लाच मांगणी प्रकरणी प्रभारी सहाय्यक आयुक्त व कनिष्ठ अभियंता ACB च्या जाळ्यात

 लाच मांगणी प्रकरणी प्रभारी सहाय्यक आयुक्त व कनिष्ठ अभियंता ACB च्या जाळ्यात

पालघर :वसई विरार शहर महानगरपालिका एफ विभाग पेल्हार प्रभाग समिती, प्रभारी सहाय्यक आयुक्त रुपाली राजेंद्र संखे वय- 55 वर्ष, कनिष्ठ अभियंता हितेश विनायक जाधव वय 30 वर्ष व गणेश प्रल्हाद झनकर - मजूर (कंत्राटी) यांना लाच मांगण्या प्रकरणी लाचलूचपत प्रतिबंधक विभाग, ठाणे पथकाने ताब्यात घेतले आहे.

  सदर तक्रारदार हे बांधकाम व्यवसायिक असून तक्रारदार व त्याचा भाऊ यांनी झावरपाडा, नालासोपारा येथील दुकानाचे दुरुस्ती व उंची वाढविण्याचे काम घेतले होते. सदर बांधकामावर कारवाई करुन ते निष्कासित न करण्या करीता लोकसेविका रुपाली संखे यांनी तक्रारदार यांचे कडे 50,000/-रूपये लाचेची मांगणी करीत असल्याबाबत दिनांक 16 /06/2022 रोजी रीतसर तक्रार दिली होती. सदर तक्रारीच्या अनुषगाने दिनांक 17/06/2022 रोजी केलेल्या पडताळणी कारवाई दरम्यान लोकसेविका संखे यांनी 40,000/- रु स्वीकारण्याचे मान्य करुन सदरची रक्कम कार्यालयात हजर असलेल्या गणेश झनकर यांचे कडे देण्याचे सांगितले. गणेश यांनी 18/06/2022 रोजी व 21/06/2022 रोजीचे सापळा कारवाई दरम्यान तक्रारदार व त्याच्या भावा कडून लाचेची रक्कम स्विकारण्याचे मान्य करुन स्विकारण्याचा प्रयन्त केला सदर प्रकरणी गुन्हा दाखल करण्यात आला असुन लोकसेविका रुपाली संखे व हितेश जाधव यांना ताब्यात घेण्यात आले आहे.

सदरची कारवाई मा.श्री. डॉ पंजाबराव उगले, सौ पोलीस अधीक्षक, अँन्टी करप्शन ब्यूरो ठाणे परिक्षेत्र, ठाणे यांनी केली आहे.