तलाठ्यावर गौण खनिज माफियांचा जीवघेणा हल्ला

तलाठ्यावर गौण खनिज माफियांचा जीवघेणा हल्ला


पालघर : अवैध गौण खनिज वाहतूक करणाऱ्या वाहनावर कारवाईसाठी गेलेल्या तलाठ्यावर जीवघेणा हल्ला झाल्याची घटना पालघर तालुक्यात घडली आहे. 

पालघर तालुक्यातील बोईसर मंडळ अधिकारी कार्यक्षेत्रातील मौजे गुंदले येथे अवैध्य रित्या गौण खनिजे तस्करी करणाऱ्या माफियांवर बडगा उचलणाऱ्या महसूल अधिकाऱ्यांवर गौण खनिज तस्करांनी हल्ला केल्याचा प्रकार उघडकीस आला आहे.

अवैधरित्या गौण खनिज उत्खनन करून बेकायदेशीर वाहतूक करत असल्याची वारंवार तक्रार मिळालेल्या तलाठी हितेश राऊत व मंडळ अधिकारी विजय गुंडकर यांनी गौण खनिज अवैध वाहतूक करणारे तीन ट्रक जप्त केले होते ट्रक जप्त केल्याचा राग मनात धिरज सुधीर भंडारी वय ३५ वर्ष राहणार दहिसर पाचमार्ग यांनी या महसूल अधिकाऱ्यांवर हल्ला चढवत तलाठी हितेश राऊत यांची कॉलर पकडून धक्काबुक्की करत जीवघेणा हल्ला केल्याचा व्हिडिओ प्रसारमाध्यमांद्वारे प्रसारित झाला होता.


सदर घटनेनंतर या अवैध खदाण चालविणाऱ्या व गौण खनिज वाहतूक करणाऱ्या तस्करांवर कारवाई  करण्यासाठी महसूल अधिकाऱ्यात भीतीचे वातावरण पसरलेले असून सरकारी वनविभागाच्या भूखंडावरील गौण खनिज उत्खनन करून करोडो रुपये रॉयल्टी बुडविणाऱ्या तसेच पर्यावरण नियमांचे उल्लंघन करणाऱ्या दगड खदाण व गौण खनिज बेकायदेशीर वाहतूक करणाऱ्या माफियांवर पोलीसांचा फौजफाटा सोबत घेऊन महसूल अधिकाऱ्यांना कारवाई करावी लागते की काय ?

दरम्यान बोईसर पूर्व भागात गुंदले, नागझरी, लालांडे या परिसरात अनेक दगड खदाणी बेकायदेशीर सुरू असून या खदाणीत अनेक कामगारांना जीव गमाववा लागलेला असून या बेकायदेशीर दगड खाणीत मोठ्या प्रमाणावर उत्खनन करत असताना पर्यावरण नियमांचे देखील काटेकोर अंमलबजावणी केली जात नाही. तर महसूल विभागाकडून कारवाई केल्यानंतर कारवाईचा राग मनात धरून माफियांकडून या अधिकाऱ्यांवर हल्ला चढवत जीवेठार मारण्याची धमकी दिली जात असताना जिल्हा प्रशासनाकडून मात्र या प्रकाराकडे गांभीर्याने पाहिले जात नसल्यामुळे तलाठी व मंडळ अधिकाऱ्यांना जीव मुठीत धरून काम करावं लागतं आहे. 


सदर प्रकरणी बोईसर पोलिस ठाण्यात MH04CG4152- प्रशांत राऊत, MH43E4494 - भूषण बांदिवडेकर व MH04EL0465 - धिरज सुधीर भंडारी यांचे मालकी तीन ट्रक जप्त करण्यात आलेले असून भारतीय न्याय संहिता २०२३ नुसार कलम १३२, १२१,११५,३५२,३१५(२) अंतर्गत गुन्हा दाखल करण्यात आला आहे 


◾ घटनास्थळी बोईसर मंडळ अधिकारी व तलाठी वर्ग मोठ्या संख्येने उपस्थित असून अनधिकृत गौण खनिज वाहतूकीवर कोणत्याही प्रकारची तडजोड केली जाणार नसून दोषींना कठोर शिक्षा होईल असा इशारा मंडळ अधिकारी विजय गुंडकर यांनी दिला आहे. 


 ◾महसूल अधिकाऱ्यांवर अशा प्रकारे होत असलेले हल्ले खपवून घेतले जाणार नाही.‌ पोलीसांच्या मदतीने उचित कार्यवाही केली जाईल:  सुनील शेंडगे - तहसीलदार पालघर

Comments

Post a Comment

Popular posts from this blog

तारापुर पोलिसानी वेश्या व्यवसाय चालविणाऱ्या महिलेला अटक करुन एका पीड़ित महिलेची केली सुटका

Image
तारापुर पोलिसानी वेश्या व्यवसाय चालविणाऱ्या महिलेला अटक करुन एका पीड़ित महिलेची केली सुटका  तारापुर : दि.१४ जून रोजी विकास नाईक, उप विभागीय पोलीस अधिकारी, बोईसर विभाग, बोईसर यांना गोपनीय बातमीदाराकडुन माहीती प्राप्त झाली की, तारापुर पोलीस ठाणे हद्दीत कुरगांव रॉयल गार्डन, रुम क्रमांक १०२, ए विंग या सदनिकामध्ये एक महिला अवैधरित्या वेश्या व्यवसाय चालवित असल्याची माहीती मिळाली. सदर माहीती प्राप्त होताच बाळासाहेब पाटील, पोलीस अधीक्षक, पालघर यांच्या मार्गदर्शनाखाली विकास नाईक, उप विभागीय पोलीस अधिकारी, बोईसर विभाग, बोईसर व तारापुर पोलीस ठाणेचे पोलीस अधिकारी व अमंलदार यांच्या सह सदर ठिकाणी छापा टाकून कारवाई केली असता त्या ठिकाणाहुन १ पिडीत महिलेची सुटका करण्यात आलेली असुन १ महिला आरोपी हिच्या विरुध्द तारापुर पोलीस ठाणे गुन्हा रजि. नं.४०/२०२४ भादवि कलम ३७० सह अनैतिक मानवी व्यापार (प्रतिबंध) अधिनियम सन १९५६ चे कलम ३,४,५ प्रमाणे गुन्हा नोंद करण्यात आलेला आहे. सदरची कामगिरी  बाळासाहेब पाटील, पोलीस अधीक्षक, पालघर, पंकज शिरसाट, अपर पोलीस अधीक्षक, पालघर, विकास नाईक, उप विभागीय पोलीस अधिकारी,...
Read more

स्थानिक उमेदवारांनीच कंत्राटी शिक्षक भरतीचे अर्ज भरावेत, बाहेरील उमेदवारांनी अर्ज भरू नयेत - सर्वपक्षीय सदस्यांची मागणी

Image
स्थानिक उमेदवारांनीच कंत्राटी शिक्षक भरतीचे अर्ज भरावेत, बाहेरील उमेदवारांनी अर्ज भरू नयेत - सर्वपक्षीय सदस्यांची मागणी पालघर : अनुसूचित जमाती प्रवर्ग व अन्य कोणत्याही प्रवर्गातील शिक्षक पदासाठी पात्रता धारण करणारे उमेदवार यांची जाहिरातीद्वारे अर्ज मागवून तात्पुरत्या कालावधीसाठी कंत्राटी पद्धतीने नियुक्ती करण्यात येणार असून या भरती प्रक्रियेमध्ये स्थानिक उमेदवारांनी अर्ज भरावेत आणि स्थानिक उमेदवारांना प्राधान्य देण्यात यावे असा जिल्हा परिषदेच्या सर्वसाधारण सभेमध्ये एकमताने ठराव झाला होता.  त्या अनुषंगाने आज दिनांक आज दिनांक 14 जुलै रोजी  जिल्हा परिषद अध्यक्ष प्रकाश निकम यांच्या दालनात सर्वपक्षीय सदस्यांची बैठक घेण्यात आली. या बैठकीत जिल्हा परिषद मध्ये भरण्यात येणाऱ्या कंत्राटी शिक्षक भरती संदर्भात केवळ स्थानिक उमेदवारांनी अर्ज भरावेत पालघर जिल्हा बाहेरील पात्र उमेदवारांनी यासाठी अर्ज देखील करू नये असे एकमताने आवाहन करण्यात आले. यावेळी मा.सभापती मनीषाताई निमकर आणि सर्वपक्षीय जिल्हा परिषद सदस्य उपस्थित होते. जर बाहेरील पात्र उमेदवारांनी यासाठी अर्ज केल्यास सर्व जिल्हा परिषद सदस्...
Read more

पालघरमध्ये रिक्षा आणि दुचाकीचा भीषण अपघात ; एका शाळकरी विद्यार्थिनीचा मृत्यू तर ६ जण गंभीर जखमी

Image
पालघरमध्ये रिक्षा आणि दुचाकीचा भीषण अपघात ; एका शाळकरी विद्यार्थिनीचा मृत्यू तर ६ जण गंभीर जखमी  पालघर : पालघरमध्ये भीषण अपघाताची घटना समोर आली आहे. दुचाकी आणि रिक्षाची समोरासमोर धडक होऊन भीषण अपघात झाला. या अपघातामध्ये एका शाळकरी विद्यार्थिनीचा मृत्यू झाला तर ६ जण गंभीर जखमी झाले आहेत. जखमींवर रुग्णालयात उपचार सुरू आहेत. हा अपघात इतका भीषण होता की यामध्ये रिक्षाचा चक्काचूर झाला आहे. मिळालेल्या माहितीनुसार, डहाणू-जव्हार मार्गावर अपघाताची ही घटना घडली. वरोतीजवळ बाईक आणि रिक्षाची समोरासमोर जोरदार धडक झाली. या अपघातात आठवीत शिकणाऱ्या विद्यार्थिनीचा जागीच मृत्यू झाला. संगीता सुभाष डोकफोडे (१४ वर्षे) असं या अपघातामध्ये मृत्यू झालेल्या विद्यार्थिनीचे नाव आहे. या अपघातामध्ये ६ जण गंभीर जखमी झाले आहेत. अपघाताची माहिती मिळताच पालघर पोलिसांनी घटनास्थळी धाव घेतली. जखमी झालेल्या सर्वांना तात्काळ कासा उपजिल्हा रुग्णालयात उपचारासाठी दाखल करण्यात आले. जखमींमधील अनेकांची प्रकृती गंभीर आहे. अपघातात मृत्यू झालेली संगीता वांगर्जे येथून सूर्यानगरला शाळेत जात असताना घडला अपघात झाला. प्रवासी उतरत असल्या...
Read more