पालघर जिल्ह्यात कुपोषणाचा प्रश्न कायम; हजारो बालकांचे आरोग्य धोक्यात पालघर : ठाणे जिल्ह्याचे विभाजन होऊन पालघर जिल्ह्याची स्थापना होऊन दहा वर्षे पूर्ण झाली असली, तरी अजूनही जिल्ह्यातील कुपोषणाची समस्या गंभीरच आहे. विशेषतः विक्रमगड, जव्हार, मोखाडा, वाडा, डहाणू, पालघर आणि वसई या तालुक्यांमध्ये कुपोषणाची स्थिती चिंताजनक असल्याचे महिला व बाल विकास विभागाच्या फेब्रुवारी २०२५ च्या अहवालात नमूद करण्यात आले आहे. अहवालानुसार, जिल्ह्यात ३३ अती तीव्र कुपोषित (SAM) आणि ७१२ तीव्र कुपोषित (MAM) बालकांची नोंद झाली आहे. जव्हार (३३४), विक्रमगड (१३४) आणि मोखाडा (७६) या तालुक्यांमध्ये कुपोषित बालकांचे प्रमाण सर्वाधिक आहे. आदिवासी भागांतील बालकांचे आरोग्य धोक्यात पालघर जिल्ह्यातील जव्हार, मोखाडा, वाडा, विक्रमगड, डहाणू आणि तलासरी हे आदिवासीबहुल तालुके आहेत. येथील बहुतांश कुटुंबे शेती, मजुरी आणि जंगल संसाधनांवर अवलंबून आहेत. मात्र, रोजगाराच्या संधी कमी, आर्थिक दुर्बलता, अपुऱ्या आरोग्य सेवा आणि शिक्षणाचा अभाव यामुळे बालकांना योग्य पोषण मिळत नाही. परिणामी, जिल्ह्यात दरवर्षी मोठ्या प्रमाणावर कुपोषणाची...

पालघरमध्ये भीषण अपघात: अज्ञात वाहनाच्या धडकेत दुचाकीस्वार ठार पालघर : पालघर जिल्ह्यातील मुंबई-अहमदाबाद महामार्गावर सातिवली येथे अज्ञात वाहनाच्या धडकेत एका दुचाकीस्वाराचा मृत्यू झाल्याची दुर्दैवी घटना घडली आहे. हा अपघात २८ मार्च २०२५ रोजी संध्याकाळी ६:४५ वाजता घडला, तर पोलिसांनी २९ मार्चच्या पहाटे ३:४६ वाजता गुन्हा नोंदवला. फिर्यादी संदीप पांडुरंग जाधव (वय ४४, रा. वसई, पालघर) यांनी दिलेल्या तक्रारीनुसार, त्यांचे साडू महेंद्र गोविंद भुवड (वय ५२, रा. भुईगाव, वसई) हे त्यांची होंडा अव्हिएटर दुचाकी (MH-04-DQ-5147) घेऊन मनोर बाजूकडून मुंबईच्या दिशेने निघाले असताना सातिवली येथे श्री.जी. टाईल्स कंपनीसमोर एका अज्ञात वाहनाने त्यांना पाठीमागून जोरदार धडक दिली. या अपघातात त्यांच्या डोक्याला आणि शरीराच्या इतर भागांना गंभीर दुखापत झाली आणि त्यात त्यांचा मृत्यू झाला. धडक देणारे वाहन आणि चालक फरार असून, त्यांचा शोध घेण्याचे काम सुरु आहे. या प्रकरणी मनोर पोलीस ठाण्यात अज्ञात चालकाविरुद्ध भारतीय दंड संहितेच्या कलम 106(1), 281, 125(अ)(च) आणि मोटार वाहन कायद्याच्या कलम 184, 135(अ)(ब) अंतर्गत गुन्...

बोईसर-चिल्हार रस्त्यावर अतिक्रमणाचा विळखा; वाहतुकीला अडथळा, अपघातांत वाढ बोईसर – बोईसर-चिल्हार रस्त्यावर दिवसेंदिवस वाढणारी अतिक्रमणे गंभीर समस्या बनली असून, यामुळे वाहतुकीस मोठा अडथळा निर्माण होत आहे. विशेषतः रस्त्याच्या कडेला उभारण्यात आलेली अनधिकृत पंचरची दुकाने आणि वेल्डिंग गॅरेज यामुळे रस्त्यांवरील वाहने चुकीच्या पद्धतीने उभी केली जात आहेत, परिणामी अपघातांचे प्रमाण वाढले आहे. फुलाचा पाडा येथे गंभीर अपघात   बुधवारी संध्याकाळी लालोंडे ग्रामपंचायत हद्दीतील फुलाचा पाडा येथे एका अनधिकृत गॅरेजमुळे मोठा अपघात घडला. लाईफलाइन रुग्णालयात कार्यरत असलेले वैद्यकीय अधिकारी आपल्या चारचाकी वाहनाने जात असताना, पंचर काढण्यासाठी भर रस्त्यात उभ्या असलेल्या वाहनामुळे महामार्गावर मुरूम टाकणाऱ्या नाशिकच्या बारा चाकी हायवा ट्रकला अंदाज न लागल्याने त्यांच्या वाहनाला जोरदार धडक बसली. या अपघातात अधिकारी गंभीर जखमी झाले, तर त्यांच्या वाहनाचे मोठे नुकसान झाले. अवैध गॅरेज चालकांची बेफिकिरी  स्थानिकांच्या मते, रस्त्यालगत सुरू असलेल्या पंचरच्या गॅरेजमुळे एक संपूर्ण लेन अडवली गेल्याने हा अपघात घडला. अपघ...

वनहक्क दाव्यातील जमीन परप्रांतीयांच्या घशात ; प्रशासनाचे दुर्लक्ष? बोईसर: गणेश नगर येथे वनविभागाच्या जमिनीवर मोठ्या प्रमाणात बेकायदेशीर खोल्या व गाळे बांधण्याचे काम सुरू असून, या बांधकामांसाठी रॉयल्टी नसलेले साहित्य पुरवठा होत असल्याचा गंभीर आरोप करण्यात आला आहे. स्थानिक बांधकाम व्यावसायिक गुप्ता यांनी बाळूशेठ नावाच्या व्यक्तीवर हा साहित्य पुरवठ्याचा आरोप केला आहे. वनविभागाने आदिवासी खातेदारांना वाटप केलेली जमीन कवडीमोल भावाने परप्रांतीयांना विक्री केली जात असल्याचे समोर आले आहे. प्रभात सिंह, पांडे, गुप्ता, शर्मा आणि तिवारी या व्यक्तींनी मिळून मोठ्या प्रमाणावर अनधिकृत बांधकामे उभी केली आहेत. स्थानिक ग्रामपंचायतीने काही प्रमाणात तोडक कारवाई केली असली, तरी बाळूशेठच्या संरक्षणामुळे हे बांधकाम पुन्हा सुरू झाल्याचे सांगितले जात आहे. विशेष म्हणजे, गणपत गडक यांच्या वनहक्क दाव्यातून मिळालेली जमीन बाळूशेठ यांनी नालासोपाऱ्यातील परप्रांतीयांना विकली असल्याची चर्चा आहे. त्यामुळे वनहक्काच्या जमिनीची परप्रांतीयांकडे सर्रास विक्री होत आहे का? असा प्रश्न उपस्थित होत आहे. या बेकायदेशीर व्यवहारांची सखो...

पाम गावात जलजीवन मिशनच्या कामात सुरक्षेचा अभाव बोईसर : पाम गावात जलजीवन मिशन अंतर्गत सुरू असलेल्या पाणीपुरवठा योजनेच्या कामात सुरक्षेच्या नियमांचे सर्रास उल्लंघन होत असल्याचे समोर आले आहे. मजुरांना कोणतीही सुरक्षा साधने न पुरवता त्यांच्याकडून धोकादायक परिस्थितीत काम करवून घेतले जात आहे. त्यामुळे कामगारांचे जीव धोक्यात असून, अपघात होण्याची शक्यता मोठ्या प्रमाणात वाढली आहे. वाळू माफियांना प्रशासनाचा अभय? याशिवाय, या कामासाठी वापरण्यात येणाऱ्या वाळूचा उपसा नियमबाह्य पद्धतीने होत असून, त्यावर कोणतीही अधिकृत परवानगी नाही. प्रतिबंध असतानाही ही वाळू खुलेआम उपसली जात असून, त्याची सर्रास विक्री होत असल्याचेही दिसून आले आहे. त्यामुळे हा संपूर्ण प्रकार प्रशासनाच्या दुर्लक्षामुळे घडतो आहे का? असा प्रश्न ग्रामस्थ विचारत आहेत. सदर प्रकारामुळे पाम गावातील नागरिकांमध्ये तीव्र संताप व्यक्त करण्यात येत आहे. ग्रामस्थांनी प्रशासनाकडे तातडीने या प्रकरणाची चौकशी करून जबाबदार ठेकेदार आणि अधिकाऱ्यांवर कठोर कारवाई करण्याची मागणी केली आहे. 

आदिवासी विकास महामंडळाकडून धान उत्पादक शेतकऱ्यांना 46 कोटींचे भुगतान पालघर : महाराष्ट्र राज्य सहकारी आदिवासी विकास महामंडळ, प्रादेशिक कार्यालय जव्हार अंतर्गत आधारभूत किंमत खरेदी योजना ठाणे आणि पालघर जिल्ह्यात राबवली जात आहे. या योजनेअंतर्गत मंजूर ९ खरेदी केंद्रांवर शेतकऱ्यांची ऑनलाईन नोंदणी पूर्ण झाली असून, आतापर्यंत नोंदणीकृत शेतकऱ्यांकडून ९५,९४३.३० क्विंटल धानाची खरेदी करण्यात आली आहे. महामंडळाने ६९४ शेतकऱ्यांना आतापर्यंत ३.९४ कोटी रुपयांचे भुगतान केले असून, उर्वरित शेतकऱ्यांचे धान चुकारे अदा करण्याची प्रक्रिया वेगाने सुरू आहे. महामंडळाच्या जलद कारवाईमुळे शेतकऱ्यांमध्ये समाधानाचे वातावरण आहे. शेतकऱ्यांनी त्वरित त्रुटी दूर करण्याचे आवाहन नोंदणीकृत शेतकऱ्यांच्या कागदपत्रांची पडताळणी करताना काही त्रुटी आढळून आल्या आहेत, जसे की – ▪️7/12 उतारावर खरीप हंगाम 2024-25 चा पीक पेरा नसणे ▪️बँक खात्याचा क्रमांक व एनईएमएल पोर्टलवरील खात्यात तफावत असणे ▪️नोंदणीच्या वेळी व लॉट एन्ट्री करतानाचा शेतकरी फोटो जुळत नसणे ▪️केवायसी फॉर्म बँकेकडून पडताळलेले नसणे महामंडळाने शेतकऱ्यांना आवाहन केले आहे की, ...

प्लास्टिक मुक्त, दुर्गंधीमुक्त पालघर जिल्हा" मोहिमेचा शुभारंभ – पालकमंत्री गणेश नाईक यांच्या हस्ते  "अधिकारी आणि कर्मचारी यांनी जनतेची कामे तात्काळ मार्गी लावावीत" – पालकमंत्री गणेश नाईक पालघर – "जनतेच्या सेवेसाठी अधिकारी आणि कर्मचारी यांनी तत्पर राहावे आणि नागरिकांची कामे तात्काळ मार्गी लावावीत," असे स्पष्ट निर्देश राज्याचे वनमंत्री व पालघर जिल्ह्याचे पालकमंत्री गणेश नाईक यांनी दिले. जिल्हाधिकारी कार्यालयाच्या प्रांगणात समाधान शिबिर आणि समिती सभागृहात जनता दरबाराचे आयोजन करण्यात आले होते. यावेळी आमदार राजन नाईक, आमदार राजेंद्र गावित, आमदार विनोद निकोले, माजी जि. प. अध्यक्ष प्रकाश निकम, जिल्हाधिकारी गोविंद बोडके, जिल्हा परिषदेचे मुख्य कार्यकारी अधिकारी मनोज रानडे, पोलीस अधीक्षक बाळासाहेब पाटील यांसह अन्य वरिष्ठ अधिकारी उपस्थित होते. ◾पालघरला प्लास्टिक मुक्त आणि दुर्गंधी मुक्त करण्याचा संकल्प पालघर जिल्ह्यात "प्लास्टिक मुक्त आणि दुर्गंधी मुक्त मोहिम" प्रभावीपणे राबवण्यासाठी नागरिकांनी आपला परिसर स्वच्छ ठेवावा, असे आवाहन पालकमंत्री गणेश नाईक यांनी ...

पालघर बालकल्याण समितीचे आवाहन: बालकांच्या पालकांचा शोध सुरू, त्वरित संपर्क साधा पालघर : जिल्ह्यातील विविध बालकल्याण संस्थांमध्ये दाखल असलेल्या काही बालकांच्या पालकांचा अद्यापही शोध लागलेला नाही. त्यामुळे संबंधित बालकांचे आई-वडील, पालक किंवा नातेवाईकांनी त्वरित संपर्क साधावा, असे आवाहन बालकल्याण समिती, पालघर यांनी केले आहे. १. कु. पायल विनोद सिकंदर (वय १३ वर्षे) लक्षणे: सावळा रंग, गोलसर चेहरा, उंची 150 सेमी, कपाळावर जखमेचा व्रण दाखल तारीख: २४ मे २०२१ संस्था: रेस्क्यू फाउंडेशन, बोईसर संपर्क: सौ. शारदा खुलात (अधीक्षक) – मो. 9960945567 श्री. विनोद राठोड (जिल्हा बाल संरक्षण अधिकारी) – मो. 9890853282 २. कु. अर्जुन बबलु पाटील (वय ८ वर्षे) लक्षणे: काळसर सावळा रंग, गोलसर चेहरा, उंची 118 सेमी, कपाळावर जखमेचा व्रण दाखल तारीख: ८ जुलै २०२१ संस्था: करुणा वेल्फेअर, वसई संपर्क: रुबी जोसेफ (अधीक्षक) – मो. 8169334613 श्री. विनोद राठोड (जिल्हा बाल संरक्षण अधिकारी) – मो. 9890853282 ३. कु. इरफान समशेर खान (वय ८ वर्षे ७ महिने) लक्षणे: काळसर सावळा रंग, लांबट चेहरा, उंची 135 सेमी, डाव्या खांद्यावर...