तारापुर औद्योगिक परिसरातील अतिक्रमण विरोधात एमआयडीसी तोड़क कारवाई बोईसर : तारापुर औद्योगिक परिसरातील एमआयडीसीच्या जागेवर करण्यात आलेल्या अतिक्रमणांविरोधात तोडक कारवाई करण्यात आली असून एमआयडीसीच्या या तोडक कारवाईमुळे रस्त्यानी मोकळा श्वास घेतला. तारापूर औद्योगिक परिसरातील एमआयडीसीच्या मालकी जागांवर अनेक ठिकाणी अतिक्रमण करून अनधिकृत बांधकाम करण्यात आले आहे. त्याचप्रमाणे मुख्य आणि अंतर्गत रस्त्यांवर बेकायदा टपऱ्या आणि फेरीवाल्यांनी मोठ्या प्रमाणात बस्तान बसवले आहे. बेकायदा टपऱ्या आणि फेरीवाल्यांमुळे वाहतुकीला अडथळा निर्माण होत असल्याने यावर कारवाईची मागणी होत होती. एमआयडीसीचे उपअभियंता अविनाश संखे यांच्या देखरेखीखाली  जवळपास ६० पेक्षा अधिक अनधिकृत बांधकामे आणि बेकायदा टपऱ्या तोडण्यात येऊन  एमआयडीसीची जागा व रस्ते मोकळे करण्यात आले. रेल्वे यार्ड जवळील एमआयडीसीच्या जागेत अतिक्रमण करून मासे विक्रीसाठी बांधकाम करण्यात आले होते. या बांधकामावर कारवाई करण्यात आली. त्याचप्रमाणे टाकी नाका, मुकुट टॅंक पेट्रोल पंप ते उड्डाणपूलापर्यंतच्या रस्त्यांवर असलेल्या बेकायदा टपऱ्या हटविण्यात आल्या.

दांडियाचा रास रंग करणार वाहतूक कोंडी  बोईसर : बोईसर शहरात भाडेतत्त्वावर भूखंड देण्यासाठी प्रसिद्ध असलेल्या सर्कस मैदानावर दिनांक ३ ऑक्टोबर ते ११ ऑक्टोबर दरम्यान दांडिया रास रंगाचे नियोजन विश्वास वळवी यांच्या विश्वास फाउंडेशन द्वारा आयोजन करण्यात आले आहे परंतु या दांडिया रास रंग रस्त्यावरील येणाऱ्या जाणाऱ्या लोकांच्या जिवावर बेतणार असल्याचे दिसून येत आहे. बोईसर रेल्वे स्थानक ते तारापूरला जाण्यासाठी असलेल्या मुख्य रस्त्याच्या पदपथ (मार्जीनल स्पेसमधे )फलक मनोरामे उभे केल्यामुळे या मुख्य रस्त्यावर प्रचंड प्रमाणात वाहतूक कोंडी होणार असून निवडणूका आधीच आमदारकी निश्चित झाली की काय म्हणून प्रशासन देखील या भावी आमदारांकडून केल्या जाणाऱ्या चुकांकडे दुर्लक्ष करत असल्याचे निदर्शनास येत आहे. बोईसर तारापूर मुख्य रस्ता सार्वजनिक बांधकाम विभागाच्या अखत्यारीत येत असून परवानगी करिता अर्ज सादर केला गेला आहे का ? असेल तर कुठले निकष लावून परवानगी देण्यात आली अगदी रोड मार्जिनल स्पेस परवानगी देऊन नागरिकांना वाहतूक कोंडीत अडकवण्याचा डाव सार्वजनिक बांधकाम विभागाचा आहे का ? असे अनेक प्रश्न नागरिकांच्या मनात...

शिक्षक संघटननेचे सरकार विरोधात विविध मांगण्यासाठी जिल्हाधिकारी कार्यालयावर मोर्चा  पालघर : प्राथमिक शिक्षण क्षेत्रातील विरोधात राज्यातील सर्व शिक्षक संघटनांनी सरकारविरोधात असहकाराची हाक दिली आहे. पालघर जिल्ह्यातील जिल्हा परिषद शिक्षक बुधवारी सामूहिक रजा घेऊन जिल्हाधिकारी कार्यालयावर मोर्चा काढणार आहे त्यामुळे या दिवशी जिल्ह्यातील जिल्हा परिषदेच्या शाळा बंद राहणार असल्याबाबत प्राथमिक शिक्षक समन्वय समिती जिल्हा पालघर यांनी जिल्हाधिकारी मुख्य कार्यकारी अधिकारी यांची भेट घेत निवेदन दिले.एन परीक्षेच्या तोंडावर हे आंदोलन होत असल्याने विद्यार्थ्यांचे शैक्षणिक नुकसान होणार आहे.       विद्यार्थी व शिक्षक यांच्याबाबत संच मान्यता बाबतचा 15 मार्च 2024 व कंत्राटी शिक्षक भरतीचा शासन निर्णय रद्द होणे व इतर प्रलंबित मागण्यासाठी राज्यातील स्थानिक स्वराज्य संस्थांच्या प्राथमिक शाळा शिक्षण विद्यार्थी आणि शिक्षकांच्या प्रलंबित मागण्यांच्या संबंधाने शासनाकडून सतत दुर्लक्ष होत आहे त्यातच शिक्षण हक्क कायदा 2009 मधील तरतुदीस विसंगत अशा 15 मार्च 2024 आणि 5 सप्टेंबर 2024 च्या शासन न...

मे.कॅलिक्स केमिकल्स अँड फार्मास्युटिकल्स लि. कंपनीत भीषण स्फोट ; सहा कामगार भाजले बोईसर: तारापूर औद्योगिक क्षेत्रातील मे.कॅलिक्स केमिकल्स अँड फार्मास्युटिकल्स लि.कंपनीत दि .२० (शुक्रवारी) दुपारी एक ते दीडच्या सुमारास आग लागली होती यामध्ये सहा कामगार भाजले असुन यातील तिघांची प्रकृती गंभीर असल्याचे महिती समोर येत आहे. मिळालेल्या माहितीनुसार तारापूर औद्योगिक क्षेत्रातील प्लॉट क्र .एन - १०२/ ९१ मे. कॅलिक्स के मिकक्स अँड फार्मास्युटिकल्स लि. या कंपनीमध्ये नेहमी प्रमाणेच कारखान्यात केमिकल उत्पादन प्रक्रिया सुरू असताना अचानक हा स्फोट झाला, ड्रायर मध्ये तापमान अचानक वाढून त्याचा स्फोट होऊन त्यातून आगीचा भडका उडाला. या अपघातात ड्रायर मधील पेटते केमिकल शरीरावर पडून १) राजमनी मौर्य (वय ४५), २) पवन देसले (३२), ३) आदेश चौधरी (२५), ४) निशिकांत चौधरी (३६)  ५) संतोष हिंडलेकर (४९) , ६) चंदन शहा (वय३२) असे सहा कामगार गंभीररीत्या भाजले आहेत. यातील तिघांची प्रकृती गंभीर असल्याचे समजते. यांतील तीन जणांना तारापूर तारापूर एमआयडीसी मधील तुंगा हॉस्पिटल व इतर किरकोळ जखमींना बोईसर येथील डॉक्टर कुलकर्णी ...

नवापुर गावात बनणार जागतिक पातळीवरील दुसऱ्या क्रमांकाचे कृत्रिम वन कृत्रिम वनामुळे येणार नवापूर गाव पर्यटनाच्या नकाशावर  पालघर : पालघर तालुक्यातील नवापूर गावात एचडीएफसी बँकेच्या सामाजिक दायित्व निधीमधून समुद्रकिनारी कृत्रिम वन उभारण्याचा प्रकल्प हाती घेतला आहे यात सात एकर क्षेत्रफळावर ९० प्रजातीचे सुमारे एक लाख आठ हजार झाडांची लागवड होणारं असून जागतिक पातळीवर दुसऱ्या क्रमांकाचे समुद्रकिनाऱ्या लगत असलेले कृत्रिम वन बनणार आहे. नवापूर गावात दांडी खाडी नाक्याजवळ गावाच्या मालकीच्या १३ पैकी सात एकर जागेवर जागतिक पातळीवर दुसऱ्या क्रमांकाचे समुद्रकिनाऱ्यालगत कृत्रिम वन उभारण्यात येणार आहे. या प्रकल्पाचे उद्घाटन १४ सप्टेंबर रोजी करण्यात आले यामुळे काही वर्षानंतर नवापूर गाव पर्यटनाच्या नकाशावर येणार आहे. नवापूर गावातही किनाऱ्यालगत कृत्रिम वननिर्मिती झाल्यानंतर पर्यटकांचा ओघ वाढेल आणि नवापूर गावाची प्रगती होईल अशी अपेक्षा पर्यटक आणि पर्यावरणस्नेहींकडून व्यक्त केली आहे. येत्या काही वर्षात झाडांची घनता वाढल्यानंतर या ठिकाणी वेगवेगळ्या प्रकारचे पक्षी वास्तव्य करणे अपेक्षित असून पर्यटकांसाठी हे कृ...

शासकीय औद्योगिक प्रशिक्षण संस्था वाणगांव येथे जागतिक लोकशाही दिनानिमित्त उपराष्ट्रपतीच्या हस्ते संविधान मंदिराचे उद्घाटन   पालघर : शासकीय औद्योगिक प्रशिक्षण संस्था वाणगांव येथे दिनांक 15 सप्टेंबर 2024 रोजी जागतिक लोकशाही दिनानिमित्त संविधान मंदिराचे उद्घाटन करण्यात आले. सदर उद्घाटन हे आभासी पद्धतीने  11.00 वाजता माननीय उपराष्ट्रपती  जगदीप धनखड यांच्या हस्ते करण्यात आले.  औद्योगिक प्रशिक्षण संस्था वाणगांव येथे माननीय आमदार, पालघर विधानसभा मतदारसंघ श्रीनिवास वनगा यांच्या हस्ते उद्घाटन करण्यात आले. सदर कार्यक्रमाकरीता प्रमुख पाहुणे म्हणून मिलिंद पाटील अध्यक्ष, वि.म. पाटील कृषी प्रतिष्ठान, तृप्ती पाटील संचालिका वि. म. पाटील कृषी प्रतिष्ठान,  मुकुंद इंगळे प्राध्यापक के.डी. हायस्कूल उपस्थित होते. सदर कार्यक्रमाच्या अध्यक्षस्थानी  संजय भोई प्राचार्य, औद्योगिक प्रशिक्षण संस्था वाणगांव हे होते. सदर कार्यक्रमाचे सूत्रसंचालन प्रशांत बोकंद यांनी केले. कार्यक्रमाचे प्रास्ताविक  चंदन बंजारा प्रभारी प्राचार्य यांनी केले. कार्यक्रमाचे आभार प्रदर्शन सुप्रिया चुरी ...

माजी मंत्री गणेश नाईक यांच्या वाढदिवसानिमित्त बोईसर येथे रक्तदान शिबिर   बोईसर : माजी मंत्री महाराष्ट्र राज्य व माजी ठाणे जिल्हा पालकमंत्री, मा.आ. नवीमुंबई गणेश नाईक यांच्या वाढदिवसानिमित्त शिवशक्ती सामाजिक संघटना बोईसर तसेच श्रमिक सेना कामगार संघटना व पालघर जिल्हा ऑटो - रिक्षा- टॅक्सी चालक मालक संघटने तर्फे रक्तदान शिबिराचे आयोजन करण्यात आल्याची माहिती आयोजक व निमंत्रक संजय पाटील व्दारे देण्यात आली आहे . मानवाने विज्ञानातील प्रगतीच्या जोरावर सर्व काही साध्य केले आहे. मात्र, रक्तनिर्मिती करता आलेली नाही. अशातच वाढत्या आरोग्याच्या समस्या पाहता रक्ताची कमतरता भासू नये म्हणुन रविवारी दि.१५ सप्टेंबर रोजी सकाळी १० ते दुपारी ४ वाजे पर्यंत डॉन बॉस्को स्कूल, खोदाराम बाग , बोईसर येथे रक्तदान शिबिराचे आयोजन करण्यात आले आहे. रक्तदान सर्वात श्रेष्ठ दान असून वाढदिवसानिमित्त हे सामाजिक कार्य होत असल्याचे म्हणत नाईक साहेब यांचा वाढदिवस रक्तदान शिबीराचे आयोजन करून साजरा केला जातो असे संजय पाटील यांनी बोलताना सांगितले आहे.