसह ४२ लाखांचा मुद्देमाल जप्त ! पालघर : दिनांक १३ जुलै रोजी मुंबई अहमदाबाद महामार्गावर सकवार ता वसई, जिल्हा -पालघर येथे खात्रीलायक बातमी नुसार महाराष्ट्र राज्य उत्पादन शुल्क विभागाचे आयुक्त डॉ विजय सुर्यवंशी, सह आयुक्त सुनिल चव्हाण, प्रसाद सुर्वे (अ.व.द), अधीक्षक सुधाकर कदम, उप अधीक्षक बी एन भुतकर, यांच्या मार्गदर्शनाखाली पोलिस निरीक्षक राज्य उत्पादन शुल्क विभाग पालघर यांच्या पथकाने सापळा रचत वाहान क्रमांक DN 09 Q 9597 आयशर कंपनीचा टेम्पोची तपासणी केली असता सदर वाहनांमध्ये महाराष्ट्र राज्यात प्रतिबंधीत असलेला म्हणजेच दादरा नगर हवेली केंद्र शासित प्रदेश येथील विविध प्रकारच्या नामांकित कंपनीच्या ७५० मी ली च्या ७४ बॉक्स, १८० मी ली च्या २४० बॉक्स व बियरचे ५५ बॉक्स असे एकूण किंमत २४,७८,८४० रूपये इतकी असून टेंम्पोची किंमत १८,००,००० रूपये आहे. असा एकूण वाहनासह ४२,७८,८४० कीमतीचा मुद्देमाल जप्त केला आहे. या कारवाईत महाराष्ट्र दारूबंदी कायदा १९४९ चे कलम ६५ (अ) (ई), ८१,८३ व १०८ नुसार एकूण तीन आरोपींना अटक करण्यात आली आहे. सदरची कारवाई आयुक्त, सह...

पुणे शहर येथुन वाहन चोरी करुन पळून जाण्याऱ्या दोन आरोपीस पालघर पोलीसांनी केले जेरबंद  पालघर : दिनांक 13/07/2023 रोजी सायकांळी विजय मुतडक, पोलीस निरीक्षक, तलासरी पोलीस ठाणे यांना व्हाट्सऍपद्वारे विमाननगर पोलीस ठाणे, पुणे शहर पोलीसांकडून माहिती मिळाली की, विमाननगर पोलीस ठाणे गुन्हा रजि. नं 309/2023 मधील चोरीस गेलेली मोटार महिंद्रा थार कार अंदाजे किंमत 20,00,000/- रूपये ही तलासरी पोलीस ठाणे दिशेने येत आहे. त्यावरुन विजय मुतडक, पोलीस निरीक्षक, तलासरी पोलीस ठाणे यांनी बाळासाहेब पाटील, पोलीस निरीक्षक, पालघर यांना माहिती दिली व त्याच्या आदेशाप्रमाणे तात्काळ पथक स्थापन करुन तलासरी पोलीस ठाणे अंतर्गत आर.टी.ओ नाका दापचरी, तलासरी नाका, आच्छाड बॉर्डर चेक पोस्ट, उधवा बॉर्डर दूरक्षेत्र, नारायणठाणे कोस्टल चेक पोस्ट येथे वेगवेगळ्या ठिकाणी नाका बंदीचे आयोजन केले. त्यांनतर दिनांक 14/07/2023 रोजी सकाळी 8.30 वा. च्या सुमारास गुन्हयाचे फिर्यादी वैजनाथ खरमाटे, रा. पुणे यांचे कडून माहिती प्राप्त झाली की, सदर गुन्हयातील थार कार ही मुंबई कडून गुजरातच्या दिशेने जात असल्याची माहिती प्राप्त झाल्याने नाकाबंदीक...

* हिंदु जनजागृती समितीच्या वतीने वसई आणि डहाणू येथे गुरुपौर्णिमा महोत्सवांचे आयोजन !* ‘हिंदुराष्ट्र स्थापनेच्या कार्यामध्ये ’गुरुपौर्णिमेच्या माध्यमातून सहभागी होऊन गुरुकृपा संपादन करा ! – हिंदु जनजागृती समितीचे आवाहन  पालघर :  गुरुपौर्णिमा हा गौरवशाली गुरुपरंपरेचे कृतज्ञतापूर्वक स्मरण करण्याचा दिवस असतो यात महान हिंदु संस्कृतीची जोपासना आणि संवर्धन करण्याचे सर्वोच्च कार्य गुरु-शिष्य परंपरेमुळे साध्य झाले. या महान गुरु-शिष्य परंपरेचे स्मरण करण्यासाठी आणि समाजामध्ये हिंदुराष्ट्र स्थापनेच्या कार्यासाठी प्रेरणा निर्माण करण्याकरिता हिंदु जनजागृती समितीच्या वतीने यावर्षी *3 जुलै* या दिवशी देशभरात ठिकठिकाणी गुरुपौर्णिमा महोत्सवाचे आयोजन करण्यात आले आहे. यात पालघर जिल्ह्यात हिंदु जनजागृती समितीच्या वतीने वसई आणि डहाणू येथे गुरुपौर्णिमा महोत्सवांचे आयोजन करण्यात आले आहे. श्रीकृष्ण-अर्जुन, समर्थ-शिवराय, आर्यचाणक्य-चंद्रगुप्त, रामकृष्ण परमहंस-स्वामी विवेकानंद यांनी केलेल्या कार्यामुळे धर्मसंस्थापनेचे कार्य होऊन राष्ट्र उद्धाराचेही कार्य झाले. राष्ट्र आणि धर्म संकटात असतांना सुव्यवस्था न...