बोईसर मध्ये हिंदू नववर्ष स्वागत समिती द्वारा साजरा करणार हिंदू नववर्ष गुढीपाडवा उत्सव

बोईसर मध्ये हिंदू नववर्ष स्वागत समिती द्वारा साजरा करणार हिंदू नववर्ष गुढीपाडवा उत्सव

बोईसर: हिंदु वर्षातील पहिला सण म्हणजे गुढीपाडवा. हिंदू नववर्ष गुढीपाडवा उत्सव – २०२३, या वर्षीपासून ऐतिहासिक स्वरूपामध्ये साजरा करण्याचे सकल हिंदू समाज व हिंदू नववर्ष स्वागत समिती बोईसर यांच्यावतीने 22 मार्च 2023 रोजी आयोजित करण्यात आले आहे. यात हिंदू धर्मातील सर्व जाती पंत प्रांत भाषावार विखुरलेल्या हिंदूंनी एकत्रित येत केलेले आहे. या सोहळ्यात हिंदू धर्मातील व समाजातील सर्वांनी सहभागी होऊन कार्यक्रमाची शोभा वाढवण्याचे व एकत्रित येण्याचे आवाहन करण्यात आले आहे. या सोहळ्याचे आयोजन बोईसर सर्कस ग्राउंड येथे करण्यात आले असून दिनांक २२ मार्च २०२३ रोजी सकाळी साडेआठ वाजता गुढी उभारून गुढीचे पूजन करून कार्यक्रमाची सुरुवात करण्यात येणार आहे. यानंतर शिवकालीन शस्त्र व नाणी यांचे प्रदर्शन उद्घाटन, ढोल ताशा पथकांचे वादन, वारकरी संप्रदायाचे रिंगण, महिलांसाठी हळदीकुंकू समारंभ, सांस्कृतिक कार्यक्रमांचे आयोजन, हिंदू नववर्ष गुढीपाडवा याविषयी माहितीपर व्याख्यान, पारंपारिक वेशभूषेतील विविध सांस्कृतिक कार्यक्रम इत्यादींचे आयोजन करण्यात आले आहे. या उत्सव सोहळ्यात सर्वांनी सहभागी व्हावे असे हिंदू नववर्ष स्वागत समिती बोईसर यांच्यातर्फे आवाहन करण्यात आले आहे.

यावेळी समिती चे भावेश मोरे, पालघर जिल्हा अध्यक्ष वारकरी संप्रदाय चे प्रदीप महाराज, सामाजिक कार्यकर्ता अल्पेश मोरे, कृष्णा देशमुख, जीतेन्द्र जैन, बोईसर ग्रामपंचायत सदस्य देविका मोरे (राउत ), रेशमा जगताप, महेश सुतार, नीता राउत, आणि स्वरूपा विचारे आदि उपस्थित होते.