दिव्यराजला शासकीय जागेचा सहारा... दिव्यराजच्या विकासात ग्रामपंचायत व महसूल विभागाचा वाटा - अशोक वडे पालघर : पालघर तालुक्यातील पाम ग्रामपंचायत कार्यक्षेत्रातील शासकीय भूखंडावर तर एका खाजगी भूखंडावरील इमारतीकडे जाण्यासाठी शासकीय जागेचा वापर केल्यामुळे अनेक गुंतवणूकदारांची फसवणूक तर केली जात नाही ना असा खळबळजनक खुलासा ग्रामस्थांकडून केला जात आहे.  मौजे पाम ग्रामपंचायत हद्दीतील स नं १६० हा शासकीय गायरान भूखंड असून ग्रामपंचायत व महसूल विभागाकडून दुर्लक्ष केला जात असल्यामुळे चक्क न्यायालयाचा आधार घेऊन काही बांधकामे निष्कासित करण्यात आले होते तर पुन्हा एकदा याच भूखंडावर अनेक खाजगी इमारतींचे बांधकाम आजही सुरू असून अनेक नागरिक बेधडकपणे या ठिकाणी गुंतवणूक करत आहेत. तसाच एक प्रकार पाम ग्रामपंचायत हद्दीतील एका खासगी भूखंडावर सुरू असलेल्या रहिवास व वाणिज्य वापरातील इमारतीकडे जाणाऱ्या रस्ता बाबत घडलेला असून चक्क शासकीय भूखंडाचा वापर खाजगी जमिनीवर असलेल्या इमारतीकरता  केल्या असल्याची तक्रार दाखल करत माजी सरपंच अशोक वडे यांनी ग्रामपंचायत तसेच महसुल विभागावर  भ्रष्टाचाराचे गंभीर आरोप केले...

पालघर जिल्हा वंजारी समाज हितवर्धक मंडळातर्फे गुणवंत्ताचा सत्कार पालघर : पालघर जिल्हा वंजारी समाज हितवर्धक मंडळाच्या विद्यमाने सन २०२२-२३ व २०२३-२४ या शैक्षणिक वर्षातील समाजातील गुणवंत विद्यार्थी तसेच विशेष प्राविण्य प्राप्त गुणीजनांचा गुणगौरव व सत्कार बुधवार दि. २८ डिसेंबर रोजी बोईसर येथील स्व. किशोर गंगाधर संखे व स्व. मोरेश्वर वामन पाटील खुले सभागृह, अमेय पार्क, नवापुर रोड, बोईसर येथे कार्यक्रमाचे आयोजन करण्यात आले होते. सदर कार्यक्रमाची सुरुवात पाम कुंभवली विभाग हायस्कूलच्या शिस्तबद्ध बँड व संचलन पथकाने केले पाम कुंभवली विभाग हायस्कूलच्या विद्यार्थिनींनी मान्यवरासमोर सुंदर व सुमधुर आवाजात ईशस्तवन व स्वागत गीत सादर करण्यात आले. त्यानंतर आलेल्या कार्यक्रमाच्या अध्यक्षा सौ  मेघा रोशन पाटील, प्रमुख पाहूणे सुधाकर भा. संखे, व विशेष अतिथी  क्षितिज उदय संखे यांनी घेतलेले शिक्षण व त्यांनी वेगवेगळ्या क्षेत्रात केलेल्या उत्तम कामगिरी माहिती सांगून कौतुक करण्यात आले. त्यानंतर समाजातील गुणवंत विद्यार्थी तसेच विशेष प्राविण्य प्राप्त गुणीजनांचा गुणगौरव व सत्कार कार्यक्रमाला सुरावात करण्यात...

विराज कंपनीच्या 'धूरखान्यामुळे ' नागरिक त्रस्त  पालघर : बोईसर येथील तारापूर औद्योगिक क्षेत्रात वायु प्रदुषण, कारखान्यात अपघात होऊन कामगारांना गमवावा लागणारा जीव तर कधी अवयव, कारखान्याचा भंगार वाहतूक करताना ट्रक मधून रस्त्यांवर पडणारा टोकदार लोखंडी धातू , ना दुरूस्त अवजड वाहनांमुळे होणारे अपघात, रस्त्यावर दुतर्फा बेशिस्त वाहन पार्किंग मुळे वाहतूक कोंडी समस्या अशा अनेक कारणांमुळे तारापूर औद्योगिक क्षेत्रातील नेहमीच चर्चेत असलेला विराज कारखानावर प्रशासन खूपच मेहरबान दिसतोय. यामध्ये सर्वांत महत्वाचा मुद्दा म्हणजे प्रदुषण  याबाबत अनेक तक्रारी करुनही ग्रामस्थांचा विरोध असूनही विराज कंपनीच्या मनमानी कारभाराला महाराष्ट्र प्रदुषण नियंत्रण मंडळही सहकार्य करीत असल्याचे स्थानिकांचे म्हणणे आहे. तारापूर औद्योगिक क्षेत्रातील विराज कारखान्याचा वायू प्रदुषणाचा फटका आजूबाजूच्या परिसरातील रहिवासी लोकांना सर्वाधिक प्रमाणात बसतो. रस्त्यांवर येणाऱ्या जाणाऱ्या लोकांना प्रवास करताना त्याचा त्रास सहन करावा लागतो . कारखान्यातील प्रदुषित धुरामुळे परिसरातील नागरिकांना श्र्वसना सारख्या गंभीर  आजाराना...

नंडोरे देवखोप ग्रुप ग्रामपंचायत मध्ये २४ डिसेंबर रोजी पेसा दिन साजरा... पालघर : नंडोरे देवखोप ग्रुप ग्रामपंचायत मध्ये दिनांक २४ डिसेंबर रोजी पेसा दिन साजरा करण्यात आला. मुख्य कार्यकारी अधिकारी रवींद्र शिंदे, ग्रामपंचायत विभागाचे उपमुख्य कार्यकारी अधिकारी चंद्रशेखर जगताप, गटविकास अधिकारी नरेंद्र रेवंडकर, सरपंच सोनल घोडके, पेसा अध्यक्ष सुरेंद्र सांबरे, अशोक जाधव, पंचायत समिती सदस्य सीमा पाटील यांच्या प्रमुख उपस्थितीत हा कार्यक्रम संपन्न झाला.  केंद्र शासनाच्या पंचायत राज मंत्रालयाने २४ डिसेंबर हा दिवस पेसा दिन म्हणून साजरा करण्याच्या सूचना देण्यात आल्या होत्या त्या अनुषंगाने जिल्ह्यातील पेसा ग्रामपंचायत मध्ये विविध उपक्रमांचे आयोजन करून पेसा दिन साजरा करण्याचे निर्देश मुख्य कार्यकारी अधिकारी यांच्या मार्फत देण्यात आले होते. त्या अनुषंगाने जिल्ह्यात पेसा ग्रामपंचायतीमध्ये पेसा दिन साजरा करण्यात आला. आदिवासींना त्यांच्या हक्काची जाणीव करून देणे आणि त्यांच्या हक्काचे रूपांतर अधिकारांमधे करणे यासाठी पेसा कायदा हा अस्तित्वात आला आहे. आपल्या गावांचा विकास करण्यासाठी किंवा इतर कामांचं नियमन...

डहाणूत पत्रकरास मारहाण करून जातीवाचक शिवीगाळ केल्याने सदस्य व ग्रामस्थांवर गुन्हा दाखल डहाणू : पालघर जिल्ह्यांतील डहाणू तालुक्यातील आशागड ग्रामपंचायतीत पत्रकाराला मारहाण करून जातीयवादी शिवीगाळ केल्याप्रकरणी डहाणू पोलीस ठाण्यात अनुसूचित जाती जमाती अत्याचार प्रतिबंध व नागरि हक्क संरक्षण कायद्यानुसार दोन सदस्य व एका ग्रामस्थावर गुन्हा दाखल करण्यात आला आहे.  वैभव संदिप रणदिवे अशा या पत्रकाराचे नाव असून दैनिक झुंझार केसरी या वृत्तपत्रातून वृत्तांकन करण्याचे काम करत असताना दिनांक २० डिसेंबर रोजी आशागड ग्रामपंचायतीत ग्रामसभा सुरू असताना सदर ग्रामपंचायतीचा ग्रामस्थ म्हणून उपस्थित वैभव यांनी सदर ग्रामसभेत ग्रामसेविका अश्विनी तांडेल यांच्याकडून कामाचा तपशील मांडत असताना मोबाईल कॅमेऱ्यात चित्रिकरण करणाऱ्या पत्रकार वैभव रणदिवे यास सदस्य कन्हैया उत्तम पवार, सदस्य दिपक मोहिते व ग्रामस्थ ललित उत्तम पवार यांनी वैभव यास पकडून धक्काबुक्की करत चित्रिकरण का करतोस तसेच तू या गावात रहात नाही तूजे इकडे काय काम अर्वाच्य भाषेत शिवीगाळ करत जातियवादी शिवीगाळ देऊन मारहाण केल्याची घटना घडलेली असून कन्हैया...

तलाठ्यावर गौण खनिज माफियांचा जीवघेणा हल्ला पालघर : अवैध गौण खनिज वाहतूक करणाऱ्या वाहनावर कारवाईसाठी गेलेल्या तलाठ्यावर जीवघेणा हल्ला झाल्याची घटना पालघर तालुक्यात घडली आहे.  पालघर तालुक्यातील बोईसर मंडळ अधिकारी कार्यक्षेत्रातील मौजे गुंदले येथे अवैध्य रित्या गौण खनिजे तस्करी करणाऱ्या माफियांवर बडगा उचलणाऱ्या महसूल अधिकाऱ्यांवर गौण खनिज तस्करांनी हल्ला केल्याचा प्रकार उघडकीस आला आहे. अवैधरित्या गौण खनिज उत्खनन करून बेकायदेशीर वाहतूक करत असल्याची वारंवार तक्रार मिळालेल्या तलाठी हितेश राऊत व मंडळ अधिकारी विजय गुंडकर यांनी गौण खनिज अवैध वाहतूक करणारे तीन ट्रक जप्त केले होते ट्रक जप्त केल्याचा राग मनात धिरज सुधीर भंडारी वय ३५ वर्ष राहणार दहिसर पाचमार्ग यांनी या महसूल अधिकाऱ्यांवर हल्ला चढवत तलाठी हितेश राऊत यांची कॉलर पकडून धक्काबुक्की करत जीवघेणा हल्ला केल्याचा व्हिडिओ प्रसारमाध्यमांद्वारे प्रसारित झाला होता. सदर घटनेनंतर या अवैध खदाण चालविणाऱ्या व गौण खनिज वाहतूक करणाऱ्या तस्करांवर कारवाई  करण्यासाठी महसूल अधिकाऱ्यात भीतीचे वातावरण पसरलेले असून सरकारी वनविभागाच्या भूखंडावरील गौण ...

  व्हॉइस रेकॉर्डिंग बनवून विद्यार्थ्यांने केली आत्महत्या  बोईसर : बोईसर परिसरातील दहावीत शिकणाऱ्या एका शाळकरी विद्यार्थ्याने राहत्या घरात गळफास घेत आत्महत्या केल्याची धक्कादायक घटना घडली आहे. त्यानं आत्महत्या करण्यापूर्वी केलेल्या व्हॉइस रेकॉर्डिंगमधून सर्वानाच धक्का बसलाय. बोईसर पश्चिमेस खैरेपाडा परिसरात एक नामांकित टीन्स वर्ल्ड कॉर्पोरेट शाळा आहे. या शाळेत नितीन मुखिया (वय १७) शिकत होता. आई-वडील दोघेही मजुरीसाठी घराबाहेर असताना मंगळवारी संध्याकाळच्या सुमारास नितीन याने आपल्या राहत्या घरात गळफास घेतल्याची घटना घडली. शेजारी राहणाऱ्या लहान मुलांनी घराचा दरवाजा उघडल्यानंतर ही दुर्दैवी घटना उघडकीस आली. घटनास्थळी पोहोचलेल्या पोलिसांनी नितीनला तातडीने बोईसर ग्रामीण रुग्णालयात दाखल करण्यात आले. मात्र, वैद्यकीय अधिकाऱ्यांनी त्याला मृत घोषित केले. ◾आत्महत्या करणापूर्वी काय केले मुलाने व्हॉइस रेकॉर्डिंग आप दोनो बुरा मत मानियेगा मे आप दोनो की मेहनत को सिर्फ डूबा रहा हुं, इतने पैसे आप मेरे उपर खर्च कर रहे हे, तभी भी सिर्फ वेस्ट किये जा रहा हुं, मुझे माफ कर देना, मे स्कुल मे इसलिये नहीं ज...

रॅंक ऑरगॅनिक्स केमिकल कारखान्याला लागली आग ; तीन कामगार होरपळून जखमी पालघर : तारापूर औद्योगिक क्षेत्रातील रॅंक ऑरगॅनिक नावाच्या केमिकल कारखान्यात अचानक आग लागल्याने  तीन कामगार होरपळून जखमी झाले आहेत. दि.२९ नोव्हेंबर २०२४ रोजी पहाटे उत्पादन प्रक्रियेच्या दरम्यान अचानक उडालेल्या आगीच्या भडग्यात त्या ठिकाणी काम करणाऱ्या कामगाराच्या तोंडावर व हातावर ऊडाल्याने तीन कामगार होरपळून जखमी झाल्याची घटना घडली आहे. तारापूर औद्योगिक क्षेत्रातील रॅंक ऑरगॅनिक्स केमिकल प्लॉट नंबर एन.८५/८६ या कारखान्यात अचानक आग लागल्याने  १) चंद्रकांत बापू घरत (५१ वर्षे) २)दिपक करलेकर (३९ वर्षे) व ३) प्रविण तळपे (२८ वर्षे ) हे तीन कामगार आगीत जब्बर होरपळून जखमी झाले आहेत. त्यांना तातडीने बोईसर येथील संजीवनी रूग्णालयात उपचारासाठी दाखल करण्यात आलेले असून तिघ्यांची प्रकृती आता स्थिर असल्याचे डॉ. भानुशाली यांनी सांगितले आहे. दरम्यान दिनांक २९ नोव्हेंबर रोजी पहाटे आगीच्या भडग्यात होरपळलेल्या कामागारांची प्रकृती आता स्थिर असून ५१ वर्षीय कामगार चंद्रकांत घरत हे १७ ते १८ % भाजलेले असून त्यांना उच्च डायबिटीस असल्यामु...

बोईसर तारापूर रस्त्यावरील जाहिरात होडिंग नागरिकांसाठी धोकादायक बोईसर : बोईसर वरून तारापूरकडे जाणाऱ्या एमआयडीसी नाका व तारापूर अणुऊर्जा केंद्राच्या कर्मचारी वसाहतीच्या मुख्य प्रवेशद्वाराजवळ लोखंडी स्ट्रक्चर उभे केले आहे. या जाहिरातीसाठी दिलेल्या ठेकेदाराकडून शहरात बसवलेले होर्डिंग नागरिकांसाठी धोकादायक बनले आहेत.  बोईसर शहरात अनधिकृत बांधकामे आणि वाहतूक व्यवस्था सुधारण्यात अद्याप यश आलेले नाही. शहरात विविध ठिकाणी उभे केलेले होर्डिंग धोकादायक असून देखील संबधित विभागाकडून दुर्लक्ष केले जात आहे. राज्यात होर्डिंग्ज कोसळून अनेक अपघात आजपर्यंत झालेले असतानाही भर गर्दीच्या ठिकाणी बसवलेल्या भल्या मोठ्या होर्डिंगकडे दुर्लक्ष केले जात आहे. तारापूर अणुऊर्जा केंद्र, भाभा अणू संशोधन केंद्र तसेच  बोईसर - तारापूरकडे जाणाऱ्या एमआयडीसी नाका व तारापूर अणुऊर्जा केंद्राच्या कर्मचारी वसाहतीच्या मुख्य प्रवेशद्वाराजवळ जाहिरात फलक लावण्यासाठी लोखंडी स्ट्रक्चर उभे केले आहे या रस्त्यावर अहोरात्र प्रचंड अवजड व प्रवासी वाहतूक होत असते. रस्त्यावर जाहिरात फलक लावण्यासाठी ठेकेदार कंपनीने लोखंडी स्ट्रक्चर मु...

पालघर जिल्हा परिषद शाळेतील शालेय पोषण आहारात  बुरशी आणि जिवंत अळ्या  पालघर : पालघर जिल्हा परिषदेच्या शाळेमध्ये दिल्या जाणाऱ्या पोषण आहारामध्ये अळ्या निघाल्या आणि बुरशी आलेले मिलेट न्यूट्रेटिव्ह बार फूड वाटण्यात आले आहेत. यामुळे पालकांकडून संताप व्यक्त केला जात आहे.  मिळालेल्या माहितीनुसार, पालघर जिल्हा परिषदेच्या शाळांमध्ये शिकणाऱ्या विद्यार्थ्यांच्या जीवाशी खेळ सुरू आहे. शाळेत विद्यार्थ्यांना शासनाकडून पुरवण्यात येणाऱ्या पोषण आहारात बुरशी आणि जिवंत अळ्या सापडल्या. याचे व्हिडीओ आणि फोटो सध्या सोशल मीडियावर व्हायरल होत आहेत. पालघर जिल्हा परिषदेच्या प्राथमिक आणि माध्यमिक शाळांमधील मुलांना पुरविण्यात येणाऱ्या मिलेट न्यूट्रेटिव्ह बार फूडमध्ये जिवंत अळ्या आणि बुरशी आढळत आहे. पालघर जिल्हा परिषद शाळांमध्ये शिकणाऱ्या २ लाख ७५ हजार १९१ मुलांच्या जीवाशी खेळ सुरू आहे. आनंद लक्ष्मण चांदावरकर विद्यालय खानिवली आणि चिंचणी जिल्हा परिषद शाळा- ३ येथे आलेल्या पोषण आहारात बुरशी आणि जिवंत अळ्या आढळून आल्याने खळबळ उडाली आहे. पालघर जिल्ह्यातील जिल्हा परिषद शाळांना पोषण आहार पुरवण्याचे कॉन्ट्रॅक...