बोईसर शहरात पहिल्यांदाच 'बोईसर महोत्सव' होणार साजरा

बोईसर शहरात पहिल्यांदाच 'बोईसर महोत्सव' होणार साजरा 

सर्व जाती धर्माचे लोक एकत्र येण्यासाठी बोईसर महोत्सवाचे आयोजन - प्रशांत संखे 

बोईसर : काही दिवसा पासून चर्चेचा विषय ठरलेला बोईसर मध्ये एक वेगळा कार्यक्रम' बोईसर महोत्सव 'या कार्यक्रमाबाबत टिमा हॉल येथे प्रशांत संखे यांनी पत्रकार परिषद घेण्यात आली.सदर कार्यक्रमात अशोक वडे, चंदन सिंह, सुरेन्द्र राठोड, मनोज मिश्रा, राहुल पिंपळे उपस्थित होते.

प्रशांत संखे यांच्या संकल्पनेतुन बोईसर शहरात पहिल्यादाच 'बोईसर महोत्सव 'उत्साहात साजरा करण्यात येणार आहे. 

बोईसर शहरात नेहमीच वेगवेगळे कार्यक्रम पाहायला मिळतात परंतु प्रथमच बोईसर महोत्सवाच आयोजन प्रशांत संखे यांनी केला आहे. बोईसर मध्ये एम.आय.डी.सी असल्यामुळे सर्व जाती धर्माचे लोक येथे राहतात त्याच बरोबर आजपर्यंत कुठलाही वाद झालेला नाही त्यामुळे येथे चांगली परिस्थिति असुन सर्व लोकांना एकत्र करण्यासाठी बोईसर महोत्सव आयोजन करण्यात आले आहे. सदर कार्यक्रम हा 22 व 23 एप्रिल असा दोन दिवशी संध्याकाळी 6 ते रात्री 10 वाजे पर्यत सर्कस ग्राउंड, हार्मोनी सोसायटी च्या बाजूला संपन्न होणार आहे.

या महोत्सवात 22 एप्रिल रोजी हिंदी, मराठी, सुपर स्टार आर्केस्ट्रा लाईव्ह कार्यक्रम असुन 23 एप्रिल रोजी आप आपल्या गावाची लोकधारा लाईव्ह शो असे दोन दिवस वेगवेगळे कार्यक्रम असुन यात वेगवेगळ्या खाद्यपदार्थ्यचे स्टॉल लावण्यात येणार आहे तसेच यात इतर विविध प्रकारच्या वस्तु ची खरीदी नागरिकांना करता येणार आहे.

यावेळी प्रशांत संखे यांच्या 'बोईसर महोत्सव' या संकल्पनेमुळे त्याचे राजकीय नेते तसेच सामाजिक संंघटने कडून कौतुक केले जात असुन या बोईसर महोत्सवात सर्वाना परिवार सहित उपस्थित राहून महोत्सवाचा आनंद घेण्यास सांगितले जात आहे.