भरधाव ट्रेनच्या धडकेत तरुणीचा मृत्यू
भरधाव ट्रेनच्या धडकेत तरुणीचा मृत्यू
पालघर जिल्ह्यातून एक भयंकर घटना समोर आली आहे. रेल्वे ट्रॅक ओलांडत असताना एका महाविद्यालयीन हंसी मुकेश सिसोदिया (वय १८ वर्ष) या तरुणीचा भरधाव ट्रेनने जोरदार धडक दिली. या धडकेत तरुणीचा जागीच मृत्यू झाला आहे.
२२ फेब्रुवारी 2023 रोजी दुपारच्या सुमारास ही घटना घडली असुन हंसी ही विरार मधील यशवंत कुंज परिसरातील रहिवाशी असून ती पालघर येथील सेंट जॉन महाविद्यालयात शिक्षण घेत होती बुधवारी नेहमीप्रमाणे ती घरातून कॉलेजला निघाली यावेळी हंसीने बोरिवली वलसाड मेमोतून प्रवास केला. त्यानंतर हंसी पश्चिम रेल्वेच्या पालघर रेल्वे स्थानकावर उतरली. रेल्वे ट्रॅक ओलांडून हंसी महाविद्यालयाकडे जात असताना, अचानक भरधाव वेगाने तेजस एक्सप्रेस आली. काही कळण्याच्या आतच ट्रेनने हंसीला जोरदार धडक दिली. ही धडक इतकी भीषण होती की यामध्ये हंसी गंभीर जखमी झाली. दरम्यान, घटनेची माहिती मिळताच, रेल्वे पोलिसांनी तातडीने घटनास्थळी धाव घेतली. पोलिसांनी तातडीने हंसीला जवळच्या रुग्णालयात उपचारासाठी दाखल केलं. मात्र, रुग्णालयात जाण्यापूर्वीच तिचा मृत्यू झाला होता. या घटनेमुळे परिसरातून हळहळ व्यक्त केली जात आहे.
Comments
Post a Comment