कुडण गावात बिबट्याचा लहान मुलावर जीवघेणा हल्ला : परिसरात भितीचे वातावरण पालघर : पालघर तालुक्यातील तारापुर जवळील कुडण येथे प्रेम जितेंद्र पाटील वर्ष सात या शाळकरी मुलावर बिबट्याने जीवघेणा हल्ला केल्याची घटना घडली आहे. हा प्रकार काल घडलेला असून बिबट्याच्या हल्ल्यात हा मुलगा गंभीर जखमी झाला आहे. कुडण दस्तुरीपाडा येथे प्रेम जितेंद्र पाटील हा लहान मुलगा घरा बाहेर एकटाच खेळत असताना बिबट्याने हा हल्ला केल्याचे स्थानिक नागरिकांनी सांगितले जाते. या बिबट्याचा हल्ल्यात हा मुलगा गंभीर जखमी झाला असून त्याच्या डोक्याला व चेहर्‍याला चावा घेण्याने आणि ओरबडल्याने गंभीर जखमा झाल्या आहेत. या बिबट्याचा वनविभागाचे कर्मचारी या भागात शोध घेत असून, हल्ल्यात जखमी प्रेमला सिलवासा येथील रुग्णालयात उपचारासाठी दाखल करण्यात आले आहे. या घटनेमुळे पंचक्रोशीत भितीचे वातावरण पसरलेले असून गेल्या काही महिन्यांपासून या परिसरात बिबट्याचा वावर सुरू असल्याचे नागरिकांकडून बोललं जातं असताना वनविभागाच्या अधिकाऱ्यांनी या बिबट्याला त्वरित पकडावे अशी मागणी जोर धरू लागली आहे.

भारतीय संविधान दिवस व 26/11 दहशतवादी हल्ल्यात  निष्पाप बळी गेलेले नागरिक व पोलीस जवानांना वाहली आदरांजली  संविधान दिवस भारताच्या लोकशाहीचा उत्सव बोईसर, पालघर येथे उत्साहात झाला साजरा बोईसर : २६ नोव्हेंबर २०२३ रोजी डॉ. बाबासाहेब आंबेडकर चौक बोईसर व डॉ. बाबासाहेब आंबेडकर चौक पालघर येथे 11 वाजताच्या दरम्यान भारतीय संविधान दिवस साजरा करण्यात आला यावेळी कार्यक्रमाचे संयोजक श्री नरेंद्र करणकाळे यांच्या मार्गदर्शनाखाली सर्व सामाजिक कार्यकर्ते तसेच ज्येष्ठ नेते, उपनेते उपस्थित होते. कार्यक्रमाच्या सुरुवातीला डॉ. बाबासाहेब आंबेडकर यांच्या प्रतिमेला पुष्पहार अर्पण करण्यात आला. तसेच संविधानाची माहिती देणारा परिचय पट सादर करण्यात आला. संविधानातील मूलभूत अधिकार आणि कर्तव्ये यांची माहिती यावेळी देण्यात आली. यादरम्यान 26 नोव्हेंबर 2008 रोजी मुंबईवर झालेल्या दहशतवादी हल्ल्यात शहीद झालेल्या जवानांना आणि नागरिकांना आदरांजली पालघर पोलीस स्टेशन येथे अर्पण करण्यात आली. यावेळी कार्यक्रमाचे संयोजक नरेन्द्र करणकाळे यांनी सांगितले की, डॉ बाबासाहेब आंबेडकरांनी भारतीय संविधानाची रचना केली आणि त्यावर आपल...

दिवंगत प्रिया प्रविण संखे यांच्या स्मृतिदिना निमित्त निराधार वृद्धांना दिला मायेचा आधार  संस्थेच्या माध्यमातून पुण्याईचं काम प्रविण संखे करत आहे - शिरीष नाडकर्णी बोईसर : दिनांक २२ नोव्हेंबर २०२३ रोजी तारापूर येथे दिवंगत प्रिया प्रविण संखे यांच्या द्वितीय स्मृतिदिनानिमित्त तारापूर जवळील कामोडा येथील बाल विकास महिला मंडळ संचालित सिद्धी वृद्धाश्रम येथे वृद्ध आजी आजोबांना कांबळ व फळ वाटपाचे कार्यक्रम संपन्न झाले. याप्रसंगी प्रमुख पाहुणे म्हणून मे. डी डेकोर होम फॅब्रिक्स प्रायव्हेट लिमिटेडचे जनरल मॅनेजर शिरीष नाडकर्णी , रा.ही. सावे विद्यालय तारापूर येथील आदर्श पुरस्कार प्राप्त शिक्षक संपत वैराळ , महाराष्ट्र उद्योजकता विकास केंद्र पालघर जिल्हा समन्वयक मेघना वैराळ, संस्थेचे अध्यक्ष व बोईसर ग्रामपंचायत माजी उपसरपंच प्रविण संखे , महिला आर्थिक विकास महामंडळ बोईसर व्यवस्थापक रुपाली कोळेकर , स्थानिक जनविकास प्रतिष्ठान बोईसर महिला अध्यक्षा बेबीताई सानप व मुंबई बेस्ट बस सेवा कर्मचारी अनिल सानप उपस्थित होते.   यावेळी वृद्धाश्रमातील वृद्ध आजी आजोबांना व उपस्थितांना मार्गदर्शन करताना प्रम...

शेट्टीच्या ब्लूजेंट रेसिडेंसि हॉटेलवर प्रशासन मेहेरबान का? बोईसर : बोईसर ग्रामपंचायत हद्दीतील सर्वे क्रमांक १३१/१ प्रकाश महाबल शेट्टी यांनी बोईसर ग्रामपंचायतीकडून मोडकळीस आलेल्या घराची दुरुस्ती कामी ना हरकत दाखला घेत प्रशासनाचे सर्व नियम धाब्यावर बसवून चार मजली इमारत उभी करत शासनाची तिजोरी खाली करून स्वतःची तिजोरी कशी भरता येईल म्हणून प्रदूषण नियंत्रण मंडळाचे देखील नियम धाब्यावर बसवून २३ खोलीचे लॉजिंग तयार केले आहे. नवापूर नाका येथील गजबजलेल्या लोक वस्तीत अगदी जिल्हा परिषद शाळे समोरच चार मजली इमारतीत असलेल्या ब्लूजेंट रेसिडेंसि बेकायदेशीर हॉटेल सुरू असून यात  हातभार जवळ असलेल्या मंडळ अधिकारी कार्यालयाला देखील या बेकायदेशीर इमारतीचे बांधकाम सुरू असताना अनेक तक्रारी प्राप्त होऊन देखील आजरोजी ठोस कारवाई करता आलेली नसल्यामुळे मंडळ अधिकारी कार्यालयाच्या कामकाजावर आच्छर्य व्यक्त केले जात आहे. यात शहरातील वाढते प्रदूषण आटोक्यात आणण्यासाठी महाराष्ट्र प्रदुषण नियंत्रण मंडळाकडून विविध प्रकारचे उपक्रम राबविण्यात येत असून पर्यावरण नियमांचे उल्लंघन करणाऱ्या विरोधात कठोर कारवाई देखील केली जाते व...

मुख्यमंत्री शिंदे यांच्या गोंडस नावाखाली आप्पा करतोय फसवणूक ; जिल्हाप्रमुखांचा छुपा समर्थन...? शिवसेनेचा स्वयंघोषित युवानेता आप्पा मारतो थापा ; गरजवंताला लुबाडून करतोय दणक्यात साजरी दिवाळी पालघर :  शिंदे सरकार सत्तेवर येताच पालघर जिल्ह्यात त्यांच्या कार्यकर्त्यांनी फसवणुकीचा अक्षरक्ष धंदा सुरू केला आहे. मुख्यमंत्री शिंदे यांच्या नावाचा वापर करीत कामे करून देण्याच्या आमिषाने अनेकांची फसवणूक सुरू आहे. बोईसर मधील शिंदे गटाचा स्वयंघोषित युवा नेता सौरभ आप्पा नावाच्या वादग्रस्त कार्यकर्त्याकडून अशाच प्रकारे एका तरुणाची फसवणूक केल्याचा प्रकार उघड झाला असुन याप्रकरणी बोईसर पोलीस ठाण्यात तक्रार दाखल करण्यात आली होती. परंतु काही राजकीय दबावामुळे पोलिसांसोबत हितसंबंध असलेले नेते मंडळी यांनी सौरभ आप्पा ला लपवून ठेवण्यात यश आले होते. असे चित्र बोईसर येथे दिसण्यात आले. तर राजकीय दबावामुळे अनेक गोरगरिब तक्रारदार पोलीस ठाण्यात जाता जाता माघारी फिरले होते तर या सौरभ आप्पा सोबत शिवसेनेचा कुठलाही संबंध नाही असा पत्र पालघरच्या जिल्हाप्रमुखांनी काढून आज हेच जिल्हाप्रमुख नागरिकांच्या भावनेशी खेळत आहे का...

मीच उपसरपंच असल्याची बतावणी करणारा ग्रामस्थांना गंडवुन बेकायदेशीर बांधकामाला संरक्षण देण्याऱ्याला ग्रामस्थ देणार का निवडून.... बोईसर: तालुक्यातील ग्रामपंचायत निवडणुकीत चुरस वाढत असताना मतदारांना आकर्षित करणारी वेगवेगळी आश्वासने व फसवे वायदे करणाऱ्या उमेदवारांचा सुळसुळाट सुरू आहे.  खैरेपाडा ग्रामपंचायत निवडणुकीत देखील मीच उपसरपंच असल्याची बतावणी करून अनेक ग्रामस्थांना गंडवणारा पुन्हा एकदा निवडणूकीत भाग घेऊन मतदारांना फसवे वायदे करून सरपंच होणार का असा थेट आरोप माजी उपसरपंच हितेश संखे यांनी थेट सरपंच पदाचे उमेदवार संतोष पावडे यांच्यावर केले आहे. गेल्या पाच वर्षांपूर्वी सदस्य असताना पावडे यांनी अनेक बेकायदेशीर बांधकामाला संरक्षण दिले होते तर घरपट्टीत वाढ करण्यासाठी पावडे यांनीच आग्रह धरला होता असे देखील संखे यांनी सांगितले आहे. संपूर्ण बोईसर सहित हॉटेल व्यावसायिकांचा घनकचरा बनलेल्या खैरापाडा हद्दीतील कचराभूमीचे संगोपन ग्रामपंचायत खैरापाडा करत असून या सर्व परिसरातील अवैध घनकचऱ्या मुळे ग्रामपंचायतीवर अतिरिक्त भार पडत आहे. औद्योगिक विकास महामंडळाकडून हा भूखंड ग्रामपंचायतीला वर्ग करण्यासा...

बोईसर ग्रामपंचायतीतील भंडार वाड्यात पाण्याच्या टाकीचे भूमिपुजन बोईसर : गेल्या काही वर्षांमध्ये बोईसर ग्रामपंचायतीच्या लोकसंख्येत वाढ झाल्याने येथील जनतेला अपुरा पाणी पुरवठा होत असल्याने जनतेला भेडसावणारा पिण्याच्या पाण्याचा प्रश्न सोडविण्यासाठी बोईसर ग्रामपंचायतीत नव्याने निवडून आलेले सरपंच दिलीप धोडी, उपसरपंच निलम संखे व सदस्य ह्यांनी अनेक विकास कामांचा सपाटा सुरू केलेला दिसत असुन ग्रामस्थाना भेडसवणार्या पिण्याच्या पाण्याच्या प्रश्नापासून लवकरच  सुटका होणार आहे. आज पाण्याचा तुटवडा बघता तसेच ग्रामस्थांची पाण्याची अडचण लक्षात घेता बोईसर ग्रामपंचायतीने भंडार वाडा बोईसर ह्या ठिकाणीं १५ वित्त आयोगातून तीन लक्ष् लिटर पाण्याची क्षमता असणारी पाण्याच्या टाकीची अंदाजित रक्कम ७९ लाख रु च्या पाणीपुरवठा योजनेच्या टाकीचे भुमीपुजन करण्यात‎ आले. यावेळी भूमिपूजन प्रसंगी बोलताना बोईसर ग्रामपंचायतीचे उपसरपंच निलम संखे ह्यांनी सर्व ग्रामपंचायतीचे सदस्य, पदाधिकारी, ह्यांना आव्हान केले की सर्वांनी विकास कामा मध्ये सहकार्य केले असून पुढेही असेच सहकार्य करतील अशी अपेक्षा वेक्त केली.      ह...