आरती ड्रग्समध्ये वायूगळती; सालवड-शिवाजीनगर परिसरात भीतीचे वातावरण बोईसर : तारापूर औद्योगिक क्षेत्रातील प्लॉट क्रमांक टी-१५० येथील आरती ड्रग्स लिमिटेड कारखान्यात सोमवारी सायंकाळी साडेसहा ते सातच्या दरम्यान वायूगळतीची घटना घडली. या घटनेमुळे सालवड व शिवाजीनगर परिसरात काही काळ घबराटीचे वातावरण निर्माण झाले. युनिटमधील विरळ हायड्रोक्लोरिक आम्लाच्या टाकीला भेग पडल्याने आम्लगळती झाली. त्यामुळे हवेत गच्च एचसीएल वायू मिसळून धुराचे लोट पसरले. या वायूमुळे नागरिक व कामगारांना डोळ्यांची जळजळ, घशात खवखव व श्वसनाचा त्रास जाणवला. माहिती मिळताच कंपनीच्या सुरक्षा अधिकाऱ्यांनी तातडीने उपाययोजना करून गळतीवर नियंत्रण मिळवले. तसेच तारापूर अग्निशमन दल आणि बोईसर पोलिसांनी घटनास्थळी धाव घेतली. तातडीच्या कारवाईमुळे मोठे नुकसान टळले असून परिस्थिती नियंत्रणात आहे. याआधीही १३ जुलै २०२४ रोजी याच कंपनीत ब्रोमीन वायूगळतीची घटना घडली होती. त्यामुळे शिवाजीनगर परिसरातील संतप्त नागरिकांनी पोलिसांना घेराव घालत कंपनी बंद करण्याची मागणी केली. दरम्यान, काही दिवसांपूर्वीच मेडली फार्मास्युटिकल्स कारखान्यात वायूगळती होऊन चार का...

बोईसरमध्ये ११ वर्षीय मुलाचा विजेच्या धक्क्याने मृत्यू बोईसर : गणेश नगर परिसरातील साई लोकनगर येथे काल दुपारी झालेल्या घटनेत आयुष अनिल पांडे (वय ११) या मुलाचा विजेच्या धक्क्याने मृत्यू झाला. घरात पाणी भरत असताना मोटार बंद करण्यासाठी तो गेला होता. यावेळी प्लग काढण्याचा प्रयत्न करताना त्याला जोरदार विजेचा धक्का बसला. त्याच वेळी खाली पाणी साचलेले असल्याने विजेचा प्रवाह वाढला आणि दुर्घटना घडली, अशी प्राथमिक माहिती मिळाली आहे. आयुष हा आई-वडिलांचा एकुलता एक मुलगा होता. त्याच्या मृत्यूमुळे कुटुंबावर दुःखाचा डोंगर कोसळला असून परिसरात हळहळ व्यक्त होत आहे. पोलिसांनी घटनास्थळी पंचनामा करून पुढील तपास सुरू केला आहे.